.:: حقيــقة وواقع أم مجرد كلامـ " طبيــعة علاقات الحب - غير المتزوجين - " ::.

[Majed7]

السلامـ عليكم ورحمة الله وبركاته ..

صبـــاح الخير ^_^ .. كيفكم جميعا ؟

أدريـ إن مواضيع حب ما قبل الزواج اجتاحت هالقسم وما زالت تجتاحه لحد اللحظة ..

والمشكلة إنيـ طرحت أحد هالمواضيع وللاسف كانت بقسم الوناسة مدريـ إنها من اختصاص قسم السآحة العامة .. ولكنـ ما شاء الله أغلب الأعضاء اللي تفاعلوامع موضوعيـ من رواد القسمين :) ..


عموما الموضوع راح يكونـ بنفس القضية ولكنـ ليس بنفس المحتوى !

الكلـ يدريـ إن فيه نسبة كبيرة من الشباب والبنات داخلينـ بعلاقات حب .. سوآء كان حب بنية صافية ولا حب لعب ولا حب وناسة وسواليف و ..

وهالكلام مو إنشائيـ لأنيـ شايف وضع الشباب بالجامعه .. وعيالـ عمي الله يهديهم قالبينـ البنات سوبر ماركت كل يوم وحدة - أستغفر الله بس -

فـ طبيعي قداميـ نسب كبيرة يكلموا ( وهالنسبة يقابلها نسبة كبيرة من البنات برضوا )

وهذآ رد كانـ بموضوعي اللي قبلـ يثبت هالشيء وأتوقع ما يحتاج إثبات ..

.
..


..




بصراحة أنا كانت نظرتيـ للموضوع سطحية جدا , يعنيـ الشغلة كلها مقتصرة على مكالمات ومسن بس
.. يعني إن كثرت مررررة طلعوا يشربوا كوفي في ستار بكس ولا د.كيف ولا كوفي دآي .. وهالشيء إثباته رد سيـ وعرب موول ^_× :)


الوضع كانـ بالنسبة ليا مقزز كلـ ما أطلع مع عيال عمي أنا قلت لها كذا .. والثاني جبت لها هديه دبدوب .. والثالث وشـ رايكم بالموقف اللي صار لي معاها !!!

فـ أخذتها من قاصرها وأديتهمـ سيفون محترم .. بعد ما كنت أطلع معاهم بشكلـ يومي 5 إلى 6 ساعات وهذا أقل شيء ..

الحين لو أجمع الوقت اللي قعدت فيه معاهم بالسنتين اللي فاتت ما توصل 100 ساعه حتى ..

طبعا نفس الكلام أصحابي من الثانوي ولا بجماعه الملك سعود سابقا كلهم أخذوا نفس السيفون - الله يكرمكم - .. وصرت أعوضـ فراغ الطلعات معاهم بـ متابعه المسلسلات وشويه شويه إلى ما تأقلمت الحمد لله عالقعده بالبيت ..


عموما عشان ما أتكلم عن نفسي ..

هذيـ كانت نظرتي للوضع الحاصل في أغلب العلاقات إلى ما جيت أدرس هنا بـ جامعة الملك عبدالعزيز ..

ومن بداية السنة وأنا أسمع أشياء بصراحة ما تتصدق .. وتقريبا من جميع فئات الشباب ( موظفين بـ شهادة ثانوي - أصحاب ولد عمتي - ) ..

طلاب بالجامعه مستواهم متوسط .. وبرضوا الطلاب الدوافير - ما شاء الله - فيه لهم بزوطة غير طبيعية ..

وأنا كنت حاصر الموضوع على الفئة الفاضية واللي من جد عندها وقت فراغ فضيع ..


من الأشياء اللي سمعتها :

* إنـ فيه شخص يطلع يوميا الصيرفي - صاحبه سيكورتيـ - وكلـ يوم يدخلـ فاضيـ ويطلع ببنت معاه عالبيت !!! >> لاحظوا كيف الشغلة سهلة أستغفر الله كانه داخلـ بآر عاهرات - سامحونيـ عالمصطلح - ..


* فيه واحد صاحب ولد عمتي من أيام الثانوي - ولد عمتي طلع بريطانيا وهوا ما يبغى يكمل دراس واشتغل في سنتر بوينت - ..

ولد عمتي يحلف ليـ إن الولد مستأجر شقة فاضية وما يجيـ يوم ولا يومين إلا وهوا رايح لها مع بنت ..


أنا هنا توقعت الموضوع مقتصر على الشباب الفاضيين وما عندهم دراسة ,, ..


وطبعا مع تصفحيـ للمنتدى طلع حتى بكلية البترجي ( اللي راح تخرج لنا طلاب وطالبات طب ) الشيء هذا واصل لهم ..

* يقولكـم هناك فيه واحد يشتغلـ في حاجة عالبحر - مراقب بحرية ولا أمن الشواطئ حاجه زي كذا - إن الكباين اللي هناك يدخلوها طلاب وطالبات كلية البترجي ويقعدوا فيها بالساعات الله أعلم وش يسووا .!

* ولا ولد خالة أمي - كانـ يدرس بالجامعه وحولـ على أم القرى عند اهله - يقولـ الماك اللي عند الجامعه قسم العائلات فل بسبب طلاب وطالبات الجامعه ^_× ؟



بصراحة شيء محزن اللي يصير ..

الواحد مسكينـ مع هالكم الهائل من العلاقات كيفـ بيلقى بنت بعيده عن هالخرابيط " لأنـ حتى لو تابت البنت - وربي يقبل توبة الجميع بإذنه -لكنـ ماضيـ زي كذا أبدا غير مقبول "

وأنا كنت أقولـ لـ أمي لو تبغي تخطبين ليـ ابعديـ عن العائلة .. لكن بعد اللي سمعت عنه وشفته يخليـ الواحد يحط يده على قلبه :)


وعلى كذا أغلب المجتمع المقبل على الزواج يده تلوثت بـ هالخرابيط .. سوآء شباب أو بنات

وفي حياتهم الزوجية يبدأ كلـ طرف ويقارن الطرف الآخر بعلاقاته السابقة ويطلعونـ ألف عيب وعيب ..

آسف عالإطالة

و أترك لكم التعليق ..