(2)تجآرب الطآلبآت مع موآد الــEnglishالترم 2لعـآم 2010 with colors

[loloita]

أنا الترم اللي فات أخذت reading2 مع إيمان بو ترعة بصراحة مو حلو وممل وما كأنه ريدينق بس لوتورطتي معها ترى مو مرة بشع الكورس معها تقدري تمشي حالك بس أهم شي تعرفك حتى لو تجاوبي غلط
writing2 مع نجوى الغريبي كلمة ممتع قليلة فيه خلت الرايتينق من أسهل المواد مرة ممتازة ما شاء الله عليها
وتوزيعها للدرجات روعة وتنصفك بقوة اللي تأخذه معها لا تتردد
ليسيننق2 مع رشا قزاز ماشي حاله ما عجبني مرة بس أحلى شي فيها ماتظلمك في الدرجات بس إلى الحين مافهمت اش اللي يعجبها في البرزنتيشن يعني راح تتعبي شوي معها
وربنا يوفقكم

[nour al3mr]

^
يـاعســــــــل ..

اقرئي هنــــــــا التجارب عن الأستـــــــاذات ..

ورديت عليك في موضوعك عن المواد المقررة عليــــــــك..

راح تلاقي أغلب تجاربنـــــا,,
وأي استفسار بالخدمـــــــة..

[amoooona]

miss cute
تسلمي ياقلبي ومشكوورة كثير على نصيحتك الحلوة
الله يوفقك وتتخرجي بتفوووق ياااااااارب

[يسوم طالبة عنجليزي]

تجربتي مع النقد الكريتيسيزم الله يسعد استاذه سهام فطاني وربي انها طيبه وعسسسل..بس سوي الي يعجبهااا
المنهج طبعا ملزمتين كبيرة وصغيرة..وتلاقي مع البنات اساايات وملخصات حلوة على كل ناقد وكمان اقري بالنت اا ذا حبيتي

الي يعجبها هو طبعااا
مقدمة بيسطه عن كاتب الكوتشين واسم كتابه وتحطي خط تحت اسم الكتاب
والمقدمه فيه هو من اي عصر ancient critic مثلا
وهو بايش يتميز او ايش دورة او اش يبغي من عمله هذا اش يبغا يوضح او يناقش

وبعدين تخشي بموضوع الكوتيشين تششريحنه تمااام قد ماتقدري..باسلوبك وحفظك..مع ذكر امثله
وبعدين ممكن تزودي اشياء زايده اذا حبييتي. عشان تكثري الاسي ويكون حطيتي كل الي ببالك



المهم نكمل هرجتنا

الامثله يابنات من متاابعتك مع الاستاذه
وربي ترا مس سهام تشرح وتوضح كل نقطه تمام
لا تحسبوها انه سوالف وتنكيت لالا وربي انا كنت كدااا فاهمه..
بس هي بالعكس كل كل كلمة تقول عشان تفهمنا حتي الامثله الي تضحك او اي شي اكتبيه على الاقل يفهمك اش المقصود بالشرح لما تذاكري
وحاوولي قد ماتقدري تتكتبي شرحهااا وماتفوتي ولا كلاس ولا تتاخري <<<نننصـيييييييييييييييييييييييحه مجرب ميه بالميه

وربي اني فهمت من شرحها حتي ارتحت وانا اذاكر احس على الاقل عندي خلفيه مو ضايعه
وخاصه انها تعدل بعض الكلمات في السلايدات -الملزمة الصغيرة -وتوضح بعض الفقرات تكون معقده تصيغها باسلوب اسهل
والله لو كتبتي شرحها وفهمتتي مااااااااااااااااااااا تحتاجي تفتحي الملزمة الكبيرة لانه اصلا يضيع الوقت
لانه الي تلاقيه بالملزمة الكبيرة يعني شرح زياده هي تقووووله

ويكفي تفهمي كمان وتصيغي باسلوبك

كمان اجلسي قدااااام دائما لانه بس جلوسك قدام يخليكي غصب تركزي معها وتشااركيها النقاش
وحلو لانها كذا بتعرف اسمك

على الاقل لو خبصتي في الامتحانات تقوليها انك تشاركي معهااا وكذا وانك فاهمه وانك بس خبصت غصب عنك
على الاقل تقدرك وتصير تراعيك لانها عرفت انك شاطر ومجتهده وتبغي تجيب درجه كويسه

وربي انها عسسسل قسسسم الله يعطيها طولت الصحه يارررررب
موفقيييييييييييييييييييييين يارب

[طالبة الجنـة]

