تجمع للمتقدمين والمتقدمات للدراسات العليا لعام 1432 - 1433 هـ

[paramor]

في الاحيآء
اختبار المفآضله كيف حتكون طبيعة الاسئله؟؟؟
اختيارات ولا اسئله عامه ؟؟؟؟؟؟؟؟

[نوف العلي]

لما عملت متابعة الطلب جاني الكلام ده جارى ارسال الطلب الى عمادة الدراسات العليا للتدقيق
يعني كده خلاص وكيف اتاكد اذا بياناتي كلها كامله وحتوصل للعماده

ومشكورة يافتاة العصر ماشالله عليك متابعة الموضوع الله يوفقك إن شاء الله ويحققلك مرادك يارب

[فتاة العصر]

طب انتظري شوية يانوف طالما متاكدة لأنو في زميلة لنا هنا صارلها تقريبا نفس الموقف في رغباتها
وواحدة منهم اتشالت بعد مااكدت الطلب بس لما راجعت تاني يوم الموقع لقت ان كل شيء اتعدل اصبري شوية

اختي paramorاختبار المفاضلة كان لآخر مرة اختيارات ربما يطرا جديد هذي السنة سيبان في وقتها ...


موفقين

[فتاة العصر]

خلاص نوف طالما انكتبلك ده الكلام يصير خلاص طلبك مؤكد طالما ظهرت جملة جاري الارسال للتدقيق يصير اوك
الكل ظهرلوا نفس الجملة

ربي يوفقك وشكرا لكي

[نوف العلي]

مشكورة ياقلبي طمنتيني وريحتي قلبي الله يريح قلبك قولي آآآآآآمين

[ابداااع]

بخصوص الصور المرفقة من الشهادات
شهادة حسن السيرة والسلوك مايختموها طبق الاصل؟
ولاتتختم؟ صح ولالا؟
وكمان نتيجة اختبار الكفايات للانجليزي
هل اطبع النتيجة واعمل لها سكان وارفقها؟برضو صورة ولااصل
ولما حطيت النتيجة ماطلعت لي ضمن النسبة المحسوبة
اختباري كان في شهر ذو الحجة لعام 1431ه؟
والتوصية عندنا في العلوم تختم من عمادة الدراسات العليا حقت الكلية مو سكرتيرة القسم؟
اتمنى اجد اجابات عالاسئلة
وبفكر اختار رغبة وحدة ينفع ولالا.
؟
بس تخصص ما ابغا غيره ولاكيف لواختار تخصص قريب بس مافي اصلا للاسف
وجزاكم الله كل خير

[Miss.ECON]

المشاركة الأصلية كتبت بواسطة ابداااع بخصوص الصور المرفقة من الشهادات شهادة حسن السيرة والسلوك مايختموها طبق الاصل؟ ولاتتختم؟ صح ولالا؟ الا تنختم من العمادة وكمان نتيجة اختبار الكفايات للانجليزي هل اطبع النتيجة واعمل لها سكان وارفقها؟برضو صورة ولااصل مو ضروري تطبعيها ممكن تسويلها برنت سكرين وترفقيها في ملف وورد وتحوليها لـ PDF ولما حطيت النتيجة ماطلعت لي ضمن النسبة المحسوبة اختباري كان في شهر ذو الحجة لعام 1431ه؟ انتي تقديمك لماستر عام عشان كدا ماتدخل ضمن النسبة الموزونة والتوصية عندنا في العلوم تختم من عمادة الدراسات العليا حقت الكلية مو سكرتيرة القسم؟ تختم عند مكتب الدراسات العليا في نفس الكلية اتمنى اجد اجابات عالاسئلة وبفكر اختار رغبة وحدة ينفع ولالا. ؟ لا تغامري مو مضمون تنقبلي في اول رغبة وحرام تفوتي على نفسك فرصة القبول في الاقسام التانية بس تخصص ما ابغا غيره ولاكيف لواختار تخصص قريب بس مافي اصلا للاسف وجزاكم الله كل خير

بالتوفيق

[sam87]

انا سجلت في الموقع بس لسا ماعملت ارسال للطلب اكيد حيفضل الموقع فاتح
لاني منتظره القبول في وظيفة وعلى اساسه اغير بيانات التوظيف وارفق الموافقة من جهة العمل
ولا ارسل االطلب وبعدين خير

[فتاة العصر]

اختي miss .econ
لايوجد اختبار مفاضلة للاقسام اللي ذكرتيها
رجاء مراجعة صفحة 14 من موضوعنا بتلاقي كل شيء يخص القدرات والكفايات والاقسام اللي بتقبلها

اختي sam87
لو ضامنة انك عملك بيجي الرد منه قبل ماينتهي التقديم وانو بيعطيكي موافقة وانتي لسه متوظفة جديد اكدي طلبك اذا لا والاحسن طبعا انك تستني

تحياتي

[فتاة العصر]

امين يانوف يسعدك ربي

موفقة