الأسئلة والاستفسارات عن كلية طب الأسنان ..

[مَـزٍآج ..}..]

اتوقع انك راح تنقبل بكل راحه ان شاء الله ..

نسبتك مره حلوه مآ شآء الله ..

ومبروك مقدماً بإذن الله .. !!

[mohammadov]

المشاركة الأصلية كتبت بواسطة مَـزٍآج ..}.. اتوقع انك راح تنقبل بكل راحه ان شاء الله .. نسبتك مره حلوه مآ شآء الله .. ومبروك مقدماً بإذن الله .. !!

إن شاء الله ي رب

الحمدلله

الله يبارك فيك

وشكرا عالرد

[Loja]

السلام عليكم ورحمة الله وبركاته

لو سمحتو عندي استفسار

انا عندي مجال اني ادخل طب اسنان و صيدله

ومررره محتاره

فا ممكن لو سمحتوا مقارنه مفصله بين التخصصين من حيث :

[ جميع الوظائف المتاحة لكلا المجالين وايضا التدرج الوظيفي من حيث سنوات العمل ولو حصلت على شهادة مثلا (الماجيستير والدكتوراه) اش الوظائف اللى هتكون متاحة -
الرواتب لكلا المجالين سواء فى سنة الامتياز او بعد التوظيف وارجو ان تشمل الرواتب جميع الوظائف فى النقطة المذكورة اعلاه -
طبيعة العمل -
صعوبة المجال من حيث البحث عن العمل و ممارسة المهنه و الراحه البدنيه -
هل للصيدله هيئه اطباء زي الاسنان ؟ -
كيف حيكون الفرق بين خريج بكلوريوس و ماستر -
الدراسه من حيث المراحل الي حمر فيها و الصعوبه و التعقيد -
هل ادا دخلت كلية اهليه زي ابن سينا متلا حيكون بنفس مستوى الشهادة الاكاديميه ؟ بغض النظر عن السمعه ؟ -]


معليش عارفه حابهدلكم معايا
بس مررره ضروري اعرف الامور دي =(

بستناكم ..

[Dr~NanoOok]

وعليكم السلام ورحمة الله
اهلا بك اختي

قبل ما اتكلم عن تخصصي
حابة اقلك .. التخصصين بينهم فرق كبير
في طبيعة العمل والدراسة وبكل شي

ممكن نجد شبه بين الطب البشري والاسنان في العديد من الامور
لكن بينها وبين الصيدله قليل
فلازم تحددي ميولك فين.. وايهم تقدري تبدعي وتكملي فيه

ومن اسألتك بتركزي على الوظيفه و الراتب وايش ممكن تكوني بعدين
انا اقلك .. اذا حطيتي دا الهدف امامك حيصعب الامور عليكِ جدا

دراسة الطب يحتاجلها مجهود كبير وعيشها بتفاصيلها
مو بس ابغى اخلص واتخرج عشان اتوظف

لانه حتى الوظيفه صعب تلاقيها !
للاسف للآن كثيرين متمسكين بالاجانب في التخصصات الصحية وما يوظفوا الطلبه بسهولة
او انهم بيطلبوا شهادات عليا

-----


[ جميع الوظائف المتاحة لكلا المجالين وايضا التدرج الوظيفي من حيث سنوات العمل ولو حصلت على شهادة مثلا (الماجيستير والدكتوراه) اش الوظائف اللى هتكون متاحة -
الرواتب لكلا المجالين سواء فى سنة الامتياز او بعد التوظيف وارجو ان تشمل الرواتب جميع الوظائف فى النقطة المذكورة اعلاه -

طب الاسنان 6 سنوات واول لما يتوظف الطبيب يكون على نفس سلم الرواتب حقت اطباء البشري
اما الصيدله اعرف انهم اقل في السلم الوظيفي ولان سنوات دراستهم 5 سنين

طبيب الاسنان يقدر يشتغل حتي بدون ان يتخصص على طول بعد البكالوريوس
بخلاف البشري
لكن اغلب الجهات الحكومية تفضّل درجات اعلى كالماستر واعلى .. وممكن تبتعث على حسابها وتضمنهم يتوظفوا عندها بعد الانتهاء من الدراسة

بالنسبة للرواتب فتختلف.. وماعندي خلفيه كبيرة عنها
لكنها لا تقل عن 10 الاف ريال بداية التوظيف

