أحداث دورتنا التأهيلية : قسم إدارةالأعــمــال // المستوى الثـالـث (1430)

[فله^.^]

المشاركة الأصلية كتبت بواسطة أمنيات عاشقة طيب ممكن تعطيني محاضرات بكرة فين والوقت ومشكورة على ردك

..بالنسبه لك يا"امنيـات عاشقه"ليش انت بارده توك تسألي عن الجدول ..نصيحــه مني ..انت بس اسمعيني اختاري كم مادة اقلهااربعه اللي تعجبك خذي مثلا قانون تجاري زي انا واقتصاد جزئي انا اخذته مع ايمان ششه بس ماكانت تعطياسئله زي هدى خيري وكان الاختبار روعه جبت درجه حلوه وعلى مذاكرت محاظرات أ.هدى ..وكملي انت المواد اللي تحبيها ..اسمعيني لا تنامي بكرة انت امسكي ورقة وقلم واكتبي المواد والاستاذات الافظل للمواد وروحي لمبنى الثامن او الثاني عشر وشوفي القاعات ...هاي حركاتي العام وانا دحين فالبيت عندي كتبي بس اتكاسل اذاكر وانا ..استنا رد اضاءات علي بخصوص القانون

[فله^.^]

مشكورة اضـــــــــــــاءات
طيب وين وصلتو اليوم وهل اعطتكم اسئله فالكتاب "يعني تقراا ...وتقول هنا ممكن حيكون سؤال"يعني تفتح مخك "والا تشرح والكتاب مقفل..شوفي مثلا "مبرارات وجود القانون التجاري "هي مهمه *السرعه و*الائتمان ولاتفوت ولا كلمه قالولي العام انت كيف فهمتيها..بسطيها لي من خلال شرح سوزان
واصلوا العطاء واحنا بنواصل لكم الدعاء

[سنسونا]

مشكورين يابنات
ياليت تنزلون محاضرات التحليل الكمي والاقتصاد الجزئي 101
مرررررره ماني فاهمه شي فيها

[أمنيات عاشقة]

انا مستنيا جدولي راح ينزل بعد ما اسدد
وانا سالت عن مواد بوكرا بس

[اضاءات]

امنيات ..
ما استطيع احصرها لك هنا لأنها جدا كثييرة
بكرة وكل يوم المحاضرات موجودة من كل شكل ولون ..
توجهي للمبنى الرابع حتلاقي قوائم بمواعيد وأماكن المحاضرات معلقة ع الجدار في الصالة الداخلية للمبنى
واختاري الي يناسبك .

فله ..
ماتطلب منا نفتح الكتاب بالعكس تفضل إنك تكوني منتبهة
اسمعيها بفهم واكتبي ملاحظاتك بسرعة على دفتر او الكتاب لأنها تعطيك بعض الخلاصات .
ورغم كذا فهمت منها جدا و لاحظت كثير بنات فاهمين
إنت بس اصبري علي شوية انتهي من المحاسبة وأديكم رؤوس أقلام للمحاضرة .

سنسونا ..
ايش الي مو فاهمته تحديدا من الاقتصاد الجزئي ؟

[سنسونا]

هلا اضاءات
انا ماشتريت الكتاب ونزلت محاضرات د/ فيفيان مع انه شعبتي مع د/ هدى خيري لكن مالقيت لها ملخص
كلها على بعضها ماني فاهمتها
كيف طريقة مذاكرتك؟

[اضاءات]

المشاركة الأصلية كتبت بواسطة سنسونا هلا اضاءات انا ماشتريت الكتاب ونزلت محاضرات د/ فيفيان مع انه شعبتي مع د/ هدى خيري لكن مالقيت لها ملخص كلها على بعضها ماني فاهمتها كيف طريقة مذاكرتك؟

ما أدري إذا أقول لك اشتري الكتاب او لا تشتريه
د.هدى قالت لطالباتها محاضراتي تكفيكم وماعندها ملخص فقط خذي محاضراتها.
و د. إيمان وغيرها قالوا الكتاب ح يفيدكم أكثر بالتمارين الإضافية الي فيه ..
وأنا بعد المقارنة وجدت أن مايكتب في المحاضرة مماثل لما في الكتاب المختصر حتى الرسم
أما عن نفسي فطريقتي دايما هي أن أبدأ بالمحاضرات ثم أرجع للكتاب كي يطمئن قلبي .

(اختلاف الكلام البسيط بين الأستاذات لا يعني أن الاسئلة غير موحدة ..
الجميع أكد إن أسئلة المادة موحدة ومن وضع جميع الاستاذات بالمشاركة )

[اضاءات]

انتهيت من كتابة ابرز ماذكر في محاضرة المحاسبة لهذا اليوم ..
وللتوشفت موضوع "زهرة تشرين" الله يقويها بما إني كتبته خليني أضعه لكم لربما أحد ينتظره ..

//
دروس اليوم سهلة وحلوة لكن مهمة ..

* اليوم بدأت بقاعدة القيد المزدوج وهي غير موجودة بالكتاب وهذه مهم جدا تفهموها " من فهمتها فهمت ثلاث أرباع المنهج"
لأنه بهذه القاعدة سنتعمدعليها كثير ونطبق في الدفاتر المحاسبية وأعطتنا تمرين خارجي عليه ( القاعدة و التمرين ستكون مذكورة في الملزمة )

* هذه قاعدة إضافية مهمة تساعدك على تطبيق قاعدة القيد المزدوج :
(الأصول + المصروفات + المسحوبات) >> دائما مدينة >> إذا زادت تبقى مدينة >> إذا نقصت تصبح دائنة .
(الالتزامات + رأس المال + الإيرادات ) >> دائما دائنة >> إذا زادت تبقى دائنة >> إذا نقصت تصبح مدينة .

* النظام المحاسبي : تعريفه و مقوماته وهي : المستندات وأنواعها و الدفاتر وأنواعها و التقارير المالية (دليل الحسابات مو معانا)
* أنواع القيود اليومية : بسيطة ومركبة ، ومثلتها لنا بمثال صغير ( أيضا في تمرين عليه ص 72 و 73 للي تحب تطلع أكثر) .

* بدأنا بالرصد في دفتر اليومية باستخدام طريقة القيد المزدوج ، ثم رحلنا ما دوناه من عمليات في دفتر اليومية إلى دفتر الأستاذ و ختمناه بالترصيد .

* ختمنا المحاضرة بعمل ميزان المراجعة ، والذي يتم عمله بطريقتين :
1/ ميزان المراجعة بالمجاميع . (معنا كجزء نظري فقط) .
2/ ميزان المراجعة بالأرصدة . ( معانا و سنستخدمه عملي في التطبيق) .

//


الدكتورة فتحت الكتاب وأشرت معانا على الأجزاء النظرية الي معانا حتى الآن ، كنت بكتبها لكم بس بما ان الملزمة
ح تنزل فخليكم عليها لأن معظمها مثل ماقالت فهم بدون حفظ لأن أسئلة النظري تكون [صح وخطأ ، اختيار متعدد ، صلي ]

لكنها أشرت على التمارين المحلولة في نهاية الكتاب وقالت تدربوا عليها الي في صفحة :
ص 37 إلى 38 وحلولها في ص42 و ص 84 إلى 86

كان بودي أفصل لكم أكثر وأكتب كل كلمة أو تعريف لكن بما أنه في خبر بتعديل ونزول الملزمة فما في داعي أشتتكم أكثر إضافة إنه سيأخذ مني وقت أكبر ربما لا أملكه .

[funny girl]

يعطيكي العافية يا إضاءات عالمعلومات القيمة هذه

أثابك الله على مجهودك وربي ينولك النجاح وموفقة وييسرلك دربك يارب

ومايضيع لك تعب حبيبي
ولكي مني جزييييييييييييييييييييييل الشكر لمساعداتك من اول الطريق ونكمل مع بعض على طول
تقيلي مروري وتحاتي
funny girl

[سنسونا]

اختي اضاءات
من وين اخذ محاضرات هدى خيري << مو هذي المشكله
<< شايله هم