تجمع للمتقدمين على ماجستير حاسب 1431

[sarah]

اتصلت اليوم على نيوهورايزن ردت عليا وحده قالتلى ان عندهم دورة شبكات اسمها n+ سعرها 2500 سؤالى للاخ ماجستير2009 اذا عنده علم بهذه الدورة ايش فايدتها مقارنه بدورة الشبكات اللى قلتلنا عليها؟؟

[ماجستير2009]

المشاركة الأصلية كتبت بواسطة sarah اتصلت اليوم على نيوهورايزن ردت عليا وحده قالتلى ان عندهم دورة شبكات اسمها n+ سعرها 2500 سؤالى للاخ ماجستير2009 اذا عنده علم بهذه الدورة ايش فايدتها مقارنه بدورة الشبكات اللى قلتلنا عليها؟؟

تفجأت من اسم الدورة أنا إللي اعرفه إنها Network+
وراجعت موقع examcollection ما لقيت دورة بهذا الاسم

علي العموم هيا في الغالب بتكون
عن أساسيات الشبكات تعطى لمن هم ليسو متخصصين في الكومبيوتر

وتقدر تدرسيها لحالك لو أردتي بس أعتقد إنك ما راح تحتاجينها
وأنا ما أخذتها اصلا

وعلي فكرة أهم المواضيع فيها راح يعاد في كورسات CCNA و MCSE

وأجدد نسخة للدورة هذه في عام 2009

لو حبيتي حمليها من الرابط التالي
http://www.filemirrors.info/

أكتبي في مكان البحث
Testout Network 2009.part0

وراح تطلع لك الروابط وهيا مرفوع علي موقع Hotfile وأعتقد إنها 9 أجزاء
---------------
وشوفي هذا المخزن الرائع للدورات
http://www.4shared.com/dir/10208880/...b/sharing.html

-------------
بس نصيحة أخويه إذا كانت لغتك الإنجليزية جيد خذي كورسات الفيديو التعليمية لاي دورة
من إصدار إحدى الشركتين يا CBT أو TESTOUT فقط
لان اسلوبهم رائع في تقديم المعلومة وكاملة بعكس الشروحات العربية

ولا تلجاي إلي الشرح العربي إلا في الضرورة

وبالتوفيق

[the_dreams26]

حبايبي عندي سؤال ضرورررري
وهو كم مادة في الماجستير ؟ هل هي 12 أو 11 مادة من غير الرسالة
وهل ممكن أخلصها في سنة و نص؟؟؟؟
أرجووووووووووووووووووووووو الرد

[leenah2010]

ما شــــاء الله تبـــــــــارك الله،،
أخوي ماجستير2009 الله يزيدك من فضله،،،
الصراحة حسيت إني من تخصص ثاني وأنا أقرأ كلامــك
فاتحة عيوني ومتنحة عالآخر <<ما عندها خلفية أبـــدا
لكن تصدق
كلامك أعطاني انطباع إن الدورات هذي المفروض ما تتفوت!
وبما أنك أخذت دورات وتخرجت من الماجستير، فأيهم فادك وطورك أكثر بصراحة؟ (مع اعتبار المدة للاثنين)

[leenah2010]

هذي هي المشكلة، يا خوفي تتكرر المعاناة وأدرس الماجستير بالاسم مثل ما درست البكالوريوس،
سنين العمر تضيع ببلاش..

الصراحة أنا ناقمة على قسم اسمه "علوم الحاسب"، يجيك المصري ويقعد يبربر فوق راسك
وبالأخير ما تطلع منه إلا بحبتين وبالقوة..
والتطبيق العملي فينه؟ <<نايـــــم في العسل

أنا ما دخلت حاسب إلا لأنه قسم متميز، قسم تطوير وإبداع ما له حدود، مو عشان أعرف
أجيال الحاسب واستخدامات الحاسب ولغة التجميع..... والكلام اللي ما يودي ولا يجيب..
كنت أسمع في الثنوي حاسب وأتخيل نفسي ماسكة الكمبيوتر، ولمن درست أول سنة انصدمت
مافي معامل ولا شي!!! المعمل ما دخلته إلا في ثالث سنة
هل معقولة بالله أدرس شبكات وأنجح فيها وأنا ما أعرف أسوي شبكة؟
أدرس نظم خبرة وأنا حتى ما شفت مثال لنظام خبير أو تعاملت معاه؟
أدرس هندسة برمجيات وأطلع منها بزيرو؟
<<للأسف هذا اللي حصل
بعض الأساتذة تجلس تدعي له إلى يومك لأنه يدرسك بأمانة وتطلع منه بفايدة،
والبعض الله يسامحنا وياهم مكانهم غلط من جد..

من وجهة نظري، مادة الحاسب اللي تدرس بشكل نظري بحت مادة فااااااااشلة وأستاذها أفشل!
لو ما في عملي أقلها اعرضوا لنا عروض، فيديو، اتعبوا شوي مو بس تعرضوا لنا الكتاب على
البروجكتر وأصابعكم الموقرة تؤشر على السطور <<ويا ليته كتاب ملون
من جد يكفي قعدة على الكرسي ولطش من الكتب..

الوالد الله يخليه عارف إنه بنته علوم حاسب، ولمن يجي يسألها عن فيروس بجهازه
أو مشكلة في الاتصال أو كيف يعدل صورة....... الخ، يلقى جوابها:......
بعدها التعليق المعتاد: "هذا وانت حاسب؟"
أخخخخخخخخ أكثر ما يكسفني لمن يسألني عن مواصفات كمبيوتر يبغى يشتريه،
وبالأخير يطلع هو أفهم مني في المواصفات

مدري هل أنا فاهمة التخصص غلط؟ علوم الحاسب لازم تكون نظرية وهندسة الحاسب هي العملية؟
ولا الخلل فعلا في طريقة التعليم؟ <<فهّموها

أخ يا ربي أحس إنه طاقتي وقدراتي تموت موت بطيء، من جد لازم ألحق على نفسي..
أنا متفائلة جدا بقبولي في الماجستير، بس ما أبغاه يكون حكي وبس.. أبغى أطلع بفايدة من جد!
معذرة طولت عليكم <<خلصت من الفضفضة

ماجستير2009، أشكرك على ردودك الوافية..
وسؤال: معدلك من 4 ولا من 5؟

[ماجستير2009]

المشاركة الأصلية كتبت بواسطة leenah2010 ماجستير2009، أشكرك على ردودك الوافية.. وسؤال: معدلك من 4 ولا من 5؟

العفو علي إيه

وبالنسبة للمعدل 3.99 من 5 طبعا زي أي طالب حبوب في جامعة الملك عبدالعزيز

وعلي فكرة لقيت رابط جميل يمكن يحمسكي أكثر وفي معلومات وافية عن شهادات سيسكو القوية

هنا

دعوة في ظهر الغيب تكفيني

[الدرروالحور]

سلام ياجماعة
كيفكم
بالمختصر المفيد
من شهر محرم وإحنا نبغى ناخذ دورة سيسكو
لكن اللي في عفت فاتتنا
المهم مبدئيا فيه ‏
كورس ‏
نبغى ‏
نفتحه ‏
على ‏
بداية لسنة الدراسية ‏
إلى الآن عددنا ‏‏ فقط و
فيه وحدة لها رغبة تشاركنا
مبدئيا أتفقنا على السيسكو إلين نشوف العدد
الموضوع جاد أرجو الرد

[سنة أولى]

المشاركة الأصلية كتبت بواسطة الدرروالحور سلام ياجماعة كيفكم بالمختصر المفيد من شهر محرم وإحنا نبغى ناخذ دورة سيسكو لكن اللي في عفت فاتتنا المهم مبدئيا فيه ‏ كورس ‏ نبغى ‏ نفتحه ‏ على ‏ بداية لسنة الدراسية ‏ إلى الآن عددنا ‏‏ فقط و فيه وحدة لها رغبة تشاركنا مبدئيا أتفقنا على السيسكو إلين نشوف العدد الموضوع جاد أرجو الرد

الكورس في عفت؟ كم المدة واوقات الدوام؟ والتكلفة؟

[leenah2010]

كيفكم جمـــــيعا؟
أبشركـــــــــــم تم قبــــــــولي ولله الحمد..
اللهم لك الحمد كما ينبغي لجلال وجهك وعظيم سلطانك..
باقي لي أختبر كفايات في شهر 8..
دعواتكم إن الله ييسر أموري ويعينني..

[سنة أولى]

المشاركة الأصلية كتبت بواسطة leenah2010 كيفكم جمـــــيعا؟ أبشركـــــــــــم تم قبــــــــولي ولله الحمد.. اللهم لك الحمد كما ينبغي لجلال وجهك وعظيم سلطانك.. باقي لي أختبر كفايات في شهر 8.. دعواتكم إن الله ييسر أموري ويعينني..

مبرررررررررررررررررررررررررررررررررررررررررررررروك وعقبال ماتبشرينا بالنجاح بامتياز يارب
وعقبال البقية بشرونا