][ الإعتـراض على نظـآم مُحاضـرات السنتـرآ | لنجد الحل هُنـآ | ][

[طالبه إداري وإنساني]

الله يعافيكم يابنات لاتقصرون وربي اني من برى جده ولاكان جيت معكم

[الفتاة الحالمة]

انا حطيت اسمي ورقمي الجامعي عند الاخت نور العمر وابغ يرجع لنا السنترا كما كان 3 اسابيع تقطع النت ما يقطع هذه مشكلة واتاقلمنا عليها بالنسبة لي 6 اترام ما جات على 3 اترام او 4 اترام زيادة مناحلة مع النت اما لقاءاااااااااااااات فقط لا والله هذا حل غير مناسب لايقبله عقل خاصة انه المدرسات مختلفات وكل واحدة اسئلتها حسب شرحها النقاط اللي تركز عليها استاذة غير عن نقاط المهمة عند استاذة تانية

التجمع حق البنات عند عمادة القبول والتسجيل س 9
واهم شييييييييييييييي يابنات لما تدخلوا قولوا انكم جاييين تضيفوا مادة حرة او بحث او تسالوا استاذة معينة موجودة بجدولكم تكون حضور او شي عن الكتاب لان الحضور نص محرم مرررة بعيد وبعده اسبوعين واختبار عشان ممكن السكيورتي اللي برة يجيهم امر مايدخلووووووووووكم ترااااهم مهم مغمضين هما فاهمين برضه ومثلكم عارف ما يحتاج اوضح اكثر

[little Angel]

بنات الله يقويكم والله أنا من خارج جدة ولا كان حضرت معاكم ....قسم بالله بأطق من القهر....
طيب يابنات كيف حتعرفوا بعض لمن تتجمعوا ؟؟؟ أتفقوا علي شئ معين حتي تتعرفوا علي بعض...وأختصارآ للوقت كمان,,,,
جامعة قرراتها سيئة بكل الأحوال ولاتراعي الطالب ....الله يفكنا منها قبل ماتصير للواحد عـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــاهة...

[*الأمل البعيد*]

صحيح مانبي نضيع لازم وحدة ترأسنا يعني تكون هيا صاحبة المجموعة ؟!؟!؟

[رشــآ]

انا كمان ان شاء الله حكون معاكم يوم الاثنين
وارسلت بياناتي لنور ..

[miss mo0o0n]

مايحتاج تعرفوا بعض راح تكون متجمعين في نفس المكان
ووقتها راح تعرفوا انكم بنات الانتساب ض1

[Rare-Rose]

لحظ لحظة هم قفلوا الحذف والاضافة دوبي فاتحتها موجودة عندي ياعالم احد يرد علي كيف يقفلوها
ثاني شيء انا اشوف الحضور احسن والاعتراض المباشر افضل
يعطيكي العافية على فكرتك بس اش يضمني مايسون لي فصل مثل طلاب مكة
ثاني شي واحدة قريبتي ما خذه اعفاء وتبي تعترض بس خايفة يشيلون منها الاعفاء
عاد انا قلت لها سيبي الخوف هذا من الملك مو من جيوبهم بس خايفة برضه
عن نفسي بإذن الله من7 وانا في الجامعة والله ما اسكت لهم وش يحسبون انهم جامعة هارفرد ولا اكسفورد
ترى حتى بالاعتراف العالمي مالهم شيء فلا يشوفون انفسهم علينا
رضينا بالهم والهم مارضي فينا
انا مو ضد الغاء السنترا عشان اللي برى جدة
راضيين به يقطع بس يرجع مثل اول 3 اسابيع
اما محاضرات مسجلة ومن كم سنة ومو نفس الاستاذة اللي بتعطيني هذا اذا ماكملت والمناهج كانت متغيرة
اما المناقشة اللي يبغوها فمع نفسهم والله تناقش مين وتسيب معها 50 بنت في المحاضرة كيف بيكفي الوقت للاسئلة نضحك على مين احنا
وبالنسبة للبنات اللي قاعدين يحبطون في البنات قولي خير ولا اسكتي
عاجبك الوضع مع نفسك لكن تحبطين غيرك لا
واتذكرا يابنات اش سوو بنات جامعة الملك خالد وجامعة ام القرى وكيف اخذوا حقهم
اللي تبغى حقها تجي يوم الاثنين مبنى العمادة والقبول على الساعة 9:30 يكون اتجمعنا
لازم صوتنا يوصل احنا ما نرضى بالظلم اكثر من كذا
خلاص بلغ السيل الزبى
اللي خايفة على مستقبلها ومن جدة تجي واللي برى جدة وتقدر تجي برضوا تجي
ترى ما يحك جلدك غير ظفرك

[ALOA]

طيب الدكتور اسامة الطيب راح يكون متواجد يوم الاثنين في كلية البنات اللي بالفيصلية في قاعة الجوهرة الساعة 11 صباحا ليسمع متطلبات الطالبات والشكاوي احنا بدنا نروح هناك افضل من الجامعة لانو في الجامعة ماراح نستفيد شي هو مو موجود احنا نبغاه هو لانو القرار ماتنفذ الا بعد موافقته هو شخصيا وتوقيعه يعني هو كان راضي احنا بدنا نتاقش معاه هو افضل

[Enoy]

المشاركة الأصلية كتبت بواسطة ALOA طيب الدكتور اسامة الطيب راح يكون متواجد يوم الاثنين في كلية البنات اللي بالفيصلية في قاعة الجوهرة الساعة 11 صباحا ليسمع متطلبات الطالبات والشكاوي احنا بدنا نروح هناك افضل من الجامعة لانو في الجامعة ماراح نستفيد شي هو مو موجود احنا نبغاه هو لانو القرار ماتنفذ الا بعد موافقته هو شخصيا وتوقيعه يعني هو كان راضي احنا بدنا نتاقش معاه هو افضل

اتمنى التجمع يكون بالفيصلية للقاء بالدكتور والمناقشة معه في حل هذه المصيبة

[sweez]

المشاركة الأصلية كتبت بواسطة enoy اتمنى التجمع يكون بالفيصلية للقاء بالدكتور والمناقشة معه في حل هذه المصيبة

لما يسمع بالتجمع حيعتزر عن اللقاء التجمع في الجامعة عند العمادة افضل