لنستدرك ماابقي من الووقت........ياابطال(ب)

[فنجان قهوة]

^^ لااااه من جد انا سمعت الاحياء 3 شباتر وكمان استغربت قلت ليش مو زي الاول 4 !!
يالييت اللي عندو معلومه اكيدة يقول =(

طيب بنات كمان بسأل عن الانجليزي انا كنت ليفل 1 وطلعت ليفل 2
بسأل المباني تتغير ولا لا ؟
لاني انا استغربت كنت اول في مبنى 13 ذاك اليوم فتحت الاودس لقيت مبنى 12
كلكم زيي ولا ايش القصه ؟

[M!SS Lara]

^^^

ياحبيبتي لاتستعجلي ع رزقك ..
انا شفت تغيرت الشعب بجدولي ع الاوديس ...
قبل الدراسه بيوم او ويومين افتحي الاوديس واكيد حيكون تغير ..
تمتعو بالاجازة :)

[سأهزم المستحيل!]

أنا فتحت ويلكم بيولوجي ولقيت3شباتر فقط داخله معانا بالإختبار الثاني!!!!!!

[Mohjah.Wz*]

المشاركة الأصلية كتبت بواسطة جيزان ههههههههههههههههههههههههه تصدقي انتي جالسه تتكلمي عني انا السنه اللي فاتت شوفي اختي حبيبتي انتي والله كنت مثل حالتك ,,, اقولك حاجه تخرجت من ثالث ثانوي بنسبه ( 99.22) وفوق هذا مدرسه حكوميه اسألي عنها 90 الثانويه مدرسات انسي حاجه اسمها تأشير وحذف ,, استاذه الفيزياء كانت كل الكتاب معانا واستاذه الرياضيات قالت بعطيكم ملزمه وياليتها ماجابتها اكثر من الكتاب بكثير وكنت احب واعشق واستمتع وانا احل التفاضل والتكامل في الرياضيات لدرجه والله انو عايلتنا كلها عارفين اني انا اشطر وحده وفوق هذا اخذت في اولى وثاني وثالث ثانوي في ماده الفيزياء 100 من 100 وترشحت على مستوى جده في اختبار تحصيلي لماده الفيزياء وكانت ثانويه عامه ايامها والله والله والله اني كرفت ياقلبي كرف ماايعلم فيه الا ربي تخيلي تحصيلي + قدرات + خايفه قبول من الجامعه + اختبارات الثانويه العامه + اختبار تحصيلي تبع الفيزياء وفوق هذا كللووو والله طلعت الثانيه وتكرمت وقالوا لي عشان تصيري اعلى واعلى ترشحتي على دبي بس طبعا اهلي ماوافقوا ومااحد فاضي يروح معايا المهم كنت متحمسه كثير للجامعه واسمع واسمع انو التحضيري صعب وكرف وضغط وكتب كبيرة و و و طبعا انا استغفر الله سويت ذنب كبير كنت اجحد فضل الاستاذات عليا في الثانوي لما كنت اشوف نسبتي عاليه واقول انا اصلا شاطرة وممتازة سواء كانوا يشرحوا او ماايشرحوا ( كنت اقول انا هالدرجات اجيبها بشطارتي مو من شرح استاذاتي ) وفعلا دخلت الجامعه وطبعا اهلي وجماعتنا كلهم حاطين في بالنا تخصصي ( طب بشري ) والله والله والله اخررر كليه كانت في بالي كليه العلوم وخصوصا احياء كنت في الثانوي اقول اذا مررررة مرررة نزل مستوايا علوم طبيه المهم ياطويله العمر دخلت التحضيري وكانت لغتي للأسف جدا جدا ضعيفه او بلاحرى مااعندي لغه كنت شاطرة فيزياء ورياضيات وكييمياء وبعد احبها لاكن لغه كنت صفررررر وبدأت من خطه أ طبعا حاسب واتصال سهاله كانت حلوة بس فيزياء + رياضيات مرررة زفت وسبحان الله ربي عاقبني وبلاني بدكتورات اسوأ دكتورات في الجامعه وكنت لسا جديده مااعرف شي اسمه تحويل بين الشعب !! وسويت غلط اكبر واكبر روحت عند مدرسه خصوصيه ( المفروض انه انا امسك الكتاب وافهم نفسي بنفسي ) لانو تقريبا كل شي معاد من الثانوي بس انا شفت خصوصا كتاب الفيزكس مرررة خفت والله كنت اترجم المقدمه بعد !!! شفتي غباء اكثر من كذا !!! اصلا مااكنت اعرف ايش اذاكر