لنتحدى الإحصاء

[بيو كيميائية ^_^]

ماشاء الله عليك
ارتاحي إجازة
الله يوفقك

[υикиσωи]

ما شالله عليكي يا مورا
ربي يعطيكي العافية ...ويفتح عليكي ...

[Mora]

اتمنى انكم تراجعوا الحلول و تتاكدوا اذا فيها اغلاط او لا

بالنسبة للسؤال اللي بداية اول سكشن و اللي اختلفنا على حله إن شاء الله حنسيبه لبعد الاجازة عشان نتأكد منه

و بعد كدا يسير اتمنى من الانسة انثى نرجسية انها تجمع الاجوبة بموضوع واحد و تثبتو

[كنت متفائله]

جزاك الله الف خير

[تخصص 13]

جزاك الله خير استاذة مورا

وعندي كم سؤال في شبتر 10

دحين مو correlation هو الارتباط
و الـ بوسيتيف +/ نيقتيف - هو الطردي / العكسي

طيب كيف أقول "ارتباط طردي تام "
يعني أش الكلمة إلي تعبر عن التام

واش معنى الـ scatter plot لان الأخ الشطور الأمور "الوافي" مترجمها مؤامرة بعثرة وأنا متاكده أن مو كذا معناها << بصراحة مره عبقرية

وفي صفحه 530 (من نهاية 8 سطر من فوق المربع الأخضر حق تعريفscatter plot) في وسط الشرح في مثال عن دراسة على زوج وزوجة في قضية معينة وهو بيقول صعب اننا نقول مين dependent variable و independent variable
عشان كده مايفرق مين نختار المستقل او التابع صح زي مافهمت كده ولا لاء

وفي 10.4 صـ544
اش معنى دولي وفي ايش نستخدمهم Curvilinear relationship or discernible relationship وتحت بسطرين بيتكلم ع test the significance مو الـ significance محذوف من 10.3

[تخصص 13]

و في شبتر 13
13.7
اول شي اش معنى the spearman rank
ثاني شي the runs test دا الجزء مو معانا صح

وثالث شي في مثال 13.7
أول شي ال hypotheses مو معانا صح يعني مايحتاج نطلعها
وثاني شي اش الي في step 2 يعني دا الشي معانا واذا معانا كيف نسويه لان مافهمت
واخر شي في الخطوة الثالثة كيف طلع الـrank

ووو بس << ش بقيتي من السؤال خخخ


من الثلوث وأنا ابغى اسئلكم بس الدي اس ال ماكان شغال ولمن دقينا عليهم قالوا الحي كلوا ما يشتغل في الدي اس إل وما يدروا متى يرجع :( يعني حبكت لمن ابغاه لشي مهم ما يشتغل :(

[M!ss Mojy]

مورا ياعسل يعطيك العافيه مره ثانيه حلك للاسئله تمااام التمااام

<<< لسه اليوم بدأت احل شابتر 4

بس استوقفتني نقطه بسيطه في ردك رقم 67 لان عندي مشكله في الاقتباس


هوا التمرين في سكشن 3-4 فقره f

انتي حالتها انها not mutualy exclusive

بس انا حليتها على اساس انها mutualy exclusive

لان الفقره تقوول انو اختار اي كورس .. والاحتمالين هما اختيار كورس رياضيات

والثاني اختيار كورس انجليزي

يعني مستحيل الاثنين يكونوا مع بعض في نفس الوقت يعني ياا كورس رياضيات يااا كورس انجليزي

واذا انتي فاهمته شي ثاني او انا فهمي للسؤال غلط ياليت توضحيه لي

يعطيك العافيه ياقلبوووو بجد تعبانكِ معانا

[M!ss Mojy]

بقي اننا نجمع الاحتمالين 210/300 + 85/300 = 0,7667

ههههههههههههههههه وناسه صار يقتبس الحمدلله

المهم ياعسل انو هنا عندك في سؤال 13 في سكشن 3-4
الناتج عندك صح وتمام التمام بس يمكن نسيتي تحطي انو نجمع الحادثتين بعدين نطرح منهم المشترك بينهم

يعني كذا الحل 210/300 + 85/300 - 65/300 = 230/300 = 0.7667

[wow.]

المشاركة الأصلية كتبت بواسطة υикиσωи wow دا اللي طلبتيه ... بسس زي ما قلت سابقا دا شرح مبسط جدا ... وازا ما فمهتي شي ... قوليلي ...اعيد تاني ...:) وطبعا معادلة الــa وكمانا الـ b ما نحفطها لانو موجودة في الفورملا شيت ... وبلييييز يا حلوين ...بلاااش مضاربااات ... وخلينا حلوين كلنا ....نساعد بعض ونتمنى الخير لبعض ...:)

مشكووووووووووووووووووووووووووره وجزاك الله الف خير

[Mora]

المشاركة الأصلية كتبت بواسطة M!ss Mojy مورا ياعسل يعطيك العافيه مره ثانيه حلك للاسئله تمااام التمااام <<< لسه اليوم بدأت احل شابتر 4 بس استوقفتني نقطه بسيطه في ردك رقم 67 لان عندي مشكله في الاقتباس هوا التمرين في سكشن 3-4 فقره f انتي حالتها انها not mutualy exclusive بس انا حليتها على اساس انها mutualy exclusive لان الفقره تقوول انو اختار اي كورس .. والاحتمالين هما اختيار كورس رياضيات والثاني اختيار كورس انجليزي يعني مستحيل الاثنين يكونوا مع بعض في نفس الوقت يعني ياا كورس رياضيات يااا كورس انجليزي واذا انتي فاهمته شي ثاني او انا فهمي للسؤال غلط ياليت توضحيه لي يعطيك العافيه ياقلبوووو بجد تعبانكِ معانا

تدري انا كيف فكرت فيها ؟؟؟

فكرت اني اقدر اخد كورس رياضيات باللغة الانجليزي عشان كدا قولت انها not mutually exclusive

عالعموم مو بس دي الفقرة لازم نتأكد منها ,, في كمان فقرة قبل ,, نبهتني عليها ان ناون و إن شاء الله لمن نداوم من بكرة حنتأكد

شكرا عالتنبيه اعتمد عليكي في التصحيح