لطلآب التحضيري أي سؤآل أو استفسار ضعه هنـآ وبإذن الله تجد الإجابة

[Somaiah Yousef]

المشاركة الأصلية كتبت بواسطة mema.h السلام عليكم .. معليش انا مو فاهمه فكره السلايدات ؟ يعني هي موحده ع كل الدكتورات ؟ يعني لو دكتورتي مو منزله سلايداتها بصفحتها الشخصيه اقدر اخذها من دكتوره ثانيه ؟ بالتالي الاسئله راح تكون موحده او كيف ؟ وكمان قرأت انه فيه سلايدات اشتريها من المكتبه ! اش فرقها عن اللي في النت ؟ او ماتكون منزله في النت فأضطر اشتريها ؟؟ طيب مذاكرتي تكون من السلايدات فقط ؟ الكتاب مو مهم ؟ او كلهم تقريبا نفس الشيئ ؟؟ شكرا

وعليكم السلام

ماوضحتي المادة اللي تسألي عنها

عامةً .. الاختبار إلكتروني والأسئلة موحدة لكن النماذج تختلف

والسلايدات اللي ماشيين عليها في مادة الكيمياء .. سلايدات الدكتورة ليلى الحربي

والأحياء تأكدوا من د . حنان الشاذلي .. إحنا مشينا ع السلايدات المترجمة القديمة

والإحصاء مامشينا ع السلايدات .. وفيه ناس مشيت ع السلايدات

عموما المنهج واحد :)

سلايدات المكتبه هي نفسها سلايدات النت وانا شخصيا ماقد اشتريت من المكتبة


الكيمياء > سلايدات ليلى الحربي + تست بانك

الأحياء > سلايدات المادة إما المترجمة أو الغير مترجمة تأكدوا ..

الإحصاء > الأفضل تمشي مع الكتاب

[Somaiah Yousef]

المشاركة الأصلية كتبت بواسطة باستيل ارجوكم ساعدوني دخلت على سلايدات الحاسب مو موجودا فين الاقيها؟؟ والشابتر حقت الفيزيا فين الاقيها. هي تغني عن الكتاب؟

سلايدات الحاسب من هذا الموقع

هنـــــــا

الكتاب ماتحتاجيه ولا الشابترز

المذاكرة من السلايدات والملخصات في موقع هناء فرحان وبعدين أكدي فهمك واتدربي على التست بآنك

وقبل الاختبار اشتري ملزمة اسئلة السنوات السابقة وتدربي عليها

موفقة يآرب

[صووفيا]

كتاب الكيمياء ايش احتاج فيه ..؟
دكتورتي عايشه طلبتوه وانا صورت السلايد وهيا تشرح من السلايد ضروري اشتريه

[Somaiah Yousef]

المشاركة الأصلية كتبت بواسطة صووفيا كتاب الكيمياء ايش احتاج فيه ..؟ دكتورتي عايشه طلبتوه وانا صورت السلايد وهيا تشرح من السلايد ضروري اشتريه

لا تشتريه

فيه دكتورات طلبوه من البنات واشتروه ع الفاضي وماستخدموه

طالما إن الدكتورة نفسها مابتستخدمه ماله داعي

[نسيم الامل]

