تجمع المتقدمات لمعيدات مهارات الأتصال (( الأختبار التحريري )) أدخلي لكي نفيد ونستفيد

[جنون الطفولة]

المشاركة الأصلية كتبت بواسطة مادلينا الله يستر ويعدي الاختبار على خير بالنسبة لي انا زيكم بالنسبة للثقافة بذاكر الغزوات بس ومهارات الاتصال بذاكربس الملخصات الموجودة في المنتدى وانا يا جنون الطفولة لازم اروح قبل الاختبار بنص اوثلاث ارباع الساعة لأن بيتي بعيد

الله يوفقنا يارب ويسهل علينا ,.

إيوة كويس أنا برضو بكون هناك 4 ,. أخاف يعملولنا افلام هندية قبل الاختبار بوقت ,.

بنات طيب مين فيكم ماعندها هوية ؟؟ نحضر ببطاقات العايلة صح ؟؟
أنا باخد كل اوراقي الرسمية اللي تثبت هويتي (بطاقة العائلة + الوثيقة كمان)
وحتى عندي بطاقة اختبار القياس اللي عليها صورتي ,.

[كلي أمل]

لا لا لا

لازم احوال او جواز السفر

قالت لي لازم شي فيه صورتك الشخصية ..

[جنون الطفولة]

المشاركة الأصلية كتبت بواسطة كلي أمل لا لا لا لازم احوال او جواز السفر قالت لي لازم شي فيه صورتك الشخصية ..

أوك كويس بطاقة الاستب (مركز قياس) عليها صورتي الشخصية ,.
حتنفع أكيد ,.

أنا جا فبالي أدق اسأل بس قلت مالها داعي ولا ذكاء خارق ,.
مركز قياس جهة رسمية يعني وأكيد حتنفع


الله يعين بس

[سكروز]

يابنات وصف الكله اللي تبي

بعد شارع صاري تطوووووووولي الين تلاقي كودو على يمينك

من بعد كودو ادخلي يمين

بعدها اول يوتيرن بعدين ثاني لفه يمين


وتكونوا وصلتوا الكليه

ترى مبناها زي المدرسه الحكوميه

المهم ان شاء الله نتوفق

[مادلينا]

انا عندي بطاقة أحوال وباخذها معايا

[أنا وبس]

الله يوفقنا ..
ان شاء الله يكون الإختبار سهل ونطلع من المقبولين يا رب

[waad1]

سلام يابنات...

الله يسعدكم جاوبوني...

احد يوصف لي مكان الكلية لاني جاية من مكة ولماقدمت الاوراق بنت خالتي اللي ساكنة بجدة ودتها

ونقدر نلبس بنطلون ولاممنوع؟؟؟؟؟طبعا البلوزة اللي عليه طويلة


الله يوفقنا جميعا ويحقق احلامنا

طيب حابة اسئل كيف حنعرف بعض انه احنا اللي سوا في المنتدى

حابة اسلم عليكم واتعرف عليكم

[طموحهـ ولكنـ]

المشاركة الأصلية كتبت بواسطة waad1 سلام يابنات... الله يسعدكم جاوبوني... احد يوصف لي مكان الكلية لاني جاية من مكة ولماقدمت الاوراق بنت خالتي اللي ساكنة بجدة ودتها ونقدر نلبس بنطلون ولاممنوع؟؟؟؟؟طبعا البلوزة اللي عليه طويلة الله يوفقنا جميعا ويحقق احلامنا طيب حابة اسئل كيف حنعرف بعض انه احنا اللي سوا في المنتدى حابة اسلم عليكم واتعرف عليكم

هلا فيك .. أن شالله أشوفك ..

وبالنسبة لكلية السلام مشكلتي مااعرف اوصف .

هي في حي السلام عند شارع صاري .

طيب عندي اقتراح تطلعي من بيتك الصباح الساعة 10 وتروحي عند بنت خالتك اللي ودت اوراقك وهي توح معاك وتوصلك الكلية .

وأنصك لبس تنورة مش بنطلون ,,,

[هيفا22]

الله يكتبلنا اللي فيه الخير
صدقوني كل وحدة
راح تأخذ نصيبها
يااااااااارب سهل ...
((اللهم لاسهل الا ماجعلته سهلا وانت تجعل الحزن اذا شئت سهلا)))

[nanita]

بالتوفيق للجميع يارب