دفعــــة 11 مـُـــــبــاركـ لكمـ القبـول + إستفساراتكمـ

[محمد الشلوي]

المشاركة الأصلية كتبت بواسطة حلا المنتدى ^^^ كيف تسكنت وانت حامل مادة انا حاملة مادة واخذتها صيفي بس قالو التسكين بعد الصيفي لان باقي ما خلصت كل المواد بس اللي تسكنو في العلوم باقي ما اختارو تخصصهم في العلوم يختارو بعد الصيفي عموما ان شاءالله احد يفيدك بالتوفيق

انا في فرع خليص عندنا عادي تتسكن وانت حامل مادة صاحبي تسكن معاي احياء وهو راسب في الانجليزي ويدرس الان صيفي



انتظر علماء الاحياء يفدوني باللي يقدرون

[بيو كيميائية ^_^]

راح أرد عليكمـ جميعًا بكرة لأني اليوم تعبانة من الدوامين

[ms.moma]

سلام بيوكيمياء
تسلمي مرا والله يعطيكي ع قد نيتك
صراحة انا متابعة بس بصمت
ولكن لفتني انو كثير الي يبو احياء ولا كيميا حيوي
اخاف يعملولنا نسب عشان ندخل هالقسمين
برايك راح يسوووها ولا انتو كانت دفعتكم كدا
لان هالجامعة تخوووف والله

[long time]

ساشباب
ايش مواد الكيمياء حيوي

[MEE$SH]

حابة اعرف متى يمديني اتخصص Biotechnology ?

وهل فتح فرعها في الفيصلية ؟؟؟ ياريت احد يفيدني

[دافئ الإحساس]

مشكورة جدا بيو

وإن شاء الله ازا عندنا اي معلومة نقدر نفيدهم هيا

اكيد راح نفيد الجميع يارب

وافضل بدال ما يكون اكتر من موضوع وشعتره وكده

جزاكي الله خير

[دافئ الإحساس]

المشاركة الأصلية كتبت بواسطة long time ساشباب ايش مواد الكيمياء حيوي

المواد عندك الاجبارية زي مثلا

كيميا حيوية

معمل احياء

معمل كيميا

كيميا 202

احياء 202

ايض1

ايض2

تنظيم ايض

كيميا حيوية تحليله وفيزيائية وطبية وجزيئية

امن وسلامة

كيميا عضوية (لغير طلاب الكيميا)

الانزيمات

بيولجا الخلية

الطاقة الحيوية

هادي الاجباري

وفي برضو الاختيارية

زي الهرمون

المناعه

ومواد اخرى عديدة اختيارية

بالتوفيق

[دافئ الإحساس]

المشاركة الأصلية كتبت بواسطة ms.moma سلام بيوكيمياء تسلمي مرا والله يعطيكي ع قد نيتك صراحة انا متابعة بس بصمت ولكن لفتني انو كثير الي يبو احياء ولا كيميا حيوي اخاف يعملولنا نسب عشان ندخل هالقسمين برايك راح يسوووها ولا انتو كانت دفعتكم كدا لان هالجامعة تخوووف والله

كلي دفعة يختلف الوضع

زي سنتنا مثلا كانت بدون معدلات محدده

وهادي السنة سمعت انو حيكون معدلات محددة

فا لمن تروحي وتختاري التخصص اتاكدي منهم ازا طالبين

معدلات محددة لكلي قسم ولا لا

بالتوفيق

[LeLou]

المشاركة الأصلية كتبت بواسطة ms.moma سلام بيوكيمياء تسلمي مرا والله يعطيكي ع قد نيتك صراحة انا متابعة بس بصمت ولكن لفتني انو كثير الي يبو احياء ولا كيميا حيوي اخاف يعملولنا نسب عشان ندخل هالقسمين برايك راح يسوووها ولا انتو كانت دفعتكم كدا لان هالجامعة تخوووف والله

بالزبط اغلب اللي يدخلوا علوم يتخصصوا كيمياحيوي و لا احياء..
و بعد كدا كيميا..
و من ثم ماث و احصاء..
و الأقليه اللي يدخلوا فيزياء..
بس انا ما سمعت انه في احد اتخصص تخصص ما يبغاه في العلوم..
ما ادري بس انا ما شفت أحد صار معاه زي كدا و الله اعلم~

[بيو كيميائية ^_^]

