تجمّع طآلبآت وطلآب إدآرة الأعمال دفعة 2010 حيآكم ..

[gold king]

شكلو ما عندهم اعتماد ولا راح يجيبوه
بس الله يعين نتخرج وعلى البعثة ان شاء الله

[Mno 3sal]

دحين من جد لازم نتصرف انا كلمت دكتور محمد نصيف بس هوا مالو شغل في فتح المواد

هادذا فساد اداري ومن جد يبغو الاعتماد الاكاديمي وعلى ايه !!

الاسبوع الجاي حنتكروتت ولا احد حيكون فاضي لينا وحيكون اسبوع حذف واضافه الاسبوع هذا لازم نراجع رئيسة القسم وانتو من قسم الاولاد لرئيس القسم وادا مانفع عميد الكليه

والله عيب من حق الطالبه والطالب اللي ماشيين عالخطه انو تنفتح مواد الترم التاسع

رئيسة القسم عندنا غير متعاونه جدا وقالتها بالحرف الواحد ضيفو بحوث تسويق وادارة اداء حنحاول نفتحلكم ماده ثالثه
يعني هيا من اول ماهي ناويه تفتح الا ماده ومعتمده على اقسام المواد التانيه

جمعنا اسماء الطالبات وارقامهم الجامعيه وكتبنا خطاب ورسلتاه لها انو ضروري والانسب والانجح لنا انو تنفتح المواد الاختياريه من قسمنا وانو بنات كنسلو التدريب بسبب المواد متأملين فيها الفايده ولاحياة لمن تنادي


الحل !!!!!!

حسبي الله على كل موظف حكومي فاسد
حسبي الله على كل موظف حكومي فاسد
حسبي الله على كل موظف حكومي فاسد

[adnans]

أذا عمل أحدكم عملا فليتقنه .. قالها الرسول صلى الله عليه وسلم

أنا من ناحيتي متعشم فادارة المشاريع وتارك التدريب لخاطرها السبت الجاي راح أروح للمسؤولين فالكليه وكل أبوهم مو متعاونين قسم بالله رحت أراجع أنا وواحد من خوياني ولما عرفنا الراجل قال للسكرتير صرفهم يحسب محنا سامعين دخلناله بالعبط وأنجزنا شغلتنا وأتوكلنا .. الأوقات زفت عالآخر مافي الا 3 مواد ومنزلين فالخطه 5 مواد أستهبال هو حتى جامعة مقديشو ما تسويها أنا لو أعطوهم أعتماد بعد ذا كله راح أفتحلي جامعه فالحاره وأخذ أعتماد أقوى من ذا

باذن الله تنحل الأمور وينزلوا مواد ويشوفولنا حل المشكله العيتاني منكرف فألف ماده وبرضه العمري وكمان نصيف والسواه سواة رب العاااالمين

[girl.k.s.a]

اووووهوووووو دامهم مكروفين شكلو حيتسحححححححب علينا بقوة :(
الله يستر
وحسبي الله ونعم الوكيل

اقولك عدنان لو فتحت جامعة في حارتكم خليني ادرّس معاكم هههههههههههههه

[adnans]

للأسف ما عندنا قسم طالبات لأننا ندرس فبرحة الحاره وموادنا بسيطه كالتالي:

فرفيره 3 ساعات
بلياردو 3 ساعات
ضومنه 3 ساعات
كوره 3 ساعات
فصفص ومحشات 3 ساعات
تدريب تعاوني ( بلوت ) 9 ساعات

ويتخرج الشاب فاهم وعالم والحمدلله

[gold king]

عدنان جامعتك اصرف من هدي سجلنا فيها

[adnans]

تم يالذيب أنت رئيس قسم البيلياردو هههههه ...

معليش جميعا لو في أحد عنده خبر على مادة ادارة المشاريع أو سأل عنها الجامعه وأفادوه بشي جديد يعلمنا مع جزيل الشكر والامتنان لشخصه الكريم

[battota]

ياريت احنا يدرسنا د.هاني قيادة ..

حتدرسنا لو اخدتها أ.نايله اكرم احد درس عندها؟؟؟

واحد يعرف شي عن د.محمد يمين

[gold king]

الدكتور محمد يمين كويس يعطي درجات اختباراتو ماكانت صعبه

[battota]

والله محتاره ....القياده سهله قالوا بس أ.نايله شديده بالتاخير و الاسئله صعبه حقتها ....

ود.محمد يمين مبين كويس بس الماده اخاف صعبه عليا عشان انا موارد مع انو اسمها نظم معلومات للموارد ...بس ما احب النظم :(