موقع وجدت فيه أغلب الليسوننق الي يجي بامتحان ستيب(الي بتعيد معي الامتحان تدخل)

[طوتنا الدنيا]

كرستاله اش فيك من الي اعطاك عين وين همتك ونشاطك
انتي مو كنتي بتعطينا 50 كلمه توفل مع القطع وتقولين بيمدينا شوفي لاتخلين اليأس يصيطر عليك واذا كان عالقطعه الي ماعرفتي تحلينها خلي لين تخلصين حفظ وارجعي وغيري طريقتك في الحل زي مو في المقطع الي منزلته لين تلقين الطريقه الي تناسبك
وحطي فبالك:
* إذا كنت تؤمن بأنك قادر على تجاوز الامتحان فستتجاوزه .
* إذا دخلت الاختبار لتحصل على الدرجة المطلوبة بجامعتك ستحصدها وأكثر منها بسهولة
* تذكر ما تركز عليه تحصل عليه .
* إذا كنت ستدخل أول مرة فقط للتجربة ستظل تجربة
* وإذا كنت تعتقد بأنك لن تحصد درجة جيدة فلن تحصدها

راح الكثير ومابقى الا القليل غيرنا توهم بدوا

[طوتنا الدنيا]

تدرون ان في جامعتي ماحطوا شرط الأستيب الا السنه الي فاتت وعشانهم اول مره يطبقونه كان حظ الي جابوا درجات حلوه في القدرات والتخصص وماقدروا يجيبونها في الأستيب انهم يعطونهم برنامج مكثف لمدة سنه بفلوس واذا أجتازوه ينقبلون وأحتمال هذه السنه يسوون نفس الحركه بس الذكي الي مايبني اهدافه على احتمالات ويسوي الي يقدر عليه

وانا عندي لك حل ياكرستاله اذا مره شايفه ان العدد كثير نقلل العدد ونبدأ ناخذ معاه قرامر او قدرات

[كريستاله*]

المشاركة الأصلية كتبت بواسطة طوتنا الدنيا كرستاله اش فيك من الي اعطاك عين وين همتك ونشاطك انتي مو كنتي بتعطينا 50 كلمه توفل مع القطع وتقولين بيمدينا شوفي لاتخلين اليأس يصيطر عليك واذا كان عالقطعه الي ماعرفتي تحلينها خلي لين تخلصين حفظ وارجعي وغيري طريقتك في الحل زي مو في المقطع الي منزلته لين تلقين الطريقه الي تناسبك وحطي فبالك: * إذا كنت تؤمن بأنك قادر على تجاوز الامتحان فستتجاوزه . * إذا دخلت الاختبار لتحصل على الدرجة المطلوبة بجامعتك ستحصدها وأكثر منها بسهولة * تذكر ما تركز عليه تحصل عليه . * إذا كنت ستدخل أول مرة فقط للتجربة ستظل تجربة * وإذا كنت تعتقد بأنك لن تحصد درجة جيدة فلن تحصدها راح الكثير ومابقى الا القليل غيرنا توهم بدوا

والله وانا اختك مادري ايش صار فيني
شكله عين صكتني
بدت سوالف الحريم


تصدقون مادري ايش فيني شكلها اصابتني فوبيا من الامتحان
والله يابنات لي يومين مانمت كل ماجي بنام عيوني ماتغمض مو راضيه قلق مو طبيعي
واذا نمت ساعه بالقوه احس اني صاحيه عقلي بس يفكر بالامتحان ويودي ويجيب
وطول الوقت حاسه انه ماعاد يكفيني الوقت واني ماانتجت شي
حتى الاكل ماعاد رضي ينزل بحلقي حاسه اني بستفرغ
مدري ايش جاني أرق مو طبيعي وهم
مافي الا ادعي طول الوقت يارب تصرف عني الهم وتنزل علي السكينه
انا طبعي مو زين اذا قلقت من شي
المهم انا صرت احفظ 25 كلمه من كلمات التوفل باليوم ومع هذا انساها مادري ليش احس الكلمات مره صعبه واذاكر معها درس قرامر
قررت مااضغط نفسي واحفظها على راحتي لين الله يوفقني واخلصها
دعواتكم لي يابنات ان الله يصرف عني الهم وينزل عليه السكينه ويوفقني بالامتحان
صدق علي بن ابي طالب يوم قال الهم اقوى جند الله
الله لايبلاكم باللي انا فيه بجد قلق غير طبيعي

