لطلآب التحضيري أي سؤآل أو استفسار ضعه هنـآ وبإذن الله تجد الإجابة

[وريدي]

محححد رد عليا ضروووري

[نسيم الامل]

هل صحيح الكلام اللي نسمعه ان التحضيري اسئلته موحدة بين البنين والبنات
لان اليوم استاذ الحاسب قال اسئلتي اللي اكتبها تروح لشطر الطالبات واسئلة الطالبات تجي عندنا
عشان كذا تلاقون اغلب البنات جايبين 100 بالحاسب لان اسئلتنا سهله
هل هذا النظام يمشي ع كل المواد
؟؟

[droopy]

مساء الخير ما اعرف مكاني مشاركتي صح او لا بس ان شاء الله يكون المكان الصحيح
عندي هالملازم والكتاب الاخير وابغي افيد فيها لوجة الله وللاجر لطالب العلم الي يبغاها يتواصل معاي عالخاص
للعلم هي عندي من فترة لصديقة لي وطلبت واخذت رايها باعارتها وارجاعها لانها ماتحتاجها
:)



















ياليت المشرفين لو مو هذا القسم والموضوع الصح يفيدوني

[asma.]

انا اخذ احصاء عند هديل الرويثي و طلبت مننا كتاب سواقي لفلف على كل المكاتب ما لقاهElementary Statistics a Step by Step Approach, 8th Edition
by Allan Bluman, McGraw/Hill, 2009 هذا اسمو اذا في وحدة اشترتو تقلي من فين لانو كلهم قالو الكتاب دا ما نزل اصلا !

[-raf]

السلام عليكم ورحمة الله
أنا حابة احول من شعبتي لشعبة ثانية
كيف اعرف الشعب اللي عندها نفس الوقت، أحد وثلاثاء وخميس من 1 إلى 2 ؟
إذا في احد يعرف شعب يقولي عليها واسم الاستاذة :/

وشكراً :)

[باستل]

اناا مرا محبطهه وافكر اسحب من الجامعه احس نفسي ضايعه وبذات الرياضيات والفيزياء :(
+كيف اذاكر الحاسب ؟؟

من الكتاب ولا السلايدات ؟ السلايدات مرا كتير فوق 55 نذاكرها ؟ لاني اشوف الكتاب يشبه السلايدات


الزبده كيف نذاكرها والي اخذوه السنه الي فاتت كيف كنتو تذاكر

[Somaiah Yousef]

المشاركة الأصلية كتبت بواسطة نسيم الامل هل صحيح الكلام اللي نسمعه ان التحضيري اسئلته موحدة بين البنين والبنات لان اليوم استاذ الحاسب قال اسئلتي اللي اكتبها تروح لشطر الطالبات واسئلة الطالبات تجي عندنا عشان كذا تلاقون اغلب البنات جايبين 100 بالحاسب لان اسئلتنا سهله هل هذا النظام يمشي ع كل المواد ؟؟

طيب .. ترى مافي شي اسمو اسئلة موحدة
لان النظام داخله اكثر من 1000 سؤال يتوزع ع الطالبات على شكل نماذج واحيانا تتكرر الاسئلة واحيانا الطالبة الواحدة يجيها نفس السؤال مرتين
ومالو صلاح انو البنات يجيبو 100 ومدري ايش .. مشاءالله فيه بنات يحفظوا الحاسب حفظظ يعني غصب تاخذ 100
غير انو كان عندنا بونس 5 درجات لبنات دفعتنا
والحاسب مادة سهلة
من ناحية موحدة اتوقع ايوا لانه نظام واحد

ثاني شيء .. المواد الثانية الاولاد كانو يختبروها على ورق
ماعرف لو تغير نظامهم ذي السنة وحيخلطوا الاسئلة

[Somaiah Yousef]

المشاركة الأصلية كتبت بواسطة باستل اناا مرا محبطهه وافكر اسحب من الجامعه احس نفسي ضايعه وبذات الرياضيات والفيزياء :( +كيف اذاكر الحاسب ؟؟ من الكتاب ولا السلايدات ؟ السلايدات مرا كتير فوق 55 نذاكرها ؟ لاني اشوف الكتاب يشبه السلايدات الزبده كيف نذاكرها والي اخذوه السنه الي فاتت كيف كنتو تذاكر

كلنا حسينا بالضياع في البداية .. تقدري تستعيني بفيديوهات يوسف زويل عشان تفهمي المادتين دي
وبعدين طبقي ع الاسئلة اللي عندك

الرياضيات ماينفهم ويتذاكر بالنظر لازم تحلي بيدكك .. اكيد بتضيعي لو انتي تعتمدي ع شرح الدكتورة بس

والفيزيا ترى الاسئلة اللي بيشرحوها ف السلايدات او السامبلز دي ماتجي زيها في الاختبار
وتلخبط وتسد النفس
انا والله ماعرف ليش يعطونا هيا ف التحضيري لسة بدري ☺
المهم شوفي فيديوهات زويل وحلي تست بانك حاليا


الحاسب ياعزيزتي انا جبت فيه 100 الحمدلله

ومذاكرتي كانت قراءة * قراءة

اقرا السلايد بفهم وتركيز .. لو فيه معلومات جديدة اكتبها ف ورقة واراجعها قبل الاختبار
واقراه مرة ثانية قراءة سريعة او مراجعة

وفي الطريق للجامعة اقرا الكتاب قراءة تصفح بس!


فيه بنات كمان كانوا يذاكروا ويطبقوا ف نفس الوقت عشان تثبت المعلومات
بس انا احسها تضييع للوقت
انتي وطريقتك

وفعلا الكتاب والسلايدات نفس الشي بس احيانا تلاقي معلومة زيادة وكذا

وكمان لاتنسوا تركزوا ع الاختصارات واحسن اكتبيها ف ورقةة وراجعيها قبل الاختبار

[Mohammed_BD]

اخوي لا هنت عندي استفسار
انا توي مسجل في الجامعة والحمد لله قبلوني ونزلت لي الخطة
بس انا الى الان لم اختبر اختبار تحديد المستوى لمادة اللغة الانجليزية وأبغى اختبر لآني لغتي الانجليزية كويسة
وما اعرف وش الطريقة... ف لاهنت اذا كانت عندك معلومة لا تبخل علي فيها

[[ الحمدلله ]]

المشاركة الأصلية كتبت بواسطة mohammed_bd اخوي لا هنت عندي استفسار انا توي مسجل في الجامعة والحمد لله قبلوني ونزلت لي الخطة بس انا الى الان لم اختبر اختبار تحديد المستوى لمادة اللغة الانجليزية وأبغى اختبر لآني لغتي الانجليزية كويسة وما اعرف وش الطريقة... ف لاهنت اذا كانت عندك معلومة لا تبخل علي فيها

بصراحة مدري إذا باقي في مجال تختبر ولا لا
المهم تروح لمبنى اللغة الانجليزية فالسليمانية و تقولهم إنك ما أختبرت
و تشوف لو يختبرونك و يجددوا لك الجدول !