الله يعطيكم العافية ماقصرتوا
طيب السؤال الثاني
بعد مامر اسبوع كامل مادرست الا انجلش ومحاضرتين رياضيات
سؤالي كالتالي ايش هيا مصادري للمذاكرة يعني انا ماني عارف من وين اذاكر محد من الدكتارة افادنا بشي
بعكس البنات كل دكتورة تقول مصادر المذاكرة
واللي قاهرني دكتور الفيزياء ادانا محاضرة تمهيدية قالنا فيها ذاكرو كتاب مدري ايش اسمه بس انه مرجع
وذاكروا كتاب ثالني وكمان ذاكروا ذا الكتاب,,,,, وكل ماتفتح كتب اكثر كل ماحصلت واستفدت اكثر
قمت انا قلت له بنص كلامه كثرة المصادر تشتت التفكير<<عصب علي وقالي انت بجامعة مو ثانوي
يعني صراحة اهني كل واحد بيحضر عند الدكتور طلال الحربي قمة في الكبرياء
>>>اتركوكم من الفضفضة ذي
بغيت اعرف يعني من ايش اذاكر والله حايس وابو جبل شرح لنا محاضرتين اساسيات الرياضيات بس ماقالنا من وين نذاكر
كل اللي قاله لنا انو اللي بيحضر عندي اقل شيء بيطلع 90% وراح يكون سوبر بالماث طيب ماشاء الله كيف بطلع 90% وانت ماقلت لنا من وين نذاكر
كل اللي قاله قال اشتروا كتاب كالكولاس باي نمبر

والله تايه ساعدوني ياجماعة ابدخل الكلية اللي ابغاها واحس السنة ذي بتعيقني

[Somaiah Yousef]

المشاركة الأصلية كتبت بواسطة نسيم الامل الله يعطيكم العافية ماقصرتوا طيب السؤال الثاني بعد مامر اسبوع كامل مادرست الا انجلش ومحاضرتين رياضيات سؤالي كالتالي ايش هيا مصادري للمذاكرة يعني انا ماني عارف من وين اذاكر محد من الدكتارة افادنا بشي بعكس البنات كل دكتورة تقول مصادر المذاكرة واللي قاهرني دكتور الفيزياء ادانا محاضرة تمهيدية قالنا فيها ذاكرو كتاب مدري ايش اسمه بس انه مرجع وذاكروا كتاب ثالني وكمان ذاكروا ذا الكتاب,,,,, وكل ماتفتح كتب اكثر كل ماحصلت واستفدت اكثر قمت انا قلت له بنص كلامه كثرة المصادر تشتت التفكير<<عصب علي وقالي انت بجامعة مو ثانوي يعني صراحة اهني كل واحد بيحضر عند الدكتور طلال الحربي قمة في الكبرياء >>>اتركوكم من الفضفضة ذي بغيت اعرف يعني من ايش اذاكر والله حايس وابو جبل شرح لنا محاضرتين اساسيات الرياضيات بس ماقالنا من وين نذاكر كل اللي قاله لنا انو اللي بيحضر عندي اقل شيء بيطلع 90% وراح يكون سوبر بالماث طيب ماشاء الله كيف بطلع 90% وانت ماقلت لنا من وين نذاكر كل اللي قاله قال اشتروا كتاب كالكولاس باي نمبر والله تايه ساعدوني ياجماعة ابدخل الكلية اللي ابغاها واحس السنة ذي بتعيقني

أنا اشوف كتاب الفيزياء أبدا ماله داعي لا عند البنات ولا عند الاولاد

خليكم على الملخصات لان المادة كلها مسائل

ملخصات واسئلة السنوات السابقة

اسئلة السنوات السابقة جبااارة تهيئك للاختبار وتطمنك .. عدوا عليها بس وتصفحوها وحتشوفوا إنه الوضع بسيط حتى وإنتو لسة مابدأتوا !

المنهج كله سرعة وتسارع .. وبعدين الحركة في بعدين وقوانين نيوتن

اشياء بسيطة وربي قوانين تحفظوها وتعوضوا فيها


الرياضيات اكتب مع الدكتور .. ومادام إنه طلب منكم الكتاب

يصير هو مصدرك فقط .. ولو توفر وورك شوب يوافق مناهجكم .. حلو

ذاكر امثلة الكتاب وحل تمارين وإنت سليم

موفق

[وريدي]

اخويا تحضيري ودوبو تاني سمستر ويبغا يقدم اعتزار دا الترم ,, والترم الجي بيحول انتساب لانو راح عليه التحويل
هل ينفع احول ؟؟ و كييف لاني ماعرفت ع الاوديس ؟؟ وهل لازم يروح الجامعه ولاكيف يقدم الاعتزار ؟؟