[طوتنا الدنيا]

المشاركة الأصلية كتبت بواسطة كريستاله* المهم انا صرت احفظ 25 كلمه من كلمات التوفل باليوم ومع هذا انساها مادري ليش احس الكلمات مره صعبه واذاكر معها درس قرامر

وين درس القرامر مانزلتيه؟؟؟

[كريستاله*]

انفاس في ناس يقولو الايلتس اصعب من ستيب

بعدين مو معقول يقيسو درجاتي على مستوى المجموعه
غير كذا منطقتي مافيها ايلتس


المهم نفووووسه قوليلنا عن تجربتك لما دخلتي الامتحان
هل كان اول امتحان لك ؟
في حدود كم كلمه كنتي حافظه ؟
ذاكرتي كلمات ؟وايش الكلمات الي ركزتي عليها ؟
كيف تصرفتي بالوقت وهل كفاك الوقت ؟ وبإيش بدأتي القطع والا قرارمر ؟
فهمتي القطع والا حليتيها من غير فهم
ايش اكثر شي حسيتيه سهل وممكن نجتازه بسهوله

[أنفاس مشرقة]

أنا ماجربت الاختبار الاليتس لكن غيري جربه ونجح فيه ..

وانتي اسئلي عن تصحيح اختبار الاستيب ورح تعرفي ان كلامي صوح :)

وانا دخلته للمره الثانيه وعن نفسي صراحه حسيت المره الاولى اسهل من المره الثانيه .. لاني فهمت شووي المره الاولى وحسيت اني حليت واخذت 45 والمره الثانيه صعقت من الاسئله القطع فكرت نه راح تجي ع الاقل شي من اللي ذاكرته ابن سينا ولا محمد كلاي ولا الحريق لكن تفاجئت صراحه وماتخيلت القواعد يركزوا على الازمنه
حليت قسم بالله العظيم حل عشوائي عشان الوقت وفيه اشياء رحت علي بلاستماع لني مادري عن تكمله اشياء كانت بالجهه الثانيه وانا مدري عنها .. والقطع من عندي احل لان الخيارات كانت على حسب الفهم موب تجي خبط لزق من القطعه .. بس كنت ادعي ربي كثيييييييير وصلت لحد فضيع قبل الاختبار .. وع العموم انا ماجبت درجه القبول نا جبت 48 والقبول 52 لكن عملت خطاب استثناء وقبلوا بدرجه وفي بنات انقبلوا ودرجتهم 47 << لكن بالقوه

[أنفاس مشرقة]

وانا اللي سويته قبل الاختبار إشتريت كتاب الانجليزيه لجميع المستويات دلتني عليه سمو العلم الله يوقفها .. وقسمت الكتاب وكل مره اذاكر منه شي..

وجمعت القطع اللي اسمع نها تجي بلاختبار وترجمتها وفصلت كلماتها وحفظتها

فقط كذا سويت ..لكن ماجبوا من القطع اللي ذاكرتها

وهذا الاختبار بصراحه اجتيازه توفيق من الله ... الله يوفق الجميع

[أنفاس مشرقة]

إدعوا لهمه همه عندها اختبار الله يوفقها يارب .. اختباره جدا صعب

[سلطان حكمي]

المشاركة الأصلية كتبت بواسطة أنفاس مشرقة إدعوا لهمه همه عندها اختبار الله يوفقها يارب .. اختباره جدا صعب

الله يوفقها ويفرج همها وييسر امرها بالاختبار


وتحصل على الدرجات العلى بالاختبارات كلها



اسئل الله لك التوفيق والسداد

[همة همة همة]

المشاركة الأصلية كتبت بواسطة سلطان حكمي الله يوفقها ويفرج همها وييسر امرها بالاختبار وتحصل على الدرجات العلى بالاختبارات كلها اسئل الله لك التوفيق والسداد

الله يسعدك ويوفقك ياسلطان دائما تحفزنا بدعواتك الطيبة
الله يجعلك تجيب فوق المطلوب ...في ستيب

كيف المذاكرة معاك ...
بالتوفيق