تجمع للمتقدمين على ماجستير حاسب 1431

[ماجستير2009]

المشاركة الأصلية كتبت بواسطة leenah2010 ما شــــاء الله تبـــــــــارك الله،، أخوي ماجستير2009 الله يزيدك من فضله،،، الصراحة حسيت إني من تخصص ثاني وأنا أقرأ كلامــك فاتحة عيوني ومتنحة عالآخر <<ما عندها خلفية أبـــدا لكن تصدق كلامك أعطاني انطباع إن الدورات هذي المفروض ما تتفوت! وبما أنك أخذت دورات وتخرجت من الماجستير، فأيهم فادك وطورك أكثر بصراحة؟ (مع اعتبار المدة للاثنين)

شاكر لك أختي الكريم دعواتك الطيبة
أولا للتوضيح أنا تركت الماجستير بسبب هذه الدورات
وهذا المعرف قديم وبالصدفة دخلت علي المنتدى ولقيت كلام الأخت حلم و طموح
وما قدرت أقفل الصفحة إلا ارد علي كلامها من باب التخفيف
واخبرها إنها حتي لو ما انقبلت في الماجستير
وبحكم إننا تخصصنا علوم حاسبات في مجال آخر ورائع ويعادل الماجستير في سوق العمل
وكمان في الراتب (واو أكيد رواتب مهندسين الشبكات فوق 11000 ريال علي حسب الخبرة)

-----------------------

وبصراحة من وجهة نظري
أنا عانيت بعد البكالرويوس بالنسبة للتوظيف مع إن معدلي كان 3.99 وكله بسبب إني لا أملك
دورات

الدورات المتقدمة مفيدة في الوظائف الخاصة
والدرجة الجامعة مفيدة في الوظائف الحