][ تجمع للجداول و تعديلها و الحذف و الإضافة ][

[كوبالـت_Co]

المشاركة الأصلية كتبت بواسطة meme599 ساعدوني في جدولي الله يعطيكم العافيه انا مستجده ماعرف شي تخصص كيميا اول سمستر chem202 chem231 arab101 isls221 مو متاكده دا رقم ثقافه 1 او ﻻ !!؟ chem281 phys281 chem200 كدا تمام وﻻ مواد كثيرره؟ والمعامل سهله او احذف معمل الفيزياء؟؟ وكمان السمستر الثاني مو عارفه ايش اخد في جدولي؟ احد يساعدني وشكرا

حياك الله أختي ^^

بالنسبة لجدولك حلو و بسيط بس يبغالك تركزين على كيم 202 و كيم 231 لأنها 4 ساعات و بكذا تصيرين اوكي ^^

بالنسبة للثقافة لا الثقافة رقمها 101 المستوى الأول مو رقمها 221 و هي ساعتين بس

بالنسبة للمعامل انتي حيكون عندك معمل في 202 و معمل في 231 احذفي معمل الفيزياء و خلي معمل الكيمياء 281

عشان يكون عندك 3 معامل بالأسبوع ما يكون ضغط احسن من 4 معامل

كذا جدولك بيكون بعد ما تحذفين معمل الفيزياء 15 ساعة مرة ممتاز إذا حابة تضيفين ساعة زيادة مع إني اشوف جدولك كذا افضل

احسن لك تضيفين فيزياء 200 لأنها ساعة وحده و بدون معمل

ولو اني شايف إنه 15 ساعة حلوة و مو ضغط كأول ترم تخصص

بالتوفيق ::.

[Meme599]

يعطيك العافيه وماقصرررت افدتني كثير
بس فيزيا 200 ايش هرجتها صعبه وﻻ سهله

ﻻني ناويه احول بعد سنه

[فضاء الحرف]

السلام عليكم عندي سؤال ...دحين انا ابغى اضيف امن و سلامة مختبرات لphys200 لكن مافي غير شعبة وحدة و مقفلة جربت ابحث بالقيود وبدون لكن نفس النتيجة فهل تنصحوني اخذ امن و سلامة لchem200
اما بالنسبة للbioففي شعب تانية لاستاذة نيفين و فاتن لكن لا يمكن اضافتها بسبب القيود !!!بس هل يمكن اضافتها عن طريق الشؤون ؟؟


و في الاخير اقولكم تشكرررااااااات كثيييرراااااااات <3

[LeLou]

المشاركة الأصلية كتبت بواسطة فضاء الحرف السلام عليكم عندي سؤال ...دحين انا ابغى اضيف امن و سلامة مختبرات لphys200 لكن مافي غير شعبة وحدة و مقفلة جربت ابحث بالقيود وبدون لكن نفس النتيجة فهل تنصحوني اخذ امن و سلامة لchem200 اما بالنسبة للbioففي شعب تانية لاستاذة نيفين و فاتن لكن لا يمكن اضافتها بسبب القيود !!!بس هل يمكن اضافتها عن طريق الشؤون ؟؟ و في الاخير اقولكم تشكرررااااااات كثيييرراااااااات <3

إلا يا عسل في 3 شعب..

و ما تفرق تبغي تضيفي أمن و سلامة كيمياء مو مشكلة :)

//

و مو مشكلة تقدري تضيفي المواد اللي ما تنضاف لك من خلال الشؤون أو مرشدتك الأكــاديمية..

بالتوفيق||~

[فضاء الحرف]

مشكووووورة يا حلوة

[الاء وليد فخراني]

ابا رايكم في جدولي انا في المستوى التالت فيزياء طبيه
bio222
Arab101
Math 202
MPhys205
chem200
phys202
phys 281
بليززززززززززززززززززز ابا رايكم كلكم لو فيه تعديل او كتيره عليا في الترم

[كوبالـت_Co]

المشاركة الأصلية كتبت بواسطة الاء وليد فخراني ابا رايكم في جدولي انا في المستوى التالت فيزياء طبيه bio222 arab101 math 202 mphys205 chem200 phys202 phys 281 بليززززززززززززززززززز ابا رايكم كلكم لو فيه تعديل او كتيره عليا في الترم

رياضيات و فيزياء 202 ما تجي مع بعض >_<

انا ما درست فيزياء 202 بس يقولون يبغى لها شغل و صعبة شوي

لكن درست رياضيات 202 مقرر مو صعب لكن يبغاله مراجعة أو بأول و تشدين حيلك فيه و دسم حبتين ^^


بالتوفيق ::.

