تجمع طالبات اللغه الانجليزيه جميع المستويات

[شريفة الغامدي]

بنات كيف استاذة عائشة الحربي؟؟؟؟؟؟؟

[ameera21]

بنات انا مستوى رابع و حايسة ماني عارفة الكل زيي مافتح عنده الحذف والاضافة والاانا معرفت للاودس الجديد اللي تعرف شي بليييييييييز ترد عليه

[ameera21]

بنات اللي تبغى تاخذ فرنسي مع الاء بقشان ان مررررررررررررررة ماانصحها تعطي الشرح كلة بدون ولا كلمة عربي غير كذا ترى هيا وحدة شايفة نفسها وماتعطي درجات بسهولة وماتراعي احد
اما خديجة للانجلش ابدا لاتاخدوا معاها
بنان الجحدلي الكل يمدحها بس انا ماجربت معاها

[*^Moonlight^*]

الحذف والإضافه مفتوح بس يمكن انتي ماعرفتي

ادخلي الطالب بعدين التسجيل بعدين حذف واضافة بعدين اختاري الفصل الأول2013 تنفيذ

بعدين بحث شعب دراسيه بعدين عبي البيانات مو لازم كلها الي تبغيه وبعدها بحث شعب دراسيه

بعدها اختاري المواد الي تبغيها وبعدين تسجيل وكذا تضيفي

ان شاء الله اكون افدتك

[ameera21]

مشكورة على الرد مون لايت لكن انا سويت نفس لطريقة الي تقوليها لكن برضوة يقلي غير مسجل مااعرف هو لازم ادخل الرقم المرجعي ولا لا بلييييز ردوا علية لاني وصلت حدي من التوتر والقلق

[نسيم الحجاز]

غريبة لييه ..بالعكس آلاء بقشان مره طيبة وتراعي وتبسط المعلومة بكل وسيلة .. المادة جديدة عالكل وأكييد تلاقوا صعوبة في فهمها
لكن الأستاذة والحق ينقال جدا طيبة ومراعية فالدرجات ..كذا وحده من شعبتنا أخد a+ معاها!
يمكن هي عشان في بنات كانو متهاونين بيها وبمحاضرتها يكلموا فالجوال ومو مهتمين فــ عصبت مرة من المرات ..لكن اللي يحترم محاضرتها تحترمه وتراعية .
وبالنسبة للمادة هي كلها أساسيات ياأختي
تحفظي الأرقام _ أيام الأسبوع _ الشهور_ الحروف_الألوان_ بعض الصفات _الساعة يعني مره مومحتاجه غلبة وتعب لو حفظتي كل اللي فوق كتابة ونطق وتعرفي كيف تنصاغ لك المعلومات بشكل اسئلةخلاص ضمنتي درجة حلوة بإذن الله

[REEM11]

المشاركة الأصلية كتبت بواسطة نسيم الحجاز غريبة لييه ..بالعكس آلاء بقشان مره طيبة وتراعي وتبسط المعلومة بكل وسيلة .. المادة جديدة عالكل وأكييد تلاقوا صعوبة في فهمها لكن الأستاذة والحق ينقال جدا طيبة ومراعية فالدرجات ..كذا وحده من شعبتنا أخد a+ معاها! يمكن هي عشان في بنات كانو متهاونين بيها وبمحاضرتها يكلموا فالجوال ومو مهتمين فــ عصبت مرة من المرات ..لكن اللي يحترم محاضرتها تحترمه وتراعية . وبالنسبة للمادة هي كلها أساسيات ياأختي تحفظي الأرقام _ أيام الأسبوع _ الشهور_ الحروف_الألوان_ بعض الصفات _الساعة يعني مره مومحتاجه غلبة وتعب لو حفظتي كل اللي فوق كتابة ونطق وتعرفي كيف تنصاغ لك المعلومات بشكل اسئلةخلاص ضمنتي درجة حلوة بإذن الله

+100000


استاذه الاء شرحها كويس و كثير بنات جابو فوق 90 معاها
بس هي تبغى البنات يهتمو و اسئلتها جدا سههههله و اغلبها من المحاضره ما تجيب من برا و عملت اختبار تحسين من 5
و في الفاينل في درجتين بونس

لااازم تهتمو معاها و تحلو الواجبات و تذاكرو اول بأول ما راح تتعبو صدقوني


بالتوفيق للكل

[جنى الصاعدي]

صباح الخير
الي تسالو عن الاستاذات بقولكم عن الي اعرفهم :.
د فوزيه اصيل اخذت معها دراما روووووعه بمعنى الكلمه احبها مره طيبه ومحترمه وتراعي البنات واسالتها سهله الي معها نيالها
.. ..
أ بنان مره كويسه اخذت معها مناهج بحث ونقد تحب البنت الي تشارك ومحترمه واسالتها حلوه فراغات وصح وخطا بالنسبه للمناهج والفاينل كان اوبن بوك + النقد ذاكري اول بااول ماتتعبي ونفس الشيء فراغات وصح وخطا وسؤال مقالي وبالفاينل ماجابت لنا مقالي .. اسئلتها واضحه مافيها لف ودوران
........
د خديجه عقبي ماعمرها درستني ومستحيل اخذ معها ( يكفي اسلوبها لمن تروحي لها بمكتبها كيف اذا حدرسك )
أ عائشه الحربي كثير مدحوها ويقولو اسالتها حلوه وواضحه وتذاكري من عروضها مثل فوزيه بالنسبه للمذاكره من العروض ..، كنت ابغى فكشن معها بس عندي تعارض فقررت اخليه للترم الجاي ترم التخرج بإذن الله ...
الفرنسي اخذته مع العفراء ربي يسعدها .. والاء يمدحوها البنات .. والله اعلم ..
وكل وحده تستخير وربي يوفقكم

[Meno..~]

جنى الصآعدي ..

انا ضفت منآهج بحث مع نوره المالكي .. وانتي حمستيني اضيفها مع بنان الجحدلي انو اسئلتها سهله وموضوعيه =))

فـ شرايكك اخليها مع نوره ولا اضيفها مع بنان ؟!
واذا تعرفي كيف اسئلة نوره المالكي وكذا ؟!

[شوية أمل]

الله ينور درب كل من رد عليا بخصوص الفرنسي
اميرة 21
نسيم الحجاز
جنى الصاعدي