لو سمحتو فيدوني ضروري عشان قبل مايروح عليه ومايحلق علي شي

[Raneeny]

بالنسبه للرياضيات اشتري الكتاب مهم نسيت اسم حقنا مدري اذا هوا نفسو طبعاً انت تذاكر الرياضيات عن طريق حل المسائل و الامثله الي معاكم من الكتاب وتحل الوورك شوب حقت البروف ماكنت أحلها للاسف واشياء كثير ماكنت فاهمتها فجبت درجة سيئة :|..


بالنسبة للفيزياء برضو كلو تقريباً مسائل ..كان مصدري الوحيد كتابتي للشرح مع الاستاذة وفيديوهات يوسف زويل وبعد ماأخلص أحل نماذج .. مدري اذا الفيديوهات موجودة دحين او لا .. بس اتوقع في الملخصات حقته سواءً في النت او المكتبات.. الدوري الاول في الفيزياء جداً سهله التشابترات الي فيه لاتضيع ولا درجه الفيزياء المادة الوحيدة العلميه الي جبت فيها 100 في التحضيري

[باستل]

اناا مرا محبطهه وافكر اسحب من الجامعه احس نفسي ضايعه وبذات الرياضيات والفيزياء :(
+كيف اذاكر الحاسب ؟؟

من الكتاب ولا السلايدات ؟ السلايدات مرا كتير فوق 55 نذاكرها ؟ لاني اشوف الكتاب يشبه السلايدات


الزبده كيف نذاكرها والي اخذوه السنه الي فاتت كيف كنتو تذاكر

[Somaiah Yousef]

المشاركة الأصلية كتبت بواسطة باستل اناا مرا محبطهه وافكر اسحب من الجامعه احس نفسي ضايعه وبذات الرياضيات والفيزياء :( +كيف اذاكر الحاسب ؟؟ من الكتاب ولا السلايدات ؟ السلايدات مرا كتير فوق 55 نذاكرها ؟ لاني اشوف الكتاب يشبه السلايدات الزبده كيف نذاكرها والي اخذوه السنه الي فاتت كيف كنتو تذاكر

كلنا حسينا بالضياع في البداية .. تقدري تستعيني بفيديوهات يوسف زويل عشان تفهمي المادتين دي
وبعدين طبقي ع الاسئلة اللي عندك

الرياضيات ماينفهم ويتذاكر بالنظر لازم تحلي بيدكك .. اكيد بتضيعي لو انتي تعتمدي ع شرح الدكتورة بس

والفيزيا ترى الاسئلة اللي بيشرحوها ف السلايدات او السامبلز دي ماتجي زيها في الاختبار
وتلخبط وتسد النفس
انا والله ماعرف ليش يعطونا هيا ف التحضيري لسة بدري ☺
المهم شوفي فيديوهات زويل وحلي تست بانك حاليا


الحاسب ياعزيزتي انا جبت فيه 100 الحمدلله

ومذاكرتي كانت قراءة * قراءة

اقرا السلايد بفهم وتركيز .. لو فيه معلومات جديدة اكتبها ف ورقة واراجعها قبل الاختبار
واقراه مرة ثانية قراءة سريعة او مراجعة

وفي الطريق للجامعة اقرا الكتاب قراءة تصفح بس!


فيه بنات كمان كانوا يذاكروا ويطبقوا ف نفس الوقت عشان تثبت المعلومات
بس انا احسها تضييع للوقت
انتي وطريقتك

وفعلا الكتاب والسلايدات نفس الشي بس احيانا تلاقي معلومة زيادة وكذا

وكمان لاتنسوا تركزوا ع الاختصارات واحسن اكتبيها ف ورقةة وراجعيها قبل الاختبار