خلونا نتعاون في حل إأسئلة مسابقة أرض وطن ..جريدة عكاظ

[ستأتي أيامي]

بيشة !!
معلومة جديدة ..

أخوي رايد الطويرقي ..
هلا بك مره ثانية
ما أعرف متى ؟؟
ان شاء الله الشباب يفيدوك ..


أخوي أبو الوسيم ..
هلا بك منور الموضوع ..
الله يحفظلك الوسيم وأم الوسيم كمان هههههه

[ستأتي أيامي]

كوبون السؤال 11
والسؤال 12
ضايعين مررررره ماني لا قيتهم ..
كيف أقدر أجيبهم ؟؟

[فجـر العيد]

صباح الخير اخواني واخواتي

انا حابه اشترك معاكم في الموضوع

لاني مثلكم احل هالأسئله ..

وحابه اأكد لكم اجابة السؤال 18

وهي مدينة (( بيشــه))
لاني سألت قوقل متى تأسست مدينة بيشه وكانت إجابته :

[COLOR="Red"]وإمارة بيشة قبل أن تكون محافظة تعد أول إمارة في المنطقتين الجنوبية والغربية حيث تأسست عام 1336ه وكان الشيخ عبدالرحمن بن ثنيان هو أول أمير تولى إمارة بيشة [/COLOR

وبالتوفيق للجميع

[MQWS]

إجابة السؤال 19

أكبر واحة في المملكة ( الإحساء ) و تعتبر من أكبر واحات العالم ..

اللي مضيع أي كوبون يقدر يتصل على عكاظ و يطلب الجريدة باليوم و التاريخ
مثلن ( يوم الثلاثاء تاريخ 11 مايو ) و زي كدا .. إذا كنت مشترك ح يجيبوها لحد بيتك ^_^
و إذا ما كنت مشترك لازم تروح لأحد فروع جريدة عكاظ و تطلب منهم و تدفع ( 3 ريال ) مش ريالين ..

و بالتوفيق للجميع ..

[ENRIQUE]

إجابة السؤال 19

أكبر واحة في المملكة

( الإحساء )

ومن اكبر واحات العالم ايضا
كما قال الاخ mqws

ويسلمووو للجميع ..

وبالنسبة
للاخت اللي تبغ الكوبونات اللي فاتت
تتصل على الارقام الموجودة جنب الكوبون اللي في الجريدة
اي الاستعلامات
ويرسلوها لك لو كان عندك اشتراك وتحاسبي عليها
او تروحي نفس مقر الجريدة اللي في الرحاب وتلاقي عندهم الاف الجرايد القديمة


كل الود

[ENRIQUE]

انا عندي استفسار
واتمنى اتاكد منه بس

الكوبونات ارسلها كل واحد لوحده
والا مع بعض كلها

[MQWS]

يا حبيبي انريكي

ترسل الكوبونات كلها مع بعض .. عدد الكوبونات تكون إما ( 30 ) أو ( 31 ) على حسب الشهر الميلادي
يعني باقي ( 12 ) كوبون بالنسبة لشهر ( مايو ) و تحل الأجوبة و تعبي البيانات و ترسلها ..

و كمان مكتوب في الجريدة كيفية الإشتراك و طريقة الإرسال ..

إن شاء الله وضحت الصورة يا غالي >>> مش حسام غالي لاعب النصر ههههههههه

و بالتوفيق ..

[ابو الوسيم]

عزيزي انريكي ::
انا حكيتلك لا تقفل الظرف ولا ترسل كل ظرف على حده, اجمع كوبونات الشهر كله وارسلها مره واحده., بس شكلك ما صدقت..الحق عليا ,اصله النصيحه ابو البلاش ما حد يسمعها ... لا تنسى تسمي بسم الله وانت بتقفل الظرف اخر الشهر وتسمي لما ترميه بالصند وق, مين عارف ؟ لعل وعسى تزبط معاك........ كمان لا تنسانا بالحلاوه,مو تلهف الجائزه سكيتي ولا مين شاف ولا مين درى؟؟؟؟؟؟ تحياتي

[ابو الوسيم]

الاخت الكريمه ستاتي ايامي :اشكرك على الترحيب وجعل الله ايامك الحالية منها والاتيه ,, كلها عز وسعاده وانار لك دربك وفرج كربك وجعل الجائزة من نصيبى ونصيبك فيفتي فيفتي .اما الباقون فعليهم الانتظار للمسابقات القادمه فمعين عكاظ لا ينضب ابدا ......

[ENRIQUE]

يؤيؤيؤيؤيؤ
انا رميت كل ظرف لوحده
يعني دحين لازم اروح اشتري الاعداد الفائتة كلها

الله يخلي الجريدة جنب البيت
والا كان قلت
مافيا حيييييييييل اروووح

ههههههههههههههههههههههههه