استفسارتكم في التسجيل لِـ برامج الدراسات العليا

[صمت الانين]

المشاركة الأصلية كتبت بواسطة shineegirle اللحين انا سجلت تسجيل مبدأي للماجستير بدون ما أحط الرغبات و أكمل التسجيل لأني ما اختبرت قدرات و بعد ما اختبرت القدرات و طلعت النتيجة جئت أكمل تسجيل ما في درجه للقدرات و مو راضي يفتح لي الرغبات للأقسام لانه ما تسجلت درجه القدرات ،، وش أسوي مو الدرجة تتسجل دايركت و إلا كيف ؟ بالله احد يساعدني

التسسجيل انتهى ,, انتظري الين السنة الجاية ع شهر 4

[السحر الحلال]

السلام عليكم ورحمة لله وبركاته

انا طالب مبتعث في نيويورك تخصص تدريس اللغه الانجليزية لغير الناطقين بها. تعبت من الغربه وابغى ارجع لجدة وحاب احول من جامعتي الى جامعة الملك عبدالعزيز في نفس التخصص. سؤالي هو هل استطيع التحويل من جامعة خارجيه الى سعوديه؟ وهل يعادلون المواد المؤخوذة (حتى الان 12 ساعه) ومتى يبدى التقديم وينتهي. انتظر اجابتكم الشافيه على احر من الجمر وبارك لله فيكم

[نسمة عطر]

وعليكم السلام ورحمة الله وبركاته
الحمد لله بخير
اضافه المواد نحن من نقوم بها
اما بالنسبه للمشروع البحثي هو عمل فردي وليس جماعي ويختلف من قسم لقسم بعض الاقسام لايوجد بها رساله ويوجد بها فقط مشروع بحث وبعضها توفر الاثنين وللطالبه الخيار بذلك
وانصحك بقراءه هذا الموضوع لتجدي الاجابه المفصله لذلك http://forum.kau.edu.sa/vb/uacie-cai...u-caeiei-9983/ بالتوفيق.

[ليلاس لولو]

المشاركة الأصلية كتبت بواسطة نسمة عطر وعليكم السلام ورحمة الله وبركاته الحمد لله بخير اضافه المواد نحن من نقوم بها اما بالنسبه للمشروع البحثي هو عمل فردي وليس جماعي ويختلف من قسم لقسم بعض الاقسام لايوجد بها رساله ويوجد بها فقط مشروع بحث وبعضها توفر الاثنين وللطالبه الخيار بذلك وانصحك بقراءه هذا الموضوع لتجدي الاجابه المفصله لذلك http://forum.kau.edu.sa/vb/uacie-cai...u-caeiei-9983/ بالتوفيق.

اهلللليييين اخت نسمه عطر انتي قصدك انه احنا نضيف المواد من البيت ؟؟؟ لأني مررررا ما اقدر اروح مره ثانيه ):وع فكره افتكر مرا في المنتدى قلتيلي انه عندك دوره بديله للتوفل زيي ،، بس بغيت اعطيك خبر واقولك اني روحت مكتب استاذه / انتصار ششه بس مالقيتها هيا لقيت الموظفه اللي ع المكتب معاها بنفس الغرفه وسألتها عن مواعيد الدوره وقالتلي ع المواعيد :يوم الأحد ، ويوم الثلاثاء ، ويوم الخميس الوقت من 12.30الى 4.30وانا عن نفسي صورت السند واعطيتها لأنها طلبته مني وقالت انه المواعيد ثابته ماحتتغير وان شاء الله انها تحطني في هالأيام عشان انا ابغى يوم دوام ويوم نوووم (:بس حبيت اعطيك خبر لأني افتكرت انك معايا في الدوره شكككرررا لك وماقصرتي ع الرداخت بيوكيميائيه ياليت تجاوبي ع تساؤلاتي بالمشاركه اللي قبل هذي الله يسعدددك يارب

[ليلاس لولو]

بخصوص مواعيد الدوره البديله الموظفه قالت من 12.30 الى 4.30بس اتوقع انها غلطت لأن الدوره يومين في الاسبوع بمعدل ثلاث ساعات يعني حتكون من 12.30 الى 3.30 واتوقع هيا غلطت والله اعلم

[نسمة عطر]

ليلاس لولو جزاك الله خير على هذه المعلومات نعم انا معك بالدوره البدييله لكن متفاجئه من ثبات هذه المواعيد حيث انها متعارضه تماما مع مواعيد محاضراتي؟؟؟!!!!
المفترض وجود تنسيق بين الكليات وبين معهد اللغه الانجليزيه في اختيار المواعيد .!!
بالنسبه للاضافه افادتني الموظفه ايضا انها من ادوس وعن طريقنا

[ليلاس لولو]

أختي نسمة عطرر أنا الصراحه ما أقدر أجزم إذا المواعيد ثابته أو لا

بس ع حسب كلام الموظفه إنه المواعيد حتكون من بعد الساعه 12 وممكن يزيدوا في الأيام بس الوقت ماحيتغير وحتكون المواعيد ثابته هذا كلام الموظفه اللي لقيتها

وإن شاء الله يكون كلامها خطأ او إنهم يفتحوا شعب صباحيه تتناسب مع جدولك

أسأل الله أن ييسرر أمورك

[نسمة عطر]

ان شاء الله أن يكون هناك فتره صباحيه لأن مواعيد محضراتي بالمساء وأن يتم تسهيل الامور لنا جميعا
تم فتح الحذف والاضافه
طريقتي بالاضافه :
بحث شعب دراسيه (اخترت الماده والتي يقصد بها رمز التخصص -اخترت الفرع المركز الرئيسي طالبات (يقصد بها السليمانيه)-الجزء من الفصل الدراسي اخترت(الفصل الدراس الكامل- د.عليا) ولم املئ البيانات الاخرى
ثم الضغط على ايقونه بحث شعب دراسيه
ظهرت معي كل المواد ووضعت صح على المواد التي ارغب باضافتها للجدول ثم الضغط على تسجيل

ارجو عند الاضافه التأكد من اسم الماده قبل عمل تسجيل لها

[ليلاس لولو]

مشكووووره بيوكيمياييه ماقصرتي ي عسل


بس بالله طمنيني في امل اروح وأغير من مشروع بحث للرساله لأنه الأستاذه حطلتي علامه الصح في الورقه اللي وديتها للعماده

ولو روحت بداية الدراسه ماروحت الحين هل حيأثر ومايقبلوا طلبي! !!!

أنا مرررررررا قلقانه ومو عارفه أختار مع اني أميل اني ادرس برساله ماجستير بس سمعت انها تطول ع بال مايعقدوا مناقشه ومدري وشوو

افيدني الله يعطيك العافيه

[نسمة عطر]

بما ان المشرفه الاكاديميه لقسمك اختارت لك(مشروع بحثي) فأعتقد ان الخطه الدراسيه لقسمك تم وضعها على اساس المشروع البحثي وليس على اساس الرساله لأن لكل منها خطه خاصه بها فلاحاجه للحيره لأن اغلب الاقسام اصبحت تفرض المشروع البحثي والطالب مجبرعلى ذلك هنا خطة قسمك ليرتاح قلبك http://graduatestudies.kau.edu.sa/co...g=AR&cid=26690