المشاركة الأصلية كتبت بواسطة حلا المنتدى بليييييييييييييييييييز ابغى اعرف اش الفرق بين تخصص الكيمياء والكيمياء الحيوي وهل ممكن يرتفع موزوني كثير بعد الصيفي لاني حاملة احياء انا موزوني 73.7 تتوقعون كم ممكن يرتفع مع الاحياء و ممكن بعدين اتخصص علوم في السليمانية ولا الفيصلية لان ابغى السليمانية سوري طولت عليكم

شوفي الفيديو وهو راح يوضح لك





ماأعرف والله

هو عادة الحاملين يجيبوهمـ السلمانية بس السنة وقف على 80 هل عشان مخلين لكمـ مقاعد فما أدري

الله يوفقكـ وينجحكـِ

المشاركة الأصلية كتبت بواسطة baroo,A السلام عليكم :بيوكيمائية جزاك الله الخير والله مره شكراً على المعلومات تبع الكيمياء الحيوي حبيتو من تعريفك لو _ عندي سؤالين في الحقيقة اكثر .الاول:في المستوى الثالث مافي مواد حرة ممكن تحددي المواد السهلة من الاجبارية اللي معانا. الثاني: في تدريب ميداني في الصيف راح يكون نفس اللي بيدرسو مختبرات او يختلف عنهم والدوام كيف ؟! 8 ساعات . الثالث :تخصصات الماجستير اللي مطلوبة عندنا في السعودية بالنسبة bioc. واخيراً وليس اخراً شكرًاااًااً

وعليكمـ السلامـ

العفو

عادي أسأل اللي تبيه

ايوا بس تقدر تغيري في الخطة بس أنا أفضل تمشي عليها خصوصًا لو ماراح تحولي

كيمياء حيوي 201 ضروري تاخذيها عشان هي راح تفتح لك أيض1 & إنزايم وبعدها تفتح الخطة

هي ماهي صعبة ولا سهلة وسط حلوة ممتعة ويعتمد على مذاكرتك أنصحك تاخذيها مع سوسن خوجة أسئلتها حلوة

عربي وكيمياء 281 سهلين أحياء 281 يعني

أحياء 202 أنا أشوفه أسهل وأحلى من التحضيري خصوصًا لو أخذتيه مع سهيلة قاري

كيمياء 202 ماحبيتها بالمرة بس البنات عندهم سهلة أنا حبيت كيمياء 230 اللي الناس عندهم صعب

عموما الأترام الأولى أسهل من لما تكبري

ونصيحة لكـ ولغيركـ

خذي المحاضرة +أرجعي على طول ذاكريها لو عندك إختبار قريها في الباص وقت بريكـ

+حضور حاولوا ماتغيبوا

والله أنا لما عملت كذا صرت أجيب فل ماركـ مع إني قبل لازم أقلها يكون عندي غلط واحد والفاينل خفيف علي مذاكرتها


بالنسبة للتدريب لما تخلصي سنة ثالثة تدربي أو حتى في سنة ثانية إذا ماراح تسافروا روحي تدربي وإستفيدي

الدوام على حسب ناس الصباح وناس العصر

أنا دوامي من 5 إلى 9

ومعاي واحد تقنية والثاني دبلوم كلنا نفس الشغل بالضبط

المجاستير أنا اللي أعرفه فيه تبع قسمنا وفيه في كلية الطب كيمياء حيوية سريرية وأتمنى أدخله من كل قلبي

بعمل جولة وأجيب لك التخصصات لأني مابحثت لأني ماأبي إلا كيمياء حيوية سريرية

بس أعرف برا السعودية كل شيء

المشاركة الأصلية كتبت بواسطة السعادة كنز لا يفنى بيو كيميائية ششكرا لك على توضيحك و أجاباتك جزآك الله كل خير والله يوفقك بس عندي سؤال تتوقعي اي معدل راح يوقف عنده القبول ف كيميا حيوي أنا معدلي 3 بالضبط وشايفة ما شاء الله الكل نفسو فيه وكمآن تنصحيني امشي على الخطة اللي همآ حاطينهآ ولآ اغير شي ف الخطة =) وبالنسبة للأستاذات أنا ف الفيصلية إذا فيه آحد ينصحنآ من همآ آفضل الاستاذات هنآك

شوفي أنا لما دخلت العلوم قالوا لي مافيه معدلات لكن أعلى شيء كيمياء حيوي ويوقف على 3.5 لكثرة البنات

