تجمع للمعيدات ،،،، ولكل من تطمح ان تكون معيده ،،

[ريم17]

بنات يقبلوا معدل 4،60 معيدة ؟؟؟؟؟؟
ياااااااااارب اسير معييدة امنيتي

[النجمة المتألقة]

أختي ريم اسال الله ان يحقق امنياتك وامنيات كل المسلمين اللهم امين
أنا اشوف انه معدلك ماشاء الله طيب بالذات بالنسبة لتخصصك
لكن بما انك في المستوى الرابع شدي حيلك اكثر واكثر واكثر وان شاء الله يرتفع
لاني ابغى اقولك وبصراحة شديدة انه من اهم معايير المفاضلة واهمها ( المعدل )
حتى وان مو الكل بيقول كدا
عموما الفرصة كبيرة لوظايف المعيدية نظرا لافتتاح كثير من الجامعات في كثير من المدن
أتمنى لك كل التوفيق

[حروف البسمه]

السلام عليكم يا عسولات

كل عام وانتم بخير الله يوفقنا للصيام والقيام وصالح الاعمال في هالشهر الكريم :)


حبيباتي حابه استفسر متى التقديم على وظيفة معيدة في كلية الاقتصاد والادارة ؟؟؟

والستيب قالت لي وحده عسوله هنا انه من مركز القياس طيب متى وقته فتحت الموقع مالقيت شي؟؟

طيب اش فيه اختبار بديل عن الستيب زي التوفل وكذا يعني في ممكن اختبر قبل التقديم على الوظيفة

الله يسعدكم دلوووني ابغى اختبر هل في معهد او الجامعة او فين؟؟


جزاكم الله الجنة

[ام تيم]

للأسف الإيميل لايعمل!!..ممكن أحد يجرب ويقولي"almaherh@kau.edu.sa "

معقوله يحطو ايميل في اعلان توظيف ولايعمل؟!!!!!!!!!!!!!

[امونه -(لولو سابقا)]

المشاركة الأصلية كتبت بواسطة ام تيم بنات الله يسعدكم قولو لي اش هي مراحل التقديم والقبول المبدئي في وظيفة معيده؟!!!!!!!!!!! لأني أنا ان شاء الله حقدم ع الوظائف الي نزلتها الكليه في شهر 10..ولأول مره اقدم ع المعيديه..لأنها ابدا ماكانت في بالي.. معدلي 4.47 وأخذت في الستيب 51."والدرجه لها سنه ماخذتها هل انتهت ولا مثل التوفل سنتين؟؟""...........وخلصت سنه ولله الحمد ماستر وداخله في الثانيه.. هل اذا ربي كتب وانقبلت.. كيف اعمل وادرس في نفس الوقت..علما ان دراستي في جامعة المؤسس......واذا طلبو مني تغيير تخصصي الدقيق وانا مابغى اش الحل؟؟؟... والله في بالي اسئله كثييييييره..الله يسعدكم ردو علي..مبدئيا ..ع بال مارتب الأسئله في المره القادمه

اولاً اقول لجميع المسلمين في كل مكان
مبارك عليكم الشهر وتقبل الله منا ومنكم سائر الاعمال واعان إخواننا المسلمين في كل مكان وخصوصا الصومال .
ثانيا :سأجيب عن اسئلتك من واقع تجربتي عندما عينت معيدة (بفضل من الله الكريم) اولا اذا عينت وانت تدرسين ..سيتم تقسيم ايام الاسبوع بحيث يتم لك حضور محاضراتك في الماجستير وفق ايامها وفي الايام الاخرى التي لا تدرسين فيها تحضري للجامعه كمعيدة .
بالنسبة لتخصصك فهذا منك انت انا عند تعييني ..رئيسة القسم قالت هي راح تختار التخصص ..عن نفسي انا اخترت من اول وبدأت فيه خلاص وكان لي ترم فقط(والحمد لله اتيسرت لي) ..يعني تحديد التخصص منك انت وانت واجتهادك اكيد .
والمراحل المبدأية هي فرز اسماء المتقدمات بعد ذلك اختيار المرشحات وفق شروط معينة دائما يتم ذكرها في بداية التقديم (والحمد لله متوفرة عندك) غالبا هي التقدير والتوفل او ستيب ..بعد كذ ياإما يكون فيه اختبار والناجحين فيه يدخلوا مقابلة شخصية ..او على طول مقابلة شخصية ..والاسئلة غالبا مالذي ستقدميه للقسم ؟؟اذا تم ابتعاثك توافقي او لا؟؟لماذا تريدي ان تكوني معيدة؟
وطبعا ما تتوصي على اللبس .
وفقك الله للخير كله انت وسائرالمسلمين في كل مكان

