المقبولات في تصميم الأزياء تعالوا نتعاون هُنا (*n_n*)

[نظـــ تفائل ـــرة...]

المشاركة الأصلية كتبت بواسطة ~*moonwink*~ إن شاء الله تكون سنة حلوة وخفيفة ع الجميع يآرب ^_^ وأناا مآآآآرة متحمممسة للتخصص الكل مدحهـ me 2 مرررره وبقوهـ متحمسهـ * الله يديمو من حماس يارب ويزيدو موووفقين يآرب .. أششوفكم بكرة يَ مصممآت المسستقبل

ان شاء الله يارب 

[نظـــ تفائل ـــرة...]

DrAsew
&
احتاجگ انا

احتاجكم في شغله اذا ماعليكم آمر^^،،،احتاج خبرتكم ونصيحتكم في الجدول في اختيار المواد عدد اختيار الوحدات ايش المواد الا يبغالها شدة حيل ومافيها متطلبات
وبس اتمنى مااكون ثقلت عليكم،،،مشكوريين مقدماً والله يسعدگم يآرب:)

[نظـــ تفائل ـــرة...]

+++
ياليت لوتقولولي ايش وكيف رايكم اذا ماعليكم آمر
د.سعديه عمار
أ.نسرين السلماني
د.إبتسام العمودي
معلي كترت اسألتي بس تعرفوا يعني الواحد جديد ع الكليه ومايعرف شي
مشكووورين مقدماً

[مساهر]

مينا اونغايشماس الي راحو اليوم

اش صار على موضوع الجداول للاسف ما قدرت احضر اليوم

فاذا قالو لكم اي شئ عن الطريقة او الدوام او متى تنزل

يا ليت تقولو ^^

[نظـــ تفائل ـــرة...]

اليوم ياعسل سوينا جداولنا وقالولنا بكره نروح الساعه٩ ان شاء الله عشان نعرف مرشداتنا وبس:)

[مساهر]

اليوم ياعسل سوينا جداولنا وقالولنا بكره نروح الساعه٩ ان شاء الله عشان نعرف مرشداتنا وبس:)

اريقاتو غوزايماس ^^

عقبالي انا كمان هع هع

[~*MooNWiNk*~]

المشاركة الأصلية كتبت بواسطة نظـــ تفائل ـــرة... اليوم ياعسل سوينا جداولنا وقالولنا بكره نروح الساعه ٩ ان شاء الله عشان نعرف مرشداتنا وبس:)

متآكدة ، طيب وآيش نسوي مع المرشدة !!

لأنو قلت إذا مانزل الجدول ع الآودس أفكر أغيب > كرهت نفسسي بسبب هالجدول

وعلى فكرة كيف سويتي جدولك أخذتي كل الموآد ؟ وكيف طلع في النهآية

عن نفسسي أخذت كل الموآد بس بآقي مادة ماعرفت وين أحطها وسحبت عليهاا

[نظـــ تفائل ـــرة...]

المشاركة الأصلية كتبت بواسطة ~*moonwink*~ متآكدة ، طيب وآيش نسوي مع المرشدة !! لأنو قلت إذا مانزل الجدول ع الآودس أفكر أغيب > كرهت نفسسي بسبب هالجدول وعلى فكرة كيف سويتي جدولك أخذتي كل الموآد ؟ وكيف طلع في النهآية عن نفسسي أخذت كل الموآد بس بآقي مادة ماعرفت وين أحطها وسحبت عليهاا

ايوا ياعسل متأكده والاقالت لنا الكلام هاذا الاستاذه الاسوينا عندها الجدول واكدت لنا الكلام لي انو الاستاذات لوبدأوا كلاسات بي يحضروا،،،

وع الجدول ياقلبي انا مادتين حذفتهم من الجدول ما اخذتها كلها،،ويعني مدري عن نفسي ماشي معايا حمدلله الله يوفقك واذا تبي شي ع الجدول حاضرهـ :)

[~*MooNWiNk*~]

أجل بدآوم وأمري لله ^^"

ومشكووورة يَ الغلآإ ما تقصصري :$

[DrAsew]

المشاركة الأصلية كتبت بواسطة & منتهى الرقة & DrAsew مرة مشكورة ياقلبي ع التوضيحات

هلا بك ياعسل ..والعفوو

المشاركة الأصلية كتبت بواسطة أمل الفجر والله ما ادري اش اقول لك...الله يسعدك ويحقق مناك ياارب ويسخر لك الطيبين من خلقه .. مرررررره استفدت من المعلومات جزاك الله خير ..