بس كان على سنتي لين 3.41 بس فيه بنت ماإنقبلت وراحت كلمت رئيسة القسم وأخذوها بعدين

العام بدون معدل

السنة الله العالم

فأنتِ لو هذا تروحي تكلمي رئيسة القسم وتخليه توقع على تحويلك وتجي عندنا

أنا أفضل بداية الأترام تمشي في الخطة قد ماتقدري لأن بعدين إذا كبرتي المواد تصعب +إحتمال يصير عندك مادتين مع بعض + تعارضات في الجداول

بس إنتِ تقدري تاخذي 18 ساعة في الترم لازم تسألي نفسك

أنا مشيت على الخطة ويعني إذا مرة أبدل في المواد

وفي كل ترم أنتِ تعالي وأسألي هل جدولك كويس أو ضغط

المشاركة الأصلية كتبت بواسطة محمد الشلوي السلام عليكم ورحمة الله وبركاته مبروك للدفعت 2011 التسكين في العلوم والله يوفقنا ويعينا انا تسكنت احياء وكان طموحي وحلمي حاسب لكن الله ماكتب لي الحاسب ربما انها خيره من ربي وتسكنت احياء وهي من ضمن رغباتي لان الاحياء احبها من يوم انا في الثانوي لكن يوم تسكنت احياء الكل انهد علي بان الاحياء ماله مستقبل اتخرج واجلس عاطل بالبيت الاحياء صعب جدا نصيحة حول لاي تخصص ثاني وقتها وانا منصدم من كلامهم ما وقف معي الوالد طول الله في عمره والولده الله يخليها لي قالو لي كل شي له مستقبل شد حيلك وتبي تشوف فيه ناس تخرجت ومعدلاته مقبول ولقت وظايف وناس معدلاتها ممتاز ولا لقت شي الرزق بيد الله سبحانه مو بيدين الناس حبايب ابي منكم تجربة عن دراسة الاحياء و مجالاته الوظيفية واقسامه وكيف دراستكم وكيف تسوون بالخطه تعدلون وتضيفون ولا كيف ابي استفيد من تجاربكم بارك الله فيكم يكون في علمكم تروني راسب في الاحصاء وما اخذتها صيفي بسبب ظروف ما تسمح لي

وعليكم السلام

كلام الوالد صحيح الله يحفظه

الأحياء اللي يكرهها يقول صعبة مثلي

واللي يحبها يقول سهله مثلكـ إن شاء الله

مايكرو فيه في المستشفيات

وتقدر تصير معيد

في مراكز الأبحاث

ماأعرف والله كثير عن الأحياء

أقسامة أحياء دقيقة (مايكرو ) حيوان و نبات وفيه عندنا فتح جديد تقنية حيوية

الدراسة الأحياء نص عربي نص إنجليزي

ايوا نقدر نعدل ونضيف ونقدر ننزل الجدول مثل الخطة

الله ينجحك إن شاء الله

المشاركة الأصلية كتبت بواسطة ms.moma سلام بيوكيمياء تسلمي مرا والله يعطيكي ع قد نيتك صراحة انا متابعة بس بصمت ولكن لفتني انو كثير الي يبو احياء ولا كيميا حيوي اخاف يعملولنا نسب عشان ندخل هالقسمين برايك راح يسوووها ولا انتو كانت دفعتكم كدا لان هالجامعة تخوووف والله

وعليكم السلام

آمين

هم أنتِ لو تمشي في الكيلة ياتشوفي كيمياء حيوي ياتشوفي أحياء

إحنا دفعتنا عملوا بس العام لا السنة الله العالمـ

بس حتى لما عملوا فيه بنات راحوا لرئيسة القسم وحولوا إلى القسم اللي يبونه

يعني مو خوف كثير

المشاركة الأصلية كتبت بواسطة MEE$SH حابة اعرف متى يمديني اتخصص Biotechnology ? وهل فتح فرعها في الفيصلية ؟؟؟ ياريت احد يفيدني

بعد المستوى الخامس

أنا سألت قالوا لي رئيس القسم قال بيفتح الترم الثاني

والله العالم

المشاركة الأصلية كتبت بواسطة دافئ الإحساس مشكورة جدا بيو وإن شاء الله ازا عندنا اي معلومة نقدر نفيدهم هيا اكيد راح نفيد الجميع يارب وافضل بدال ما يكون اكتر من موضوع وشعتره وكده جزاكي الله خير

العــــفو