الأسئلة والاستفسارات عن كلية طب الأسنان ..

[مَـزٍآج ..}..]

المشاركة الأصلية كتبت بواسطة دره جده مشكوور ع الرد بس كيف اعرف ادا حيسوو الدوره الي قلت عليه دي السنه او لا ؟ يعني فين حينزلو الاعلان ولا كيف ؟ وجزاك الله خير ,,

الي راح ينقبلوا في الكليات الطبيه .. راح يدقوا على جوالاتهم ..

الارقام حطوها صحيحه في الأودوس .. وكمان راح ينزل موضوع هنا في المنتدى

هذا اذا صارت السنـه هذي ....

[envy-me]

السلام عليكم ..

ممكن تدوني اسماء محلات في جدة تبيع لبس عمليات ( سكربز ), وعنواينها ورقم التلفون و كدا شكرآ

[hadeel a]

و عليكم السلام
المظهر الطبي .. في مركز دانيه في شارع حراء
لامي .. في روشانا مول في التحليه
أرقام تلفون ما عندي للاسف

[xo7]

في محلات تبيع جاهز وفي محلات تبيع بالتفصيل وكلها في حي الجامعة كيلو خمسة عند ثانوية الثغر تبعد عن الجامعة 9 كيلو متر تقريبا

[M!Šs JỏJỏ]

رقم المظهر الطبي :
6075151
واي خدمة تانية احنا حاضرين

[mohammadov]

السلام عليكم
حبيت استفسر هل من الممكن ان انقبل بكلية طب الاسنان وهادي درجاتي وموزوني

احياء : 78 , فيزياء : 100, كيمياء : 85 , انجليزي2 : 91 , انجليزي3 : 89
انجليزي4 : 85

الموزون الخاص 88
الموزون العام 90.18

يعني انا شايل هم الاحياء يقولو لازم b+

ومعدلي 4.55

اتمنى احد يفيدني

[THE HILL]

لا مو لازم =)

ما شاء الله نسبتك تأهلك ان شاء الله


اعرف بنات ما جابو البي بلس في الاحياء وانقبلو

[mohammadov]

المشاركة الأصلية كتبت بواسطة the hill لا مو لازم =) ما شاء الله نسبتك تأهلك ان شاء الله اعرف بنات ما جابو البي بلس في الاحياء وانقبلو

شكرن جزاكي الله خير عالرد والله ريحتيني
ي رب يسمع منك

[PuRpLe_BoXeR]

بدال انو الموزون الخاص اعلى من 85 يسير بازن الله حتخش في المفاضلة
ودحين حياخدو الموزونة العامة وماشالله نسبتك حلووة

[mohammadov]

المشاركة الأصلية كتبت بواسطة purple_boxer بدال انو الموزون الخاص اعلى من 85 يسير بازن الله حتخش في المفاضلة ودحين حياخدو الموزونة العامة وماشالله نسبتك حلووة

إن شاء الله ي رب يسمع منكم
وشكرررررن فرحتوني