الأسئلة والاستفسارات عن كلية طب الأسنان ..

[Kaira]

ليش التحطيم دا يا عسل ^^
شوفي يا قلبي
أنا ولد خالتي أنقبل صيدلة بس كان على أيام قبل لا يكون في تحضيري يعني السنة الأولى كل الكليات الصحية يدرسو نفس المواد،، وكان حلمو انو يدخل طب بشري
لكن ربي ما أراد ودخل صيدلة ..
وماشاالله شد حيلو وجاب معدل عالي و جو قالولو انك ممكن تقدر تحول من صيدلة لـ طب أسنان أو تستمر في الصيدلة أو تحول طب بشري موازي .. وأستخار ربنا وفي النهاية انفتح قلبو لطب الأسنان ^^
ودحين هوة ماشاالله دحين طالع خامسة طب أسنان =)

فما في شي بعيد عن ربنا ..
انتي أدعي ربنا كتيييييير خاصة دحين أيام رمضان شهر فضيل ودحين احنا في التلت التاني منو
وشوية كدا راح ندخل في التلت الأخير والعشرة الأواخر من أفضل الايام في رمضان ..

وإلي ربي كاتبو راح يصير بس انتي لا تحطمي نفسك ولا تتزمري ^^

[حبه سوكـرا..]

الله يوفقك ان شاء الله و يكتب لك الخير وين ماكان
و يشرح صدرك و ينور دربك يآآرب

و تذكري دايم انه و عسى ان تكرهوه شيئا وهو خيرا لكم
يعني الانسان مايدري فين الخيرة انتي بس ادعي ربك
انه يكتب لك اللي فيه خير دنيا و آخرة

[No_0ne]

انتي هنا برضو ؟؟؟
الله يصلحك بس فكري بالكلام الي قلتي في منتدى الصيدله :( ترا تفكريك الحالي غلط في غلط ...
ما اقول الا الله يسهل لك امورك و تحولي للاسنان لو كان فيها خير لك و يصرفها عنك لو فيها سوء لك ...

[ساعدوني رايكم يهمني]

اعتذر م̷ـــِْט صاحبة الموضوع عالدخلة الغلط بس عندي سؤال مستعجل وإبعاكم تجاوبون عليه. الحين موقع كلية الطب م̷ـــِْט أي بوابة فالجامعه!؟وموقع الدراسات العليا فين بالضبط موقعها فالكلية؟،مأابعى أضيع فالحر ذا اللي إحنا فيه واجلس بذل ساعه ساعتين على ما أدور المكان،
واعتذر مرة ثانية م̷ـــِْט صاحبة الموضوع

[amiwa]

DR.Nouf ^^^^^^ +100000000
انا معاكي من البداية
..................
"عبقرية"
ماراح اكرر الكلام اللي قلتو في الصيدلة, هنا بس حقول الله يهديكي ويهدينا اجمعين
ويسخرلك الخير فين ما كان و [[يرضيكي بيه]]

[ساعدوني رايكم يهمني]

انـــ¤ـــا أبغى أروح اليوم كلية الطب بس ما أعرف م̷ـــِْט أي بوابة وأبغى أراجع قسم الدرسات العليا بس مو عارفة شيء عن موقعهم

[Dr~NanoOok]

المشاركة الأصلية كتبت بواسطة ساعدوني رايكم يهمني اعتذر م̷ـــِْט صاحبة الموضوع عالدخلة الغلط بس عندي سؤال مستعجل وإبعاكم تجاوبون عليه. الحين موقع كلية الطب م̷ـــِْט أي بوابة فالجامعه!؟وموقع الدراسات العليا فين بالضبط موقعها فالكلية؟،مأابعى أضيع فالحر ذا اللي إحنا فيه واجلس بذل ساعه ساعتين على ما أدور المكان، واعتذر مرة ثانية م̷ـــِْט صاحبة الموضوع

عزيزتي ياليت كتبتي استفسارك بموضوع الاستفسارات المثبت للقسم
عشان لا نخرج عن موضوع الأخت

موقع المجمع الطبي للكيات الطبية تدخليه من بوابة الصقر اللي قريبة من المستشفى الجامعي

وكانك رايحة على البوابة الشمالية لكلية الآداب
هناك البوابة الأقرب لك من مبنى كلية الطب اللي هو رقم 4
وهذه الصورة حتفيدك

http://www.skaau.com/vb/attachment.p...c=1&d=12852840 64


البوابة الشرقية للمجمع الطبي

هي الأقرب ونفس جهة البوابة الشمالية لكلية الآداب

[almr7r7]

(واعلم أن ما اصابك لم يكن ليخطئك وأن ما اخطئك لم يكن ليصيبك)

حبيت أبدا بهذا الحديث لأشرف الأنبياء صلواتي ربي وسلامي عليه

بالنسبة للتحويل من الصيدلة للأسنان بأذكر لك قصة واحد حول لكليتنا جاي من الصيدلة وصار من الأوائل على الدفعة يعني ما فاته شيء بالعكس من ذلك أضافت له روح التحدي والمنافسة على التحويل

عشان تحولين لكليتنا تحتاجين تضيفين بعض

المصطلحات لقاموسك السنة الجاية لايوجد مستحيل ولا يوجد صعب

بالنسبة للسنة الأولى في حقيقة الأمر هي عبارة أيضا عن سنة تحضيرية للكليات الصحية يعني الللي بتأخذينه في الصيدلة يأخذونه في الأسنان تفرق يمكن مادة هذا على أيام دفعتي


وأختم بيت شعري للأمام الشافعي رحمه الله

على ماذا أٌذهب النفس حسرة.....وقد قسم الرحمن رزق الخلائق

[No_0ne]

المشاركة الأصلية كتبت بواسطة No_0ne انتي هنا برضو ؟؟؟ الله يصلحك بس فكري بالكلام الي قلتي في منتدى الصيدله :( ترا تفكريك الحالي غلط في غلط ... ما اقول الا الله يسهل لك امورك و تحولي للاسنان لو كان فيها خير لك و يصرفها عنك لو فيها سوء لك ...

بنات اسفه لو ان ردي فيه شي غريب :( و مو منطقي لاني يوم كتبتو امس كنت متضايقه من الكلام الي قالتو و دا الرابط لو تبو تشوفو :( http://www.skaau.com/vb/showthread.php?t=435528 ...
بس الله يهديها عبقريه كتبت موضوع في منتدى الصيدله بطريقه مستفزه و انا عارفا انو مو قصدها الي قالتو لانها متضايقه بسبب عدم دخولها كليه طب الاسنان جيت ابا اعدل مشاركتي بس ما قدرت ...
و بالتوفيق للجميع ...

[شفع]

سلام عليكم ..
احيي كل دكاترة الاسنان الله يسعدكم ويهنيكم أحلا تخصص تخصصكم زينة الانسان بسمة
وزينة البسمة الاسنان وزينة الاسنان فم صحي وزينة الفم الصحي نتاج عملكم الله يسعدكم ..

بعد المقدمة الطويلة اللي ما ادري وش ابي منها، سؤالي :
هل عندكم بكلية طب الاسنان شرط من شروط التخرج ان المتخرج لازم يستلم حالة و
يعالجها وتكون هـ الحالة مثلاً كمشروع تخرج ؟


* تنويه
<~ يوجد حالة جاهزة

لا بس من جد واحد قال لي هـ الكلام قبل فترة وما هضمته ..؟