ياهلا بك ياعسل..ويسعدك ياربي ويديكي مثل الدعوات هذه يارب
اي استفسار انا موجودة ان شاء الله وافيدكم باللي اعرفه

المشاركة الأصلية كتبت بواسطة نظـــ تفائل ـــرة... DrAsew & احتاجگ انا احتاجكم في شغله اذا ماعليكم آمر^^،،،احتاج خبرتكم ونصيحتكم في الجدول في اختيار المواد عدد اختيار الوحدات ايش المواد الا يبغالها شدة حيل ومافيها متطلبات وبس اتمنى مااكون ثقلت عليكم،،،مشكوريين مقدماً والله يسعدگم يآرب:)

آمري ياعسل..

طيب بس قوليلي ايش المواد اللي عندكم ممكن واكيد ان خطتكم مختلفة عننا بس مومشكلة بتكون اختلاف في مسميات المواد

صراحة انا اشوف المادة على حسب اللي بيعطيها زي درست مادة تسويق مع دكتورة الهام وبعدين حصلت لخبطة واظن كان عندها ايفاد لامريكا وجلسنا كم اسبوع محنا عارفين مين بيدرسنا وبعدين جات بدالها دكتورة ثناء ماتشرح بس كانت تقرأ من الملزمة واسئلتها كانت حلوة وحتى البحث اللي طلبته اذا ماخاب ظني ان الاغلبية درجاتهم كاملة فيه وع اقل تقدير انها كانت حلوووة وفوق كذا طلبت للي تبغى تحسين تجيب اي شيء عمل او كتاب او مجلة تختص بالنسيج واكثرنا درجاتنا كانت عاااااالية كثير اخذو 100 عندها

بس بعدين درست نفس المادة وحدة من صحباتي يقولو اسلوبها تغير

يعني كانت دكتورة الهام تطلب مننا تقرير وواجبات بس ربي رحمنا بانها ماسارت تدرسنا


شوفي حبيبتي قبلي لاتختاري المواد شوفي الاستاذات اللي بيعطوا المادة
لان ممكن المادة تكون حلوة وسهلة لكن اللي بتعطيها مايعجبها العجب

وبما انه اول مستوى لكم في التخصص خلي المواد في حدود 15 ساعة يعني بتطلعي يمكن ب5مواد بثلاث ساعات او مادة بساعة ومادة بساعتين
بس اغلبية مواد القسم 3ساعات ويمكن 4

ليش اقولك خليه في هذه الحدود لان كل مازدتي ساعات زادت فرصة انو المعدل يعلى او ينخفض بس ان شاء الله كلكم معدلاتكم في العالي

ونوعي في المواد عشان لايكون عندك شغل كثير وتنضغطي

انا لقيت الخطة هذه في موقع الجامعة وبامشي لك على كل مادة

مادة :اختيار وتنفيذ المفروشات والعناية بها
طبيعة المادة تسوي عينات فيها التقنيات اللي موجودة في المفارش زي الكسرات والكشكشة وتسوي خدادية حقت الكرسي واللي تركب على الكرسي على ظهره ومشروعك انتي حرة فيه
انا وصحباتي سوينا طقم مجلس من خداديات الكنبات وتلبيسة سلة الزبالة وانتوا بكرامة والستارة كلها خيطناها والمفرش وكان روعة المشروع
النظري: درسته مع دكتورة سعدية وباقولك رأيي فيها تحت
العملي:مع أ. أمل البشري تحب انك تبدعي في شغلك وتجيبي افكار جديدة وكانت كل محاضرة تخلي قروب يجمع المحاضرة من مادة علمية وصور ونرسلها لها ايميل وكمان كانت في كل اسبوع تشيك على الواجب وتختار القطعة المميزة وفي النهاية كان فيه معرض لاعمال الشعبة حقت الترم بالاضافة للمشاريع..والاختبار كان حلو وسهل كانت خدادية تنفذي فيها تقنيات من اللي درستيها والغالب انها تعطيكي خيارات وانتي تنفذي منها