-----


طبيعة العمل -

طب الاسنان كله شغل عملي في عملي
حتى خلال دراستنا.. اخر 3 سنوات اكلينيكيه واغلبها عيادات

اما الصيدله عندهم عملي بالمعامل
اما الخروج للعمل في المستشفى يكون غالبا في التدريب الصيفي
وبآخر سنة او اخر سنتين فقط

-----


صعوبة المجال من حيث البحث عن العمل و ممارسة المهنه و الراحه البدنيه -

شغل الاسنان متعب جسديا "مرهق"
لكن عدد ساعاته محدودة وليس كالبشري مناوبات لعدة ايام !

----

هل للصيدله هيئه اطباء زي الاسنان ؟ -

اسألي قسم الصيدله

-----

كيف حيكون الفرق بين خريج بكلوريوس و ماستر -

زي ماذكرت قبل
الافضليه للدراسات العليا .. لكن اللي عنده عيادة خاصه يقدر يشتغل بالبكالوريوس حقته

-----


الدراسه من حيث المراحل الي حمر فيها و الصعوبه و التعقيد -

المواضيع المثبته بالقسم ممكن تفيدك باذن الله

-----



هل ادا دخلت كلية اهليه زي ابن سينا متلا حيكون بنفس مستوى الشهادة الاكاديميه ؟ بغض النظر عن السمعه ؟ -]

هي شهادتهم معتمدة
لكن ليست بقوة جامعاتنا الحكومية
بسبب الخبرة والخريجين الكثيرين منها
وكلية طب الاسنان بعبدالعزيز حاصله على الاعتماد الاوروبي
بمعنى ان شهادتك معادلة وكأنك متخرجة من جامعه اوربيه



معليش عارفه حابهدلكم معايا
بس مررره ضروري اعرف الامور دي =(

بستناكم ..
[/quote]

[Loja]

يب انا للان حيرانه ف تخصصي
على قد ماعملت اختبارات و حضرت مؤتمرات بس برضو =(

المهم

طيب كيف من ناحية التوظيف في الاسنان
الي سمعتو ان العيادات دحين مرررره منتشره وفي كل مكان
و كوادر تخرج الاسنان مرره كتار
في ناس بتقول ان بعض الدكاتره يتخرجو و مايقدرو يتوظفو

ولا كييييف ..؟!

[Dr~NanoOok]

اذن باقيلك الخيرة واللي حيختارلك هو ربنا .. بالتوفيق لك في أي مكان

التوظيف بشهادة البكالوريوس صعبة وقليلين اللي يوظفوا بيه
والاغلب يبحث عن جهة حكومية تبتعثوا عشان يضمن وظيفته عندهم بعد اكمال الماستر

[ُزمرد]

مداخله بسيطه للدكتورة ../
ماشاء الله ردك لبق جداً وانتِ انسانه راقيه في ردودك الله يوفقك يارب
وان شاء الله الاخت لوجا تكون استقرت في المكان المناسب :)

[abrryen]

السلام عليكم ورحمة الله وبركاته
تحية طيبة وبعد

انا متخرج من الثانوية العامة علمي ونسبتي 92 % هل هذه النسبة تؤهل للدراسة في كلية طب الاسنان او هندسة
وشكرا

[Dr.binafif]

للأسف نسبة الثانوية العامة ما تفيدك إلا في قبول السنة التحضيرية هي والقدرات والتحصيلي
قبولك في أي كلية يعتمد على معدلك في السنة التحضيرية..تمنياتي لك بالتوفيق والسداد

[Dr.Tee]

السلام عليكم ..
عندي كذا استفسار عن طب الأسنان ..
1- بالنسبة لدراسة طب الأسنان هل الدراسة هنا افضل او بالخارج مثلا امريكا ؟!
2- وهل سنوات الدراسة تفرق ام لا و كم سنة هنا و كم سنة بالخارج ؟!
3- ما اوجه الاختلاف بين الطب البشري و طب الأسنان ؟! من ناحية :
- سنوات الدراسة .
- السلم الوظيفي الرواتب الخ .
- المواد .
4- ترتيب الجامعات للأفضلية في المملكة ؟ افضل الجامعات لدراسة الطب .
5- لو فكرت بالدراسة في الخارج ايش الجامعات اللي تنصحوني فيها ؟! في امريكا .