تجمع للمعيدات ،،،، ولكل من تطمح ان تكون معيده ،،

[عالمة السراب]

سؤال ع السريع
وظائف المعيدات فيها اختبار ولا قبول فوري ؟؟؟

[في غاية النعومة]

المشاركة الأصلية كتبت بواسطة في غاية النعومة أرسلتلك رسالة على الخاص ,, أتمنى ترديلي ,, وجزاك الله خير

عادي لو تقدري تريلي هنا ردي عاااادي طالما ماتقدري على الخاص ,,, والله يوفقك

[النجمة المتألقة]

أختي عالمة السراب .. وظايف المعيدية تاخذ وقت طويل
اول شي تنزل وظايف بعد كدا يبدا التقديم وفيه مجموعة شروط اهمها انه التقدير يكون جيدجدا وفوق ويشترطوا كمان اختبار لتحديد مستوى اللغة ومجموعة شروط على حسب كل قسم بعد التقديم بمدة يختاروا مجموعة بنات يعملوا معاهم مقابلة شخصية وبعد المقابلة يختاروا من بين البنات اللي قابلوهم وفي بعض الاحيان يكون في امتحان تحريري لفرز المتقدمات قبل المقابلة الشخصية
اتمنى اني اكون افدتك وبالتوفيق

[لمسات الورد]

الـــسلآم عليكــــم وحمة الله وبركآأإأتهـ
صبااااااحكم بسمهـ ماتفآأإرق شفااتكم
وكل عام وانتم بخير
حابه اسالكم عن وظائف المعيدات اللي نزلت جديده مكتوب التقديم للكيمياء الحيوية المبنى(a5)غرفه 206 هذي بالجامعه نفسهااا اللي بالسليماانيه؟؟؟؟؟

[متوقع تخرجي]

بليز انا كمان ابا اعرف فين التقديم
في مبنى 5 في جامعه الملك عبد العزيز الي هوا مبنى العربي ولا مبنى 7 مبنى العلوم
ولا في كليه البنات الي في الفيصليه
لو سمحتوا الي تعرف تردلي قبل لا اروح الجامعه

و شكرا

[مطلع الفجر]

المشاركة الأصلية كتبت بواسطة كيميائية العام ماقصرتي يامطلع الفجر شكلو عندك خبرة طيب في رأيك أنو في تعارض بين التقديم للماجستير الي حيفتح في شهر 11 وبين التقديم على الوظيفة لانو زي ماأنتي عارفة اذا الوحدة انقبلت لازم بعثة وكمان الواحد يفضل معلق مايعرف هو انقبل ولا لأ وطبعا العدد المقدم كبير وهل يمكن بدل البعثة التقديم على جامعة الملك عبد الله مع التقديم على الوظيفة وهل يوجد لديهم قبول مشروط باللغة وايش شروطهم وهل يعتبر المشاركة في الأنشطة الامنهجية لجان الجامعة لمدة عام كامل خبرة مع وجود شهادات شكر من الجامعة وعندي سؤال بس مني عارفة أحطو في أي قسم بالنسبة للرسائل الأكادمية محطوط عندي أسماء معينة وأنا مني فاهمة حكايتها اية وكيف استخدمها عذرا على الاطالة

قدمي على كل شيء وكل مكان بالنسبة للوظيفة والماجستير لأنه ماتعرفي فين تنقبلي وفين ماتنقبلي ومتى اصلا ربي يكتب لك القبول سواء في الدراسة أو الوظيفة .

ماعرف عن نظام الجامعة في إنك تقدمي بدل البعثة على جامعة الملك عبدالله إذا قدمتي على وظيفة وانقبلتي فيها ، واللي اعرفه حسب مشاهداتي مانتي مجبرة على اكمال دراستك خارج المملكة اذا توظفتي معيدة الا في مرحلة الدكتوراه ،وعموما في الوقت الحالي ماحد يقدر يمنعك ماتقدمي على الإثنين في نفس الوقت وعلى هذا الرابط ممكن تلاقي اللي يفيدك بالنسبة لاستفسارك هذا :

http://www.skaau.com/vb/showthread.php?t=416295

وبالنسبة للشهادات اللي عندك نصيحة قدمي كل اللي عندك واعملي اللي تقدري عليه ولا تشغلي تفكيرك هما كيف يحسبوها أو كيف يعتبروها ، لأنه هذا من اختصاصهم في نظامهم عند المفاضلة .

الأسماء اللي تظهر لك في الرسائل الأكاديمية حسب مافهمت هي أسماء المشرفين اللي ممكن فقط لكِ مراسلتهم لأنه عدد مشاركاتك ماوصلت للعدد المطلوب اللي يسمح لك بمراسلة جميع أعضاء المنتدى .

الله يوفقك..
وأرجو منكِ الدعاء لي بظهر الغيب أن ييسر الله القبول .

[رائدة المستقبل]

التقديم في الفيصلية

[Areej alrefai]

طيب أنا سؤالي جبت 43 في الستب أقدر أقدم فيها ولا يشترطوا درجه معينه ...وكمان أنا خريجة كلية التربيه يقبلوا ولا كالعاده يبغوا علوم

[عالمة السراب]

مين راحت اليوم للكليه تقول اعطت مين اوراقها
اي مبنى لاني ماعرف المباني ..؟
وايش طلبو وفيه اوراق نعبيها او لا

[كيميائية العام]

عالمة السراب
أولا أنتي ايش تخصصك علشان أقدر أفيدك