مادة :التطريز اليدوي والحبك " تريكو وكروشية"
النظري:اخذته مع د.اروى خميس ربي يسعدها هذه الانسانة ويوفقها انسانة راقية واعتقد ذحين مبتعثة لبريطانيا اول دكتورة اتعاملت بالايميل وحتى الواجبات اللي كانت تطلبها مننا بطريقة حلوة وغير تقليدية
العملي: مع استاذة انصاف وعفى الله عما سلف لانها نقلت مااعرف فين راحت المهم اننا اشتكيناها وغيروها.. الله يستر عليها ويوفقها
بس في بنات درسوا الترم الماضي مع أ. رؤى قاضي كانو حابين المادة مع انها كانت مادة محمولة لكنهم يقولو تعلموا غرز جديدة واشياء جديدة لما كانو معانا مادرسوها... وصراحة مااعرف عن اسلوبها وطريقة اختباراتها

تصميم نماذج وتنفيذ ملابس أطفال
النظري والعملي:انا درست المادة هذه مرتين ربي اراد في المرة الاولى انحرم بسبب غياباتي وماكانت الا لظروف كنت فيها بس الحمدلله على كل حال ..درست النظري مع د.سمية مصرية بس ماهي موجودة ذحين الله يوفقها عسل كانت..
والعملي: درسته مع أ.مها الزهراني انسانة بشوشة واخلاق وعسل بس كل البنات اللي يحبوا يسحبوا يكرهوها ولازم تتابعيها بالواجبات والمحاضرات اذا غبتي تروحي لها لان فوق اللي تستحقيه لاتحلمي تديكي حقك بالملي ومايضيع وغالب امتحاناتها العملية سهلة ويمديكي تنتهي منها خلال الوقت المسموح.

المرة الثانية درستها مع أ.عهود عجلان اعطتنا النظري والعملي وصراحة استاذة عهود من الاستاذات اللي من اول محاضرة لازم توريها باهتمامك وجديتك وتحب تتابعيها ان شاء الله لو مالقيتها في مكتبها اسئلي عنها الاستاذات وخليهم يتصلوا فيها وتجيكي دايم تقولنا كذا
وكمان شيء تسيبلك المجال انك تبدعي في العينات ماتقيدك بشيء والمشروع نفس الشيء وحتى كراسة المادة اذا تبغيها اسكتش ولالا

واقترحت علينا فكرة للجزء النظري بدال البحث انها تكون مجلة وعليها 5درجات وصراحة فكرة حلوة وجديدة واتقسمنا قروبات كانو ماسكين مواضيع المجلة وانا استلمت التنسيق والتصميم والاخراج للمجلة وكانت اول عدد يعني ذحين ان شاء الله اذا درستكم خلوني اشوف العدد الثاني منها بشكل اروع ..صراحة المادة هذه كنت مقصرة مع متابعة الاستاذة اول باول لاننا كنا مرة مضغوطين بين بحث التخرج والمانيكان ومكملات
بس عيناتي واسكتشي ومشروعي والمجلة عجبوا الاستاذة واخذت a+عندها الحمدلله ولو اخذتو عندها المادة اكيد بتوريكم المجلة المشكلة ماعندي صورة للمجلة بعد الطباعة لان اخذتها من المكتبة على طول وسلمتها


تصميم أزياء ( 1 )
النظري: مع د.نجاة باوزير شرحها تحسيه سوالف نسوان وتتفرعلك كثير واسئلتها عجيبة
العملي: مع أ. اريج عاشور اسلوبها كان مرة ينرفزني لان كل محاضرة لها كلمة ومو ايش شيء يعجبها وتتشرط ودرجات على كيفها..درسوا عندها بنات الترم اللي قبل اللي فات ويقولو ادتهم درجات عالية

تاريخ النسيج والأزياء
درستها مع دكتورة سعدية والمادة مافيها عملي
تتكلم لك المادة عن الازياء من العصور القديمة انا درستها بمسمى تاريخ منسوجات
واكثر اللي درسناه كان عن النسيج في العصور والالوان الشائعة والزخارف

تصميم وتنفيذ نماذج الملابس المنزلية


انا درست مادة شبيه لها مادة جونلات ومع أ.نجوى ابو ناصف
صراحة الاستاذة هذه تراعي في الدرجات بس مشكلتها ان المحاضرات بكيفها وحتى المتابعة ماهي شديدة لكن لو انتي شغلك تمام واختباراتك تحلي فيها ومشروعك تمام برضوا تديكي ال100 بالراحة .
فيه بنات الدفعة اللي ذحين رابع درسوها مع دكتورة ابتسام العمودي وفيه بنات كانو مطنشين لمادة ورغم كذا نجحتهم ع الـ60


