برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[amnah baksh]

المشاركة الأصلية كتبت بواسطة عآكس قآنونه السلام عليكم .." بالنسبه للإنتظار تواصلت مع قسم الموارد البشريه[التدريب] .. على الرقم 038748000 وافادني عن بأن سيتم الرد بالقبول او الرفض: من تاريخ 6/2 إلى 6/6 ميلادي .. يعني يالاسبوع الجاي ..."والله يكتب اللي فيـه خيـر ,, والله يوفقنا وياكم .."

الله يبشركـ بالجنه
طمنتني
كنت قلقانه ,, ليش اتأخر الرد عليا !
ربي يقدر اللي فيه خير

المشاركة الأصلية كتبت بواسطة ~ جـنـان ~ قبل ساعة صحبتي كلمت ا علي الغامدي مسؤول مكتب توظيف ينبع قالها سبب عدم توفر السكن ,, ان كان في مجموعة بنات المفروض تسيب السكن عشان طالعين بعثة لكن تأخرت ترتيبات بعثتهم فلسة جالسين ,, عشان كذا صدر قرار انو البنات مالهم سكن يعني مو عشان مشاكل ولا اي سبب ثاني ,, وقالها احنا بنحاول قد ما نقدر الان ندورلكم حل لكن ما نوعدكم بشي ابدا يعني الي حتوافق ع التدريب توافق بدون شرط السكن والمواصلات

ياربي يحصلولنا السكن دا علّ قلبي

[Reem.m]

أنا من الشرقيه وجاني اليوم موعد التصوير بكون في 12 جون

بس انا بكون مسافره وقتها !!

كلمت التوظيف اليوم عطوني رقم واحد اتصل عليه بس مارد وقالو لي ادا مارد مالي الا اني اروح لهم السبت واقول لهم بالوضع اذا في امكانيه يقدم الموعد


ربي يسهلها

أحد عنده فكره مين يقدر يفيدني بعملية تأجيل الموعد ؟ او في رقم غير اتصل عليه لأن الاستاذ خالد مو موجود

[mr_harthi]

السلام عليكم
انا سجلت في المنتدى بسبب هذا الموضوع
بجد هذا المنتدى الوحيد اللي ناقش برنامج التدريب لكل تفاصيله
فشكرا لكم
انا ادرس في الشرقية
وامس جاتني رسالة على الجوال والايميل بموعد استخراج البطاقة
المستغرب منه ان الموعد هو 19 يونيو والبرنامج يبدا 16
ارسلت لهم رسالة على الايميل ما احد رد ... لي اكثر من اسبوع
حتى اليوم اليوم ارسلت لاستاذ خالد نفس الشي لا جواب
المشكلة اني اجي يوم 16 ولا استنى لما اسوي البطاقة؟
وعندي استفسار ثاني هل في احد طلبوا منه مطابقة الشهادات؟ او هل سيطلبون؟

dear alharthi saad<(>,<)> the following service request was approved and scheduled for appointment. Appointment details: Id office : Dh1 appointment date : 19june2012 appointment time : 12:31:00 please visit the id office with the following documents: Employment approval government id family booklet (only for female) service request details : Name : Alharthi saad request number : Applicant number : Government id no : Request type : N submitted by : Enizitf submitted on : 20120529 thank you. Industrial security operation alharthi saad, ‫عزيزي مقدم الطلب‬ ‫لقد تم تحديد موعد لك لإصدار البطاقة شخصية‬ ‫تقاصيل الموعد‬ dh1 ‫اسم مكتب اصدار البطاقات‬ 19june2012 : ‫تاريخ الموعد‬ 12:31:00 : ‫الساعة‬ ‫نرجو منك الحضور شخصيا الى مكتب اصدار‬ ‫البطاقات الموضح اعلاه وإحضار مايثبت‬ ‫بالموافقة على اصدار البطاقة من مكتب‬ التوظيف مع بطاقة الاحوال المدنية ‫او دفتر العائلة(للنساء فقط)‬ ‫تفاصيل طلب اصدار البطاقة‬: Alharthi saad : ‫الاسم‬ : ‫رقم طلب اصدار البطاقة‬ : ‫رقم طلب التوظيف‬ : ‫رقم السجل المدني‬ n : ‫نوع الطلب‬ enizitf : ‫اسم مرسل الطلب‬ 20120529 : ‫تاريخ ارسال الطلب‬

[هي!!]

