باركولي بشروني بالقبول من جامعة الملك عبدالعزيز

[RedRooose]

Sun light
شفاي كيف المبنى مميز ... له ثلاث أسماء مين كده ...

[طموووحه]

المشاركة الأصلية كتبت بواسطة كيميائية أهلاً حبيبتي طموحة تفضلي الوصف والله يوفق و ييسر أمر الجميع عزيزتي وأنتي متجهه غرب والجامعة سوف تكون على يمينك ،عندك بوابتين جنوبية للجامعة الأولى منها هي رئيسية تعديها وادخلي من البوابة الجنوبية التي تليها للجامعة إذا دخلتي منها ستجدين على يمينك البوابة الغربية للطالبات لا يوجد سواها ، ادخلي منها ثم عند أول دخولك ساحة الجامعة بعد تجاوز الأمن ، ستجدين على يمينك مبنى الدبلوم التربوي ويفتح مدخله شرق ومكتوب عليه بجانب باب مدخله مبنى الخنساء ورقمه 42 ، المهم المبنى مكون من 3 طوابق أرضي ، أول ، ثاني ، والقسم التربوي في الطابق الأخير " الثاني " ، إذا ما فهمتي مكان المبنى اسألي مسؤلات الأمن راح يفيدونك إن شاء الله ....وبالتوفيق .

ربي يسعد قلبك ويوفقك بحياتك يارب
وان شاءالله اشوفك على خير يوم الاربعاء
انا كمان توجيه وارشاد

واختي المستكشفه ربي يوفقك وتكوني من المقبولات بالدنيا والاخره يارب والجميع هنا يااااااااااااااااااارب


طيب يابنات الحين تتوقعوا كيف راح تكون المقابله اللي عندها خبره او خبر تفيدنا مشكوره ربي يسعدها

[دفق العطاء]

المشاركة الأصلية كتبت بواسطة sun light دحين مبنى الخنساء هو نفسه مبنى الدبلوم وهو نفسه مبنى 42 له ثلاث اسامي يعني ؟

نعم حبيبتي على قولك له 3 أسامي ماشاء الله


بالتوفيق ،،

[sun light]

ايوه شايفه ريد روس هههههههههههههههههه
بالنسبه للمقابله الشخصيه وحسب خبرتي لمدة 4 سنوات كنت لمن اعمل مقابله شخصيه للطالبات فيه اشياء مره مهمه لازم نراعي توافرها في الطالبه
مثلاً :
تكون سليمه ذهنيا وعقليا وجسديا
لغتها الانجليزيه تكون جيده
واشياء كثيره
بس كنت اول سؤال اساله كلميني عن نفسك ؟
عشان اشوف كيف اسلوبها وثقتها من نفسها
وبعدين اسالها لو مثلاً كانت منقطعه فتره عن الدراسه وحبت تكمل دراستها دحين اسالها عن فتره انقطاعها ايش سببها وايش عملت في هذي الفتره ؟
وسؤال جدا مهم ليش اخترتي هذا التخصص ؟
واسئله عن المعلومات العامه ؟ كمثال من اول مؤذن في الاسلام << ماراح انسى الطالبه الي قالت لي بن باز
واسئله تقيس ذكاء الطالبه ؟ مثلا كيلو حديد وكيلو خشب من اثقل ؟
واسئله تتعلق بمدى مواكبة الطالبه للتطورات والاخبار المحليه والعالميه حتى نقيس مدى اطلاع الطالبه
وبعض الاسئله باللغه الانجليزيه عشان نشوف مستواها في القراءه والمحادثه لان الدراسه عندنا باللغه الانجليزيه
وان شاء الله نكمل بكره بقية الكلام

[RedRooose]

sun light
مكن سؤال ؟؟
على ما افتكر انك مرة قلتي انك مديرة مدرسة .. صح ؟؟
طيب انتوا بتجروا مقابلة لمين .. وليش ؟؟؟
معليش لقافة ...

[فله]

الحمد لله أنا أنقبلت ماجستير توجية وإرشاد
يابنات إنتو كمان مثلي ماجستير توجية وإرشاد . يعني موعد المقابلة متى بالضبط هل الأربعاء هذا نهاية هذا الإسبوع المصادف 10/6/143
أو في أي يوم المقابلة بالضبط
الرجاء الرد ضروري

[sun light]

لاياقلبي مو لقافه من حقك تسالي
انا مديره معهد مو مديرة مدرسه يعني نقبل الخريجات الحاصلات على الثانويه العامه
ونجري المقابله للطالبات المستجدات لانه عدد المتقدمات اوقات يكون كثير فنختار الافضل عشان كذا نجري مقابلات شخصيه
والافضل اقصد بها نسبة التخرج ورغبة الطالبه في مواصله تعليمها خبراتها لغتها واشياء كثيره

[فله]

يأخت سن رايت .. إنتي أنقبلتي ماجستير توجية وإرشاد مثلي . إذا كان الجواب نعم . متى موعد المقابلة الشخصية وفي أي يوم بالضبط وكم يصادف بالتاريخ الهجري
أرجو الرد للضرورة مشكووووووره

[عاااطف]

مبروك للجميع وموفقين يارب (( التوجيه والارشاد )) خاصة

[المستكشفة]

الله يوفق الجميع وشكرا للجميع اللي افتكروني بالدعاء الله يسمع منكم ويحقق جميع امنياتكم للهم امين