[مادلينا]

السلام عليكم
كيف حالكم
حبيت اسألكم أكثر من سؤال وياليت تجاوبوني

أنا ترشحت للمقابلة الشخصية لوظيفة معيدة مهارات اتصال في رابغ اللي كانت بتاريخ 25أو 26/8/1432هـ
الحقيقة أنا كان عندي شوية ارتباك وتوتر مع العلم إن الأسئلة اللي كانت موجهة لي جدا عادية ومافيها أي تعجيز أو تحطيم
هل هذا التوتر يؤثر على نسبة قبولي كـ معيدة مع العلم إني جاوبت على كل الأسئلة
وللإفادة هذي الأسئلة:

* اسمك رباعي ، معدلك ، سنة تخرجك ، اسم جامعتك المتخرجة منها ، تخصصك ، دوراتك
وما كان عندي غير دورة يتيمة هي الرخصة الدولية لقيادة الحاسب فلما ذكرتها قالت وحدة فيهم هل هذي الدورة موجودة إلى الآن ؟ قلت نعم قالت مانزل شي أحدث منها قلت لا قالت إلا نزل فأنا هزيت راسي بإني ما أدري وفوق راسي ألف علامة استفهام؟
* ( انا متخرجة لي أكثر من سنتين ) سألوني وش سويتي من بعد التخرج ؟
* هل فكرتي بالعمل التطوعي قلت نعم بس ما عندي مواصلات قالت طيب كيف تدوامين لـرابغ قلت زوجي يشتغل هنا,,
* هل قدمتي على وظايف إعادة قبل كذا ؟ قلت نعم
* هل قدمتي في مدارس أهلية ؟ قلت نعم كل ما أروح مدرسة يبغوا خبرة
* قامت وحدة سألت كيف نحصل على الخبرة ؟ قلت اذا عطوني الفرصة
* وحدة سألتني بالانجليزي هل تقرين باللغة الانجليزية ؟ قلت :ايوا (نسيت أجاوبها بالانجليزي من توتري) قالت نيوزبيبر أور وت ؟ قلت ستوريز ؟ قالت : وش عنوانها قلت ما اتذكر


أرجوكم تجاوبوني وتطمنوني ؟

[لامار2011]

مافي وظايف في الاداره والاقتصاد؟
ينفع اقدم على قسم غير تخصصي؟ ومشكورين

[النجمة المتألقة]

أختي مادلينا ان شاء الله ربنا يكتب لك مافيه الخير
انا اللي اعرفه انه في معايير للمفاضلة واهمها المعدل يعني اذا كان معدلك عالي هذا الشي يضمن لك فرصة القبول بنسبة كبيرة .. اما المقابلة والانجليزي والدورات فعليها نسب اقل
عموما تراك وفقت في اجاباتك وشي طبيعي الارتباك .. واللي يدل على انه المقابلة عموما ماتفرق معاهم كتير انهم ماسالوا الا كم سؤال وكلها اسئلة عادية جداااااااااااااا
الله يطمن قلبك يارب :)

[ميرال]

بنات هل تايدوني في فكرة اني اقدم على وظيفة معيدة
في مدينة تانية وممكن تكون بعيدة مع العلم اني من سكان جدة
ولا استنى الين تنزل جامعة الملك عبدالعزيز وظايف

مع العلم انوا في جامعات بتطلب شروط لوظيفة معيده بشروط اقل بس الواحد شايل هم الغربة والوحده
ايش رايكم

[النجمة المتألقة]

أختي ميرال
انا اللي اعرفه انه ممكن الواحد يقدم في اي مكان وبعدين يقدم في مكان تاني في نفس الوقت
لكن بمجرد ما يجي له قبول ويعطى فرصة لتسليم اوراقه الاصلية هنا لازم يحدد موقفه
عموما لو انت حاسة انه معدلك عالي بالنسبة لتخصصك وعندك فرصة كبيرة للقبول في جامعتنا ممكن تغضي النظر عن الجامعة التانية
اما لو حاسة انه الامل ضعيف هنا فانا انصحك تقدمي هناك ولو انقبلت وطلبوا الاوراق لا تترددي لانه عصفور في اليد خير من عشرة على الشجرة
ووظيفة المعيدية ممتازة حتى لو كان التمن انه الواحد يبعد عن اهله
ولا تنسي الاستخارة وموفقة يارب