المشاركة الأصلية كتبت بواسطة أبـو فـيـصـل هههههههههههههه تقهرني البنت اللي تقول انه المجتمع ذكوري وانه كل شيء لنا هالحوسه غير الشهاده غير الراتب غير المهر غير السكن ومصاريف الزواج اللي لاتقل عن ميه وعشرين الف مو عشان طال عمره ابوك يوافق اني اخطبك وانتي اقصى تعب ممكن تتعبيه صلاة استخاره توافقين علي ولا على واحد انكرف اكثر مني وحيدفع اكثر

مع نفسك هذا مو موضوع حوارنا ولا كنت عرفت أرد عليك ولاعاد تشطح واجد طيييب ياشاطر!!

هذا أولاً

ثانياً شوف التعليم وحقوقنا فيه وشوف الأولاد وحقوقهم فيه وتعرف الفرق !
شوف الوظايف كيف للبنات وكيف للأولاد الولد لو بالثانوي غصبا بيحصل وظيفه ولو عسكريه وراتب لايقل عن 4 الآف

وشف البنت تدرس جامعه خمس سنوات في أفضل تخصص وتطلع بمرتبة الشرف وتجلس تتسول الوظيفه تسول ! ويمكن ماتحصلها !! لا تقول انتوا ماتحتاجونها لان فيه من يصرف عليكم
هذا الزمان أنتهى وزي ما الرجال له حق يشتغل ويعتمد على نفسه أنا بعد لي الحق أني أشتغل وأنجح وأذوق ثمرة تعبي مو معقول أبقى عمري كله متطفله على شخص ومعتمده عليه في كل مصاريفي !

وأقرب مثال يثبت كلامي هذي بنت أعرفها مثل ما أعرف نفسي تخرجت بإمتياز من مرحلة الماجستير تخصص رياضيات وجلست تتسول ذا الوظيفه حتى قبلوها جامعه خاصه براتب خمسه إلى 6 الآف يتغير بتغير الساعات يعني يضيع عمري في سفر ودراسه 30 سنه وفي النهايه 5000!!

ولو كان ولد رفعوه فوق السحاب !!

شف العراقيل اللي في أي معامله للبنت ! شف الحقوق اللي لأي بنت تطلع عينها وتطيح في الأرض ولا قد طلعلها الحق بس لأنها بنت ولو معها ألف حق !!




------


خلنا من كل الكلام اللي فوق وشف مثال مبسط الحين في أرقى شركه في الشرق الأوسط معقده الموضوع ومصلحه من سكن البنات مشكله وكأنه بيكون لهم قاصمة الظهر برغم ان هالبنات بيكونون مطالبين بنفس مهامكم يالأولاد وأعمالكم
ومع ذلك شف كيف العدل و المساواه اللي حاصله ماشاء الله !!

هذا وهي التوب وما خفي فيما أصغر منها من الشركات والمؤسسات كان أعظم

ما أقول إلا الله يكتب لي هجره من ذا البلد عشان أعيش بقية عمري في مكان أشعر فيه أني إنسان قبل كل شي وبدون تحيزات أو عنصريه لا لجنس ولا لغيره
في مكان تكون فيه المقاييس الاساسيه اللي يتحاسب عليها الشخص هي عمله وإنجازه قبل أي شي ثاني !!

[control91]

المشاركة الأصلية كتبت بواسطة eva160 بنات الشرقيه الحمدلله وضعهم أوكي عندهم سكن ومواصلات، ليه يحتاجوا سكن ومواصلات

طيب اذا كانو مو من الخبر ولا الدمام يمشون مشوار ساعتين يوميا !!!!! ضاع يومهم كله في دوام ومشوار ،،،

[ALEMBRA6OR]

المشاركة الأصلية كتبت بواسطة أبـو فـيـصـل تدريب ارامكو بينبع مافيه سكن بس لو فيه سكن انصحك ماتفوت هالفرصه ينبع مدينه راقيه ونظيفه وهاديه وفيها ملاعب وصالات رياضيه وحتضيع وقتك بشيء حلو وانا من سكانها

والنعم والله وسبعة أنعام أخوي أبو فيصل وانشهد .

ينبع معروفة ما نسمع عنها الا كل الخير مافيها مشاكل وتعرفت على كم واحد منها والنعم فيهم .