لسننق 1 مع استاذة خديجة باوزير كان الكورس معاها ممتع وبصراحة استفدت كثير منه عملنا فيه 3 برزنتيشنز وكانت تعطينا فوكابلري من الكتاب نحفظها وتختبرنا فيها وكمان قصص من موقع عالنت نسمعها ونجيب الفكرة الرئيسية منها وتختبرنا كمان فيها وفي نهاية السمستر سوينا مسرحية كان عليها 20 درجة

ريدنق 1 مع استاذة ليلى هاشم كنا في المحاضرة نقرأمن الكتاب وهي تناقش معانا كانت محاضراتها بالنسبة لي ممتعة بس غيابها مرة كثير وكانت الاسئلة موحدة و شوي صعبة ومبهمة بس استاذة ليلى الله يسعدها كانت تراعي مرة في التصحيح والدرجات

رايتنق1 مع استاذة سحر بانصيف الاستاذة هذي بصراحة رائعة اسستني في الرايتنق مضبوط كانت في المحاضرات تحل معانا تمارين الملزمة وتحب التحضير لازم نحضر عندها وواجباتها كثيرة مع انها ما تحاسب البنات الي ما يحلوها بس عشان مصلحتك وهذا الشيء الي استفدت منه مرة كنت احل الواجبات واراجعها في المكتب تصحح لي اخطائي وتصحيحها جدا دقيق وتحب تشوف البنت مهتمة مرة

[منى30]

لغويات كانت مع مس الاء اسئلتها متنوعه وحلوه تجي من المحاضرات والكتاب
طبعا الماده ذي بتعتمد عالحفظ ولازم طبعا الفهم عشان تتثبت المعلومه
غالبا يجي سؤال قارني
المورفولوجي مع منال التاودي لكن الفرق انه الابلايد يتطلب مجهود منك كبير لكن المورفولوجي سهل ومعروف بس اول بأول ماتتعبي بالدوريات
ابلايد اخذتها مع منال التاودي طبيعة الاستاذه بس اختبارات وطبيعة الماده حفظ يعني شدو حيلكم بس لاينقطع خذو من اسئلة البنات ,bnooota
كتبت كثير عنها
سينتاكس مع د مأثر الصوت واطي يعني ممكن تسرحي لو ماركزتي او مالك نفس فجأه احس زي السلك انقطع هههه بصراحه
فوناتكس مع ا ليلى وانتم مغمضين البنات كتبو وماعندي شيء ازيده على مس ليلى

هاي قيرلز من افضل وحده ب
البراكتكم...؟
والريسيرش ...؟
والادب...؟
والسوسيو...؟

الله ينجحكم ضروري ردو قبل الحزف والاضافه

[Al Dona]

كيفكـــــــــــون صبايا

بليييييييييييز مين احسن من ناحية الدرجات والاسئله وهيك دكتوره خديجه ولا دكتوره صفاء ؟؟

وبلييييييييز قولولي كيف اسلوب مس خديجه ؟؟

[nooni]

بأي ماده ياعسل وين شفتيهم؟
كلهم حلوين

[ღحلا الدنيـاღ]

منى ٣٠ شوفي رأيي واستخيري..

البراكتكم...؟ سألت كثير وكثير اختلفو بس من رأيي مسز ايمان حمزه او مسز صفاء

والريسيرش ...؟ اذا مسز مائسه تعطي خذي معاها ونصيحه لوجه الله ابعدي عن مسز ايمان بوترعه
بالمررره مو دقيقه في المواعيد وتلخبطك و احياناً بصراحه تسب البنات وتخاصمنا في الكلاس

والادب...؟ انا اخذت مع مسز ايمان حمزه اسلوبها حلو مررره تحب الترتيب صح احياناً تحطم
وكنت انا مررره اتضايق بس بعدين عرفت انو كذا بس تبغى تخوفنا عشان مصلحتنا
اهم شيء اكتبي كل حرف ولا تغيبي عندها كثير لان اختباراتها من الكلام اللي تقوله في المحاضره
و حضري وراح تنبسطي بالكورس ان شاء الله

والسوسيو...؟ وهل يخفى القمر مسز عزيزه طبعاً اسلوب مبسط تحترم طالباتها وتساعدهم باللي تقدر عليه
وتراعي جداً ،،

بالتوفيق يااااارب .. بناااات دعواتكم

[أزرق]

بليززززززز بنات مين احسن ناريمان او سهام في البوتري
سهام جربتها في الادب كان كلو تمام واخلاق بس اختباراتها واوقاتها
وناريمان طريقتها حلوه بس الاخلاق؟ بليز احد يقول كيف تعاملها يعني ممكن تعصب على اي بنت
وتكوني سررررحانه تكبشك باسئله سبرايز