طالبـــات المستوى الرابــع

[white rose]

ممكن احد يقولي كيف طريقة سؤال الفنكشن والاكسبرشن يجي في الاختبار ؟؟؟؟ لا تقولوا زي اللسننق 1 انا لي سنه معتذرة ونسيت السؤال ,,, بليييييييز ياريت لو يكون بالانجليش الصيغه لو مافيها كلافه عليكم ,, وثاااااااااااااااااانكس ,,

بالنسبة للفنكشن جانا في الاختبار السؤال طبعا ما ني فاكرتو بالانجليزي بس كان انك تعملي المطلوب بين قوسين
فكان تجيك جملة وجنبها المطلوب بين قوسين يعني مثلا موقف معين وبين قوسين الاعتذار فأنتي تكتبي الفنكشن المناسب للموقف لانو مو كل اعتذار يناسب فلازم تحفظي كل الفنكشن كامل لانو تجي أحيانا أشياء بعدها اسم وأشياء بعدها فعل أو صفة على حسب القاعدة في الفنكشن فلما تكتبيها عشان تحوليها لاعتذار مثلا لازم تنتبهي تنفع أو لا. كمان الامتحان الترم الماضي كان مليان مليان بالفنكشن تقريبا 3 صفحات من الامتحان والتاغ كوسشن برضه جاء على شكل أكملي الفراغ يمكن 11 فقرة أو أكثر وسؤال عرفي الكلمات وسؤال ضعي في جملة وسؤال أكملي الفراغ بالكلمات المناسبة وكمان الليسننغ اللي في البداية سؤالين وكل سؤال تسمعي محادثه وتحليها الاولى كانت اسئلة واختياري والمحادثة الثانية كانت تواريخ وأرقام تكتبيها....وبس هذا اللي افتكرتوا وإن شاء الله أكون أفدتك ولو بشيء بسيط...وبالتوفيق..

[بانسيه]

الله يوفقك ياوايت روز وينجك بمعدل ممتاز ويرزقك ماتتمنيه ,,

كفيتي ووفيتي بارك الله فيكي ,,

[berry blossom]

السلام عليكم

بنات انا بسأل الي عندهم ثقافة شعبة 3 من 7,10 الى 8,50

كيف المحاضرة تستاهل انو نحضرها يعني مشوقة ولا كل الكلام دش اذا قرأته بأسلوبي يغني عن المحاضرة

وياليت اسم الكتاب والمؤلف

[goglin]

المشاركة الأصلية كتبت بواسطة my-nana قوقلين صباح الخيرات شوفي قلبي الإداره سهله جدا ولو إني طينتها بس مره ركزوا على التخطيط والتنظيم واللي معاهم انا الكتاب مو معاي بس في كم شغله مع التخطيط لهم مميزات وعيوب وفيهم نقاط كثيره المهم في هذا كله هما تخيلي من حبهم في اللفلفه جابو أسئله عباره عن عدد نقاط مثلا المميزات للتخطيط له ثلاث أو أربع أو خمس مميزات ومن هيك أسئله بس الغالبه سهله والإختبار جاء من 100 سؤال ماخلصتهم إلا وعيوني محوله بالنسبه للريدينق ذاكري اللي عندك واعرفي معنى كل كلمه بالكتاب والتمارين تلاقي كثير منها محلوله في التجمع الأول دوري عليهم وكمان بتلاقي طريقة أسئلة الإداره وهذا رابطه تجمّـــــــــــــع طآلبآت المستوى الثآلث (انتسآب)..... الفصل الأول 2010 م دعبسي فيه لحد ماتلاقي طلبك والله يعينك انتي بس ذاكري وحاولي تتعلمي كيف تلخصي قطعه ولاتنسي بالإختبار حلي على طول بالأسئله العامه وبعدين روحي للقطعه واقري بداية ونهاية كل برجراف فيها وحاولي تفهمي وتطلعي المين ايديا والأسئله اللي بيطلبوها كمان فيه شغله صراحه كنت أسويها من ايام المدرسه إختصارا للوقت وكسل في قراءة القطعه كامله إقري الأسئله وخذي الكلمه الرئيسيه والأساسيه بالسؤال ودوري لها بالقطعه واذا لقيتيها حاولي ترتبي الإجابه مو تنسخيها واذا فيه شي جديد قلت لك قودلك ياحلووووووووووووه

مشكورة على الرد لكن الرابط فتحته مرة كثيرة عدد الصفحات لدرجة اني عجزت أشوفها كلها بس حبيت أسألكم أنا عندي مذكرة مرة مختصرة هل لو أذاكرها بتغنيني عن الكتاب أو لا يعني بالعربي البنات اللي قد أخذتوا المادة هل فيه وحده ذاكرت من غير الكتاب ونجحت وبالنسبة لأستاذة خديجة الحربي كيف أسئلتها وهل كلها اختياري أو فيها مقالي وآسفة على كثرة الأسئلة

[my-nana]

لا عادي حبيبتي بس نصيحه ذاكري من الكتاب الملخص خليه مراجعه وممكن تبدي فيه كفتح نفسك للمذاكره بس ابدا لاتعتمدي عليه ذاكري من الكتاب وترين مره حلو المنهج صحيح كلو دش ونقاط كثيره بس انتي اقريه كذا مره وخلي كل يوم لفصل مره واثنين وراح تتقبليه
والأسئله خيارات بس يبالها تركيز بعضها يخليك تطولي لحد ماتفهمي مقصدهم من السؤال وبعضها ماتاخذ ثانيه منك والأستاذه مابها شي وانا أخذت معاها وجبت درجه حلوه جدا فيها
لاتكبري همك بالماده ذي ترينها ماده حلوه بس لابد لك من التركيز والمذاكره وسوي لك جدول تمشين عليه افضل لك ماينفع تذاكريه قبل الإختبار بكم يوم

[goglin]

يسلمو يا my nana فتحتي نفسي للمذاكرة

[my-nana]

شوفي قوقلين من ص 175 من التجمع اللي حطيت لك رابطه لحد ممكن عشر صفحات بتلاقي كلام مفرق عن الإختبار وبالنسبه للمحذوف نسيت والله والكتاب مو معاي بس ممكن بس بداية التجمع بتلاقي المحذوف بس انتبهي لازم تشوفي كم بنت اخذته معاك وراحت الدوره يكون عندها خبر أكيد احتمال غيروا المحذوف عن الفصل اللي راح
تحياتي

[ام حمدان]

اعذروني عالتاخير بس امس ماكنت موجوده فبيتي عشان انزلكم شي واليوم تعبانه شوي بس بكتب لكم محاضرة اليسننق والريدنق الحين وعالساعه 5او 6 بكالثير اكون نزلتها اوكي
موفقين ياحلوين

[ام حمدان]

خلاص نزلت محاضرة الريدنق واليسننق روحوا شوفوها واعذرونا عالتأخير

[MOFY]

مشكوره ام حمدان الله لا يحرمنا منك ولا يحرمك الأجر ..







بنات .. عندي كتاب الثقافه اخذته من وحده .. بس قديم تتوقعو نفسه ما تغير ..

واللي عندها تكتبلي الفهرس او الفصول الله لا يضيع تعبكم

بس ابغى اتأكد ..!!