هو قالي خذ وقتك وفكر لين الاسبوع الجاي وعطني خبر ونسيت اسأله عن السكن .

مشكور يبو فيصل ولاهنت يابعدي والله يوفقك .

[عآكس قآنونه]

المشاركة الأصلية كتبت بواسطة mr_harthi السلام عليكم انا سجلت في المنتدى بسبب هذا الموضوع بجد هذا المنتدى الوحيد اللي ناقش برنامج التدريب لكل تفاصيله فشكرا لكم انا ادرس في الشرقية وامس جاتني رسالة على الجوال والايميل بموعد استخراج البطاقة المستغرب منه ان الموعد هو 19 يونيو والبرنامج يبدا 16 ارسلت لهم رسالة على الايميل ما احد رد ... لي اكثر من اسبوع حتى اليوم اليوم ارسلت لاستاذ خالد نفس الشي لا جواب المشكلة اني اجي يوم 16 ولا استنى لما اسوي البطاقة؟ وعندي استفسار ثاني هل في احد طلبوا منه مطابقة الشهادات؟ او هل سيطلبون؟

وعليـكم السلام .."
ماعليك من التاريخ ولو هم بيهتمون بالتاريخ كان مارسلوا لطلاب هالأسبوع بموعد استخراج بطاقه , ولمن كلموا مكتب الرياض وخالد السويد يقولون لطلاب لاتجو إلا الاسبوع الجاي..
معناته مجرد توصل لك رساله بموعد استخراج بطاقه لاتفكر بالتاريخ وإنما طر لأقرب مكتب واستخرج البطاقه .. وفقط اخذ معك الهوية الأصليه ورقم الطلب اللي برساله ..

الله يوفقك ..~

[Fiery Phoenix]

حتى أنا موعدي في 19 يونيو، غريب! يعني أروح لهم أي وقت الاسبوع الجاي ما في مشكلة؟

[Eva160]

المشاركة الأصلية كتبت بواسطة control91 طيب اذا كانو مو من الخبر ولا الدمام يمشون مشوار ساعتين يوميا !!!!! ضاع يومهم كله في دوام ومشوار ،،،

إحنا الى الان مانعرف السكن فين وكم مده المواصلات بين السكن والمقر التدريب هل هوا ساعه ولا ساعتين، والله ازا انا من البنات الشرقيه عايدي اضرب مشوار ساعه ولا ساعتين للتدريب او الوظيفه لانو والله احس حرام اعمل زحمه في السكن للبنات اللي هما جايين من مسافه بعيده وغريبين مايعرفوا حاجه عن الشرقيه ومسكينه البنت حابه تتدرب يجو يقولوا خلاص اكتفى السكن وترفض التدريب على اخر لحظه.

اتزكر المعاناه لما انقبلت في الجامعه وطلبت سكن في الجامعه قالوا لي معليه اكتفى. اضطربت ادور شقه وقعدت تقريبا يومين احاول ادور لي شقه فاضيه وقعدت تقريبا اسبوع في الفندق عشان الشقه تتجهز وتكون تمام، تخيلي المعاناه اللي إحنا ممكن راح نمر فيها نستأجر غرفه في الفندق عشان ندور سكن طيب.

ماشاء الله كثره الموظفين اللي يضربوا مشوار ساعه ولا ساعتين من بيتهم لمكان عملهم، وكمانه اعرف طلاب وطالبات يضربوا مشوار ساعه من بيتهم للجامعه عشان يدوا سكن للطلاب والطالبات اللي جايين خارج من امريكا.

ان شاء الله ربنا كاتب لنا الخير

[عآكس قآنونه]

المشاركة الأصلية كتبت بواسطة fiery phoenix حتى أنا موعدي في 16 يونيو، غريب! يعني أروح لهم أي وقت الاسبوع الجاي ما في مشكلة؟

انا متأكد ان الوضع كذا .. اي يوم بعد وصول رسالة الإصدار خلاص تروح لهم .."
الواحد يفهمها .. ومعنى وصول رسالة الإصدار يعني طلبك عن مكتب التوظيف وتبقى عليك استخراج البطاقه عكس اللي باقي ماوصل لهم رسالة اصدار بطاقه .."
على اني للحين مازلت انتظار حسيت اني جربت التدريب :)
<<<يفهم بهالامور
الله يوفقكم .."