~~ شــــــتــــــات ~~ ♥ مُصرهـ علـى قــراري ♥..

[مصره على قراري]

خواطر(8)

بدايه قويه..

موفقين
//

[مصره على قراري]

اذا أردت أن تعيش برقي
فتذكر دائماً الجزء الملائكي فيك
واحتقر نزغات الشيطان فى نفسك ...

طارق الحبيب
//
سبحان الله امس
كنت في نقاش مطول مع ابوي عن هالموضوع
ان الانسان يحمل بداخله وجهين (كالعمله النقديه)
وكل الوجهين هي الي تصنع العمله وتعطيها قيمه
وكوننا نلتفت اكثر لوجه العمله المنقوش عليه (خمسين هلله) مثلا
وما نهتم بالوجه الثاني هذا ما يدل على عدم وجوده
لكن يدل على اهميته بالنسبه لحامل العمله
اختصار القول
اننا نحمل بداخلنا الحسن والسيئ
لكن الشطاره كيف نسوق للجانب الحسن عندنا
ونقنن من سلبياتنا مع الوقت
لان مو منطقي نلغيها

لأن مافي احد ما عنده عيوب بهالدنيا

//

النقاش كان اطول من كذا بس هذي الخلاصه
^_^

[مصره على قراري]

ايش هالصدف


خرجت من المدونه
ولا حظت الردود
861
والمشاهدات
10,861


يوم مميز بأذن الله

[مصره على قراري]

~~{ليتنا نستطيع الاحتفاظ بنسخه من مشاعرنا الجميله
حتى نعيد استرجاعها كلما احتجنا إليها}~~

[مصره على قراري]

يقول جبران خليل: تعلمت الصمت من الثرثار....
والاجتهاد من الكسول....
والتواضع من المتكبر....

والغريب أني لا أقر بفضل هؤلاء المعلمين.

//

احتاج وقفه مع نفسي على هالكلام...,

[مصره على قراري]

المشاركة الأصلية كتبت بواسطة مصره على قراري يقول جبران خليل: تعلمت الصمت من الثرثار.... والاجتهاد من الكسول.... والتواضع من المتكبر.... والغريب أني لا أقر بفضل هؤلاء المعلمين. // احتاج وقفه مع نفسي على هالكلام...,

كلامه منطقي
ما نعرف اهمية الصمت وقيمته الا لما نجلس مع ثرثار
وما نقدر قيمة الاجتهاد الا لما نشوف حياة شخص كسول ونتائجها
ولا نحس بأهمية التواضع ومحاسنه الا لما نتعامل مع شخص مغرور
مو ضروري تكون هذي هي المواضع الوحيده الي تخليني اقدر قيمة هالصفات
بس اقدر اقول انها اكثر المواضع الي احس فعلا بأهمية نقيض الصفه و في وقت سريع

ورغم كل هذا

((أني لا أقر بفضل هؤلاء المعلمين))


اتوقع اني رح اغير وجهة نظري بالموضوع
وهذي هي القاعده الجديده فالتعامل

(الأكثر سوءًا حولك يعلمك الأفضل،ويدفعك لتمييز،فلا تستاء منه لكن اجعله سبب لك في أكتساب خلق حسن أو مهارة فاضلة)

الاعتراف بحق هؤلاء اقل اوجه الانصاف لمن يفيدوني

[مصره على قراري]

ليش دايما لما نحتاج نصدق كلام او تبريرات شخص
ما نكتفي بالكلمات ونركز على النظرات والانفعالات واي تفصيل حتى لو كان صغير
لمجرد انا نبغى نصدق هالكلام؟؟

بما ان عندنا القدره و التقبل ليه نحتاج هالتفاصيل
المفروض نصدق وخلاص

لكن احنا كبشر ما وصلنا للمصداقيه المطلقه
ان الي نقوله هو فعلا الي نعنيه وما نعني غيره ابدا


//

[مصره على قراري]

http://www.youtube.com/watch?feature...&v=81KKqqMSvvk


لا يشووووفك الشايب


برزنيشن رهيييييييب
من جد عرفت الخلق بثقافتنا

[مصره على قراري]

المشاركة الأصلية كتبت بواسطة دارس1431 مشاركة للزملاء أصحاب المدونات أختي مصرة على قرارها هالمدونة غير ماشاء الله كل أشكال الحياة فيها وتحوي كل أطياف المجتمع ^^ عاصرتها من أول حرف إلى أخر حرف مليون شكر ياخت مصره على قرارها ومليون شكر للبدر ولشبيه الريح الذين أجدهم في بعض الردود ^^

يطولي عمرك يا خوي تسلم^^
ومرورك على ثرثرتي قمت التواضع منك
وهذا مو مستغرب عليك الله يحفظك
ولا تبخل علينا بتدويناتك منتظرينها^^

خلك مثلي الي يخطر في بالي ابعثره هنا
ومحد متضرر كثركم من هالبعثره

اللهم اجعل ما نخطه هنا حجة لنا لا علينا

امين

//

[مصره على قراري]

تعلمت شي جديد

وغريب


ومفيد


ومدري ليه تعلمته



وما ضنتي رح اطبقه ابدا



الي هو




كيف

اغير



(كفر السياااااره)



طقت براسي اتعلم او بالاصح اشوف شلون يغيرون الاستبن
وما قصروا اخواني الاربعه كلهم طلعوا يعلموني
والي يضحك انهم يفكون الكفر بطريقه معينه
ويقولون هذي مفيده لو ما تبي توسخين ملابسك
ويفكون بطريقه ثانيه ويقولون هذي لو جايه من البر وبايعتها
ويفكونه بطريقه ثالثه ويقولون هذي لو كنتي مستعجله

ولما ركزت

وامعنت التركيز<<مدري من وين جبت هالجمله


اكتشفت ان كل الثلاث طرق ما تفرق عن بعض
بس من زود الهياط يلعبون علي

بس لا انا مو مخفه عشان اصدقهم

ما قصرت تونست عليهم لحد ما كرهوا انفسهم

احسن عشان يبطلون فلسفه




وداعا للهياط والهذربه الزايده


//

بس السؤال الاهم هل طريقتهم صحيحه ولا من جنبها؟؟!
هوالكفر انفك وتركب مليون مره بسم الله عليه ما صار في شي
بس من هياطهم شكيت ان الطريقه اساسا غلط

ما علينا تجربه وعدت
^_*