[LeLou]

المشاركة الأصلية كتبت بواسطة الاء وليد فخراني ابا رايكم في جدولي انا في المستوى التالت فيزياء طبيه bio222 arab101 math 202 mphys205 chem200 phys202 phys 281 بليززززززززززززززززززز ابا رايكم كلكم لو فيه تعديل او كتيره عليا في الترم

و الله يا أختي أنا من بين دي المواد اللي ما درسته هو بيولوجي الخلية و الفيزياء الحيوية..
لكن اللي ماسكة الفيزياء الحيوية درستني مادة قبل كذا..
دكتورة أقل ما يقال عنها أنها رائعة بكل معنى الكلمة،، شخصيًا ما قد عدا عليا أحد زيها ما شاء الله تبارك الله..

فيزياء 202 و رياضيات 202 مو مشكلة يتــاخذوا مع بعض،، أغلب الناس بتاخذها مع بعض لأنه في خطة الفيزياء العامة لو ما أخذتيهم مع بعض ضعتي،، لأنك ما راح تقدري تــاخذي بعد كذا و لا مادة..
ماث 202 روعة و لزيزة،، يبغالها شغل أوكي،، لكن مو مرة،، لو فهمتيها و ما غبتي و كنتِ منتظمة بالحضور إن شاء الله يمشي الوضع..
و إذا متمكنة من 110 أقول لك تقريبًا المادتين نفس المستوى من ناحية الصعوبة..

نجي على 202،، شوفي يا أخية هو انك ترسبي في المادة دا احتمال جدًا ضعيف..
لكن المادة غثيثة بمعنى الكلمة و بصراحة ما تنفهم..
بالنسبة للدكتورات،، الدكتورة نورة ما مسكت 202 غير السنة الماضية،، على أيامي و من قديم الأزل طول عمرها اللي ماسكتها دكتورة ثريا..
و أنا أخذت المادة عندها..
بصراحة ما أقدر أفيدك مين الأحسن لأنه الدكتورة نورة درستني مادة ثانية،، و ما أعرف كيف ممكن يكون شرحها في 202..
عمومًا انتِ شوفي المواد اللي متطلباتها كثير و خذيها و تقدري تحذفي مادة لو حابة منهم..

أنا كطالبة فيزياء عامة أخذت أول ترم فيزياء 202 و ماث 202 و فيزياء 203 و كان عادي جدًا..
بس المشكلة كانت في فيزياء 202 لأني و بصراحة كذا طلعت منها زيرو ع الشمال..
لكن انتِ كذا عندك 4 مواد تخصص فما أدري كيف ممكن يكون حالك،، بس أسألي في قسم الأحياء عن بيولوجي خلية..

+

بالنسبة للمغلق إيوا معناها أنه الشعبة اتملت و تقدري تروحي أول يوم إن شاء الله تطلبي توسيع إن ما أحد حذف المادة إلى بداية الترم..


موفقة||~

[Hakuna Matata]

المشاركة الأصلية كتبت بواسطة الاء وليد فخراني ابا رايكم في جدولي انا في المستوى التالت فيزياء طبيه bio222 Arab101 Math 202 MPhys205 chem200 phys202 phys 281 بليززززززززززززززززززز ابا رايكم كلكم لو فيه تعديل او كتيره عليا في الترم

أنا جدولي زي جدولك ، بس عندي سؤال
كيف ضفتي MPhy205 ، مو رآضية تنضآف عندي ، عشان لهآ متطلب بيولوجيآ الخلية !
و بآلنسبة للفيزيآء أنا ضفتهآ مع ثريآ
و Math202 مع مين ضفتيهآ ؟

[رآمـــآ]

المشاركة الأصلية كتبت بواسطة hakuna matata أنا جدولي زي جدولك ، بس عندي سؤال كيف ضفتي mphy205 ، مو رآضية تنضآف عندي ، عشان لهآ متطلب بيولوجيآ الخلية ! و بآلنسبة للفيزيآء أنا ضفتهآ مع ثريآ و math202 مع مين ضفتيهآ ؟

مززززبوط حتى انا ما قدرت اضيفها عشان المتطلب !!