وايش اخلي ماادري ايش المحذوف وايش اللي معانا وعايشه في حاله قلق مو طبيعيه وخوف صرت ابكي 24 ساعه ومن جد اشوف نفسي في نزوول مستوى مو طبيعي مشيت مع الخصوصيه اللي استفدته منها انها كانت تترجم بسسس وتنازلت عن الطب قلت خلاص علوم طبيه او تمريض وجلست اقرأ كثير عن العلوم الطبيه ومرررة عجبني جات اختبارات الدوري الاول كان اول اختبار رياضيات يوم الاحد بتاريخ 26 شهر 11 الساعه 8 الصباح ماانسى هاليوم ,, داخله الاختبار وانا مذاكرة تمااام اصلا كنت افهم البنات + المنهج تافه ومعاد من الثانوي اشوف الاختبار وجلست على المساله الاولى تقريبيا ثلث ساعه يعني 20 دقيقه شوي اسمع المراقبه قالت خلاص ساعه ونسحب الاوراق منكم ,,, انا وقتها لحقت على نفسي اشياء حليتها واشياء ماحليتها واخذت 19 من 30 واحمد ربي كثييييير على هالدرجه لانو فعلا اعلى بنت كانت 24 من 30 وكل الدفعه درجاتهم زفت واخر الترم 50 في الميه رسوب والباقي نجاح ع الحافه طلعت انا منها ب 62 من 100 وخسف معدلي ابو الخسف وفعلا كرهت هالماده من اعماااااااااااااق قلبي ( مع انها كانت احلى ماده عندي ) ويوم الثلاثاء كان اختبار الفيزكس وكان الاختبار مرررررة سهل وحلو وكل البنات ماشاءالله فل مارك وانا اخذت 21 من 30 مرررة انقهرت وتحطمت وقلت خلاص بحول مسار اداري وادخل حتى لو تاريخ وجغرافيا عاادي خلاص ماهمني اهم شي اخرج من هذ الهم والغم لاني كنت احس حاجه كابته على قلبي حتى ماعاد اقدر اسولف واضحك خلاص ( السنه التحضيريه عكرت مزاجي ) بس اهلي جبروني اكمل مسار علمي وقالوا لي شوفي معدل الترم الاول واذا ماعجبك خلاص حولي اداري وكملت الترم الاول واخذت في كل المواد درجات حلوة ولاكن رياضيات 62 ومن جد خسف بمعدلي واخذت موزون في السبعينات يعني تقدير جيد طبعا هالموزون يدخلني حاسب او ادارة واقتصاد ( يعني انسى حاجه اسمها تخصصات صحيه ) قولت في نفسي خلاص حاسب حلو او ادراة حلو كمان ,,,,وراح اكمل دخلت خطه ب اللي اسمع عنها صعبه واخت في الاحصاء والاحياء a والكيمياء +b والله معدلي 4.56 مرررة ارتفع معدلي ,,,, ودخلنا على الرغبات نص الترم الثاني واستخرت بين حاسب او ادارة ارتحت اكثر للحاسب حطيته اول رغبه والرغبه 4 كانت كليه العلوم مررره ماتوقعت اني ادخل علوم وجاء يوم 28 شهر 8 الساعه 3 الظهر طلعت التخصصات طبعا نزل علوم مررررررررررة انقهرت وقلت خلاص سحب وراح اعيد التحضيري من اول مع دفعه 12 بس مافي امكانيه لازم احسب ملفي من قبل 3 شهور ,,, وكملت علوم ودخلت احياء وفتح تخصص جديد هندسه وراثيه ومرررة مطلوب خصوصا في الطب الجنائي والمستشفيات والحين والله ياحبيبتي من جد عرفت حاجه مهمه ( عسى ان تكرهوا شيئا وهوا خير لكم ) هاللحظه والله احمد ربي كثييييييييير اني ماانقبلت حاسب لاني حبيت التخصص من قلبي ولاافكر بالتحويل ابدا من هالكليه ( واذا بحول بعد سنه علوم طبيه ) لاكن احول بعد ترم حاسب او اداره مستحييييل لاني اكتشفت نفسي انا مااحب اتعامل مع اجهزه وبرمجه ,, وانا ماافكرت بميولي وابداعي وين راح يكون الخلاصه ( خلاص ربي اختار لك تحضيري علمي خلاص كملي شدي حيلك ) واي احد فيكم من خطه ب او خطه أ للفيزياء وحاب اني اساعده في طريقه مذاكرة او اي شي انا تحت امركم سوري على الاطاله

اشكرك ع كلامك الرائع مرره عجبني :)

والله انا حلمي ادخل علوم تطبيقيه ومو في راسي شي غيرو يارب ادخله :(

بس بعد ماشوفت درجة الاحصاء اتحطممممممممممت مررره متاكده اني حاله :( قولت كيف المواد التانيه احياء وكيمياء
وقولت خلاص اول مانرجع بعد الاجازه بحول اداري وريح راسي << حلمي انكسر:(

وياريت احد يعطيني حلول او يفيدني باي حاجه ...للدوري التاني؟ :(

وبس هادي مشكلتي .(.يارب وفقنا وححق احلامنا يارب وعوضنا في الدوري التاني ) آميين

[ANOOO$_ZR1]

احسني تعبت وانا اقرا الردود والكلام هههههههههههههههههه
الله يعيننا ويعينكم
مجرد نصيحة
ترا الهم والغم والتضجر وكلام الكتب والى الامام ولا للمستحيل وسوف ننتصر وانظر الى الجانب المضيئ واعطني شمعه لكي لا العن الظلام والاشياء هاذي كلهااااا , ترا في نظري مهي نافعتكم , فياليت تضحكو وتنبسطو والدنيا حلوة بس وترا الاهتمام الزايد عن الحد ترا يجيب ورا دايم .
واذا انتو تبكون على غايب ما حضر وعلى شي ما يبان ذحين
انا راحت مني سنتين ومني ندمان عليها
والطب اللي انتو تتكلمون عنه وشاغلكم جاني قبولي فيه بدون تعب ولا تخطيط ولا هم ومن حسن حظي رفضته
وطلعت مع اختي تكمل دراستها وهي دكتوره بالمناسبه .
وجيتكم اسحب رجولي حتى الجامعه داخلها سهالات الحمدالله واختبرت السنه اللي فاتت قدرات وتحصيلي ودخلت وذحين شوفوني معاكم << يا حظكم فيني بس
المهم يعني نصيحتي والله العظيم انا كنت انسان اشوف كل شي صعب واقدر واعشق الكلام اللي زي هيا بنا نطلب العلا والجانب المليئ من الكوب
بس شفت انو ما جابني الا ورا
وحطيت شي في بالي انو ما راح اموت لو ما دخلت اللي ابغاه وما راح اموت لو ما حليت تمام في اختبار
وانو سعادتي هاذي ملكي انا فما راح اسمح لتخصص او درجة او اختبار تسلبني اياها .
والدراسة صارت بالنسبة ليا طلب علم من غير ما افكر بدرجه ولا تخصص ولا شي
كل ما في بالي انا جالس اتعلم
ممكن تستفيدون شي من تجربتي ك مناضل :) وترا ما كان عندي لا كأس ولا شمعه بس كنت العن الظلام ;d
وسلامتكم

[Astronomer1]

المشاركة الأصلية كتبت بواسطة m!ss lara أهلا حبوبه .. اظن انتي الي ساعدتيني بالمهارات الاتصال يالله حأرجع لك الدين الحين هههه امزح ... بالنسبة للفيزياء والماث ، فأنا عن نفسي بأيام الاسبوع بأذاكر الي اخذناهم مع الاستاذة من الي بتشرحه يعني بإختصار .. وبالويك أند .. أمسك الي اخذته خلال الاسبوع وادرسه بتعمق واحل اسأله الشابتر حق الماث بث .. بس الفيزياء ما اعرف ريحة الكتاب ولا احل اسألة الكتاب .. الماث انا ادرسه من السعدي ، ده الرجال الي الله يوفقه ، اسلوبه + شرحه + خطه كله رهيب وانصحك فيه .. بس الفيزياء درستها من زويل وناويه امسك اشرف بركات كمان .. وكمان قبل الاختبارات اعمل جدول وأرجع ادرسهم بتركيز ... وليلة الاختبار طبعا امسكهم تاني وبفصفصه مع حل 4 او 3 نماذج لأختبارات سابقة .. والحمدلله راضية عن درجاتي بس أطمع للمزيد ..

تسلمين ياحلوة والله يوفقنا جميعا

[Astronomer1]

المشاركة الأصلية كتبت بواسطة anooo$_zr1 والدراسة صارت بالنسبة ليا طلب علم من غير ما افكر بدرجه ولا تخصص ولا شي كل ما في بالي انا جالس اتعلم ممكن تستفيدون شي من تجربتي ك مناضل :) وترا ما كان عندي لا كأس ولا شمعه بس كنت العن الظلام ;d وسلامتكم

انا اتفق معاك انه طلب العلم مو تجميع درجات لكن هذي السنة هي اللي تحدد مستقبلك صح حط في بالك انه انا اطلب العلم وكمان اجمع درجات عشان ادخل القسم اللي ابغاه

وانا كمان عن نفسي انا هذا الكلام مانفعني بس زاد حماسي بوقت معين هههه وراح
بس اكيد يحمس ناس ثانين ويستمروا ..

وانا هدفي من دراستي رضاء الله لانه طلب العلم يزيدنا خشية لله وتعمق في الايمان

[ساااااارونه]

بالنسبه للبايولوجي :
حتى انا فتحت موقع الاحياء لقيت 3 بس مو 3 تشبترز
New_Bioenergetics <<< فيه تشبتر 5,6,7
Nutrition<<< فيه تشبتر 21,32
The diversity of Lif<<< تشبتر 16
واللهـ اعلــم
وأنا ارسلت لأستازتي ولسى ماردت ..
وبالنسبه للمبـــــاني:
حتى انا رحت ليفل 2 وكنت بمبنى 13 صرت 5 كويس مارموني بـ12

[no0ore]

الله يسعـــدكم ويوفقققكم يارب
قد اييش ارتحتتت من كلامكم والله عسسل عالقللب
قد اييش اعطيتووني طااقققة وهم كبببير انزااح من قلبي
قد اييش اشكررركم وربي يسعدددكم
وشكراً جزيلاً اختتي جيزان
كلامك بلسسسسم وعسل عالقلب
ربي يسعدك ويحقق مناكِ يارب

[علي,ع]

الله يوفقكم وتروا كل شي مكتوب ولا تستعجلون على ارزاقكم وخليكم زيي رايق ع الاخر واقول ماياخذ رزقي غيري :) فانتوا بدل التعب والهم اللي تنشروه بين الطلبه هدوا الوضع take it easy and dont worry
Tell me what you are going to tell me
Then tell me
Then tell me what you have told me

استمتعوا بالاجازهـ ايها القلقون ..!