صحة الفرد
المادة تتكلم على الاسعافات المنزلية والامراض والنظافة والرياضة ومن ذا الكلام
درستها مع أ.عبير عرضاوي صراحة عسل كانت وتراعي لدرجة انو الاختبار النهائي حقنا صادف يوم المطر وكثير من الاستاذات غابو وبنات شعبتي كلهم حضروا الا انا بعد ماخلص الاختبار اتصلت عليا وكلمتني متى اجي اختبر وحتى النموذج اللي حطتلو هوا قالتلي انتي وضعك مختلف عن البنات راعيتك في الاسئلة وكانت حلوة صراحة الله يسعدها وادتني 90رغم اني ماتوقعت اني اجيبها

مهارات تفكير
مادة حلوة كانت درستها مع د.ابتسام مو العمودي لا وحدة ثانية عسل عسل ربي يسعدها محاضراتها حلوة كانت تستخدم البور ومقاطع الفيديو وغير كذا كانت مقسمتنا قروبات ولنا اسماء وكل قروب له تقييم خاص وللقروبات الباقية الحق انهم يقيموا الباقي وكان في مشروع نهائي تستخدمي واحد من انواع التفكير التفكير الناقد او الابداعي
طبعا نسيت اقولك ان المادة عن انماط التفكير بس مادرسناها كلها اخذنا كم نوع بس..وماكانت المادة فيها اختبارات..

هذه مواد المستوى الثالث والرابع اللي تكلمت عنها فوقها
قوليلي ايش المواد المفتوحة للحذف والاضافة وانا اساعدك ان شاء الله
وكمان مين الاستاذات

المشاركة الأصلية كتبت بواسطة نظـــ تفائل ـــرة... +++ ياليت لوتقولولي ايش وكيف رايكم اذا ماعليكم آمر د.سعديه عمار أ.نسرين السلماني د.إبتسام العمودي معلي كترت اسألتي بس تعرفوا يعني الواحد جديد ع الكليه ومايعرف شي مشكووورين مقدماً?

شوفي دكتورة سعدية ان جيتي لتمكنها من المادة فهي انسانة ماشاء الله عليها بحر محاضراتها حلوة لكن اسئلتها صح واضحةوالغالب انها صح وخطأ واختاري وفراغات لكن ممكن تشطحلك باسئلة خونفشارية
زي مرة في مادة مفروشات جابت سؤال مقالي عن مفروشات غرفة الطفل مااتذكر صيغة السؤال بالضبط لكن كانت تبغاكي تكتبي عن كل جزئية في غرفة الطفل من الوان الحائط والمفروشات وخاماتها والوانها والاضاءة واغلبنا ماكتب زي ماتبغى
وغير كذا كانت حاطة عليه يمكن 10 درجات

درست بنات المستوى السابع مادة ملابس تقليدية صراحة شعبتها اكلو من الشغل لما قالو امين في النظري كان عندهم مشروع خياطة غير حق العملي
عشقها الاشياء التقليدية وع فكرة تراها مرجعية للقسم في التراث والملابس التقليدية حتى ملابسها كلها جلابيات ^^

أ. نسرين
درست وحدة من صحباتي تصميم ازياء
وهما كلهم كانو بنتين عندها فكانت مرة مراعية معاهم وطيبة وحتى درجاتهم كانت حلوة

د.ابتسام
من الاستاذات اللي تربطلك المنهج بالواقع حبوبة واسئلتها مرررة روعة
درستني مادة مدخل الاقتصاد المنزلي وكانت تطلب مننا واجب نحط 10 اسئلة او 5 اسئلة اذا مو غلطانة صح وخطأ واختاري وبعدين الاسئلة هذه تختار منها وتجيبها لنا في الاختبار الدوري
وكان فيه بحث تعمليله برزنتيشن وتعرضيه

ماعليكي ياعسل خذي راحتك.. انا مجربة قبلك كنت انقهر ادخل الموقع هذا القى القسم ميت ولا فيه احد اقدر اسئله :/

وان شاء الله افيدكم باللي اقدر عليه.. وموفقييين يارب