تجمع للمتقدمات على وظيفة معيدة برابغ مين اتصلوا عليها

[snowystorm]

المشاركة الأصلية كتبت بواسطة مس أسيتون إن شاء الله اكلم اخوي اليوم يسجل بس الباقيين كيف......

زميلتي زوجها عندهم الآن ومعصّب يقولها أنهم يقولون العدد عندنا ستة لكن فعلياً ما شفنا غير اثنين يبغوا يسووا العقد ويدلونا ع البيت ..ترا المفروض شغلهم هم انهم يبلغوا الباقين أنه العدد أكتمل كذا قلة حياء كأنه الواحد شغال عندهم والله حرقوا لنا أعصابنا ..انا خلاص شافوا أخوي وشافوا زوج زميلتي بس مو راضين يجوا يشوفوا البيوت !!!..لو أخوكي راح وزوج العتيبية راح كذا يتفضل معيدة إن شاء الله والسادسة اللي أحنا مانعرفها يسير هم يوصلوا لها والمفروض مايعلقونا فيها!!..حبيبتي تقدري توصلي لمعيدة إن شاء الله الآن وتبلغيها

[العتيبيه]

انا سجلت عندهم المغرب

[snowystorm]

رضيوا يشوفوا موقع بيتك؟؟

[مس أسيتون]

كلمه اخويه وحيسجل بكرة ان شاء الله عشان بداوم الاثنين انتو مداومين الاثنين

[snowystorm]

المشاركة الأصلية كتبت بواسطة مس أسيتون كلمه اخويه وحيسجل بكرة ان شاء الله عشان بداوم الاثنين انتو مداومين الاثنين

هلا حبيبتي خلاص بكرة حيمر عليا أنا وزميلتي لأنه عندنا إجتماع ..والله ما أدري بالنسبة للأثنين لأنه عندي شغل بعبدالعزيز جدة فحأشوف أنسق معاهم الجدول ..لاتقلقين أكيد في أحد طالع الأثنين

[قلب شجاع]

المشاركة الأصلية كتبت بواسطة رقة الورد الله يسهلكم يااابنات أنا من أول متابعة موضوعكم ...وشايفتكم مررره حايسين في المواصلات....بس الحمد لله توصلتوا لحل مع النواف أنا من رأي أنه مبدئيا تمشوا مع النواف رغم أنه أسعارة غالية إلى أن يزيد عدد الأستاذات الي طالعين من جدة مثلا وصلو 15 ساعتها كل مجموعة أستاذات في أحياء قريبة من بعض مثلا 5 أستاذات في شرق جدة يروحوا في شركة مع بعض و5 أستاذات مثلا ساكنين جنوب جدة يروحوا في شركة لوحدهم مع بعض وهكذا... بحيث أنه تكون بيوتهم قريبة من بعض فيرتاحوا من حكاية اللفلفة ..ويرتاحوا من السعر العالي ليه ؟؟؟ لأنه في شركات كثير غير درب النواف الآن ماتودي لكن مستعدة تودي لو وصل العدد ل5 مثلا ...وفي نفس الوقت ماتقولوا أستاذات تقولوا طالبات عشان يخفضوا السعر.....وبكذا خف عليكم السعر وخفت عليكم اللفلفة ....

انتي رقة ايش صار عليك باشرتي ولا كيف؟

[قلب شجاع]

بنات الله يسعدكم عطوني موقع شؤون الموظفين اللي استكملتوا عندهم الاجراءات بالضبط
لأني ان شاء الله واصلة بكرة جدة وراح استكمل اجراءات التعيين فياليت توصفوا لي الموقع؟

[snowystorm]

المشاركة الأصلية كتبت بواسطة قلب شجاع بنات الله يسعدكم عطوني موقع شؤون الموظفين اللي استكملتوا عندهم الاجراءات بالضبط لأني ان شاء الله واصلة بكرة جدة وراح استكمل اجراءات التعيين فياليت توصفوا لي الموقع؟

لاتشيلي هم بالمرة ولي أمرك أو احد من اهلك هو اللي حيستكمل إجراءاتك حيروح لقسم البنين وخليه يسأل أمن البوابة عن شؤون الموظفين وراح يدلوه ..الأفضل تكوني معاه عشان لما يستلم الورق يسير تروحي انتي وهوه على الإدراة الطبية اللي بقسم البنين تدخلوا على الدكتور الهندي اللي عيادته ع اليمين زي ماقلت لك أول ويخلص لك أوراقك وبعد كذا يأخذ ورقة التبليغ ويطلع فيها للأحوال ويدخل بها ع الرجال ويلّح عليهم يخلصوها له اليوم وانه فاتك موعد المباشرة وراح يعملوها له ولو رفضوا حتضطري تروحي لقسم النساء وحيطفشوكي وإحتمال يقولوا لك موعدك بعد اسبوع ويمكن بعد شهر فخليه يخلصها من عند الرجال ..خذي معاكي وحده صورة شمسية+صورتين للوثيقة+صورتين لكشف درجاتك+صورتين لبطاقة الأحوال أو كرت العائلة ..وخلصي أمورك بكرة ويارب ما أكون نسيت شئ

[رقة الورد]

المشاركة الأصلية كتبت بواسطة قلب شجاع انتي رقة ايش صار عليك باشرتي ولا كيف؟

لا لسى....الله يكتبلي الي فيه الخير

[برونزااج]

مافي أحد لغة عربية أتصلوا عليه