استفسارتكم في التسجيل لِـ برامج الدراسات العليا

[ليلاس لولو]

شككككككررررراً جززززيلاً لكِ أخت بيوكيميائيه ع التوضيح أسأل الله أن يوفقك ويعطيك لين يرضيك ويحقق مرادك يااااااااارب ،، ويجزاكِ الجنه ،،

تحياتي العطرة لكِ ،،

[اين الحقيقه؟؟]

هل فيه مواد تكميلية في مسار اللغة فرع الفيصلية لماجستير اللغة العربية؟

علما أني متخرجة من جامعة الطايف لغة عربية مع الإعداد التربوي .

هل فيه مواد تكميلية؟وكم عددها؟؟

[بيو كيميائية ^_^]

المشاركة الأصلية كتبت بواسطة اين الحقيقه؟؟ هل فيه مواد تكميلية في مسار اللغة فرع الفيصلية لماجستير اللغة العربية؟ علما أني متخرجة من جامعة الطايف لغة عربية مع الإعداد التربوي . هل فيه مواد تكميلية؟وكم عددها؟؟

كونك من جامعة مختلفة فراح يكون عندك تكميلي

بالتوفيق

[الوردة الجريحة]

السلام عليكم

متى يبدأ التسجيل للماجستير في أقرب وقت سواء كان تخصص حاسب الي أو جميع التخصصات ياليت تعطوني تاريخ معين جزاكم الله خير

[بيو كيميائية ^_^]

أقرب وقت في جامعتنا ربيع الثاني إن شاء الله

[ليلاس لولو]

السلام عليكم ورحمة الله وبركاتة

كيفكم ي صبايا

اليوم جاتني رسالة ع الايميل من الجامعه فيها رقمي الجامعي فقط والسري مافي ،، قلت يمكن فتحت الشعب حقت الفصل الأول 2014 ولما شيكت ع جدولي لقيت كل شي زي ماهو ومالقيت الفصل الأول من ضمن الخيارات 2014 ،، وكمان في معلومات الطالب بس اسمي موجود وانو مستجده بس مافي اي معلومات ثانيه..

بليييييزززز اللي فاهمه أي شي عن هالنظام تبع الأودس تفهمني معقوله إلى الآن مافتحت شعب حقت الفصل الاول ومانقدرر نضيف!!!!!

يمكن عشان ما روحت عبيت نموذج طالب مستجد فما فتحتلي الاضافه في الأودس! !!! ويلا ماله علاقه؟؟؟؟

أخاف تفوتني الأضافه واتورط تكفووووووون جاوبوني وش سالفه هالجدول؟؟؟؟

[بيو كيميائية ^_^]

المشاركة الأصلية كتبت بواسطة ليلاس لولو السلام عليكم ورحمة الله وبركاتة كيفكم ي صبايا اليوم جاتني رسالة ع الايميل من الجامعه فيها رقمي الجامعي فقط والسري مافي ،، قلت يمكن فتحت الشعب حقت الفصل الأول 2014 ولما شيكت ع جدولي لقيت كل شي زي ماهو ومالقيت الفصل الأول من ضمن الخيارات 2014 ،، وكمان في معلومات الطالب بس اسمي موجود وانو مستجده بس مافي اي معلومات ثانيه.. بليييييزززز اللي فاهمه أي شي عن هالنظام تبع الأودس تفهمني معقوله إلى الآن مافتحت شعب حقت الفصل الاول ومانقدرر نضيف!!!!! يمكن عشان ما روحت عبيت نموذج طالب مستجد فما فتحتلي الاضافه في الأودس! !!! ويلا ماله علاقه؟؟؟؟ أخاف تفوتني الأضافه واتورط تكفووووووون جاوبوني وش سالفه هالجدول؟؟؟؟

و عليكم السلامـ

أنا كمان أرسلوا لي نفس الشيء

و نفسك تمامًا

هو مافتحت شعب 2014 و كمان إذا فتحت ماتقدري إلا لما تعبي النموذج

و لسه باقي وقت لا تخافي

بسألك أنا الكلية مكتوب غير معرفة و كمان مو مكتوب التخصص و الفصل الدراسي كانوا حاطين لي 2012 و الحين صار فاضي !!

بس مكتوب حالة الطالب مستجد و فعال

أنتِ مكتوب لك كذا مثلي و إلا ؟؟

[ليلاس لولو]

مشكوره حبييبتي بيوكيميائيه ع الرد الله يعطيك لين يرضيك

بخصوص معلومات الطالب ايوا دوبي شيكت وطلعت معلوماتي نفسك تماماً مو كاتبين تخصص والكليه غير معرفة واللي موجود بس اسمي ومستجد وفعال فقط..

طيب اسمحيلي أستشيرك متى تنصحيني أروح أعبي هالنموذج ومين أعطيه؟؟؟

المشاركة الأصلية كتبت بواسطة بيو كيميائية ^_^ و عليكم السلامـ أنا كمان أرسلوا لي نفس الشيء و نفسك تمامًا هو مافتحت شعب 2014 و كمان إذا فتحت ماتقدري إلا لما تعبي النموذج و لسه باقي وقت لا تخافي بسألك أنا الكلية مكتوب غير معرفة و كمان مو مكتوب التخصص و الفصل الدراسي كانوا حاطين لي 2012 و الحين صار فاضي !! بس مكتوب حالة الطالب مستجد و فعال أنتِ مكتوب لك كذا مثلي و إلا ؟؟

[بيو كيميائية ^_^]

المشاركة الأصلية كتبت بواسطة ليلاس لولو مشكوره حبييبتي بيوكيميائيه ع الرد الله يعطيك لين يرضيك بخصوص معلومات الطالب ايوا دوبي شيكت وطلعت معلوماتي نفسك تماماً مو كاتبين تخصص والكليه غير معرفة واللي موجود بس اسمي ومستجد وفعال فقط.. طيب اسمحيلي أستشيرك متى تنصحيني أروح أعبي هالنموذج ومين أعطيه؟؟؟

آمين يارب

الحمدلله طمنتيني الله يريحك دنيا و آخرة

عادي أي وقت أو تحبي نهاية شعبان عشان تستلمي البطاقة في نفس الوقت

فيه بنات أعرفهم راح يروحون هذا الأسبوع راح أسألهم فين بالضبط عبوا النموذج و أرد لك خبر

أنت راح يكون عندك تكميلي و لازم تروحي لرئيسة قسمك تعبي لك ورقة المواد التكميلية

بالتوفيق

[ريم علي]

السلام عليكم..
بنات أنا بكرة ان شاء الله رايحة آخذ نموذج طالبة مستجدة من فين يعني أي مبنى??
وايش أسوي بالنموذج يعني بس أعبيه ويوقعونه وياخذونه??
والسؤال الثاني أنا خريجة كلية مين اللي يحدد لي إذا فيه مواد تكميلية أو لا?? هل هذا الشي بكرة إذا رحت أسويه وكيف يضيفونها يعني تنزل تلقائي في جدولي??
وهل المواد التكميلية ينتج عنها زبادة عدد سنوات الدراسة?? :(
وهل هذا يأثر على المواد اللي أنزلها يعني بحالة لو أخذت مواد تكميلية راح آخذ مواد أقل من الماجستير ولازم أعرف كم مواد التكميلي وعلى أساسه أعبي جدولي..
وهل فيه أحد عمل جدول يعطيني شرح مبسط??
والمعذرة لكثرة الأسئلة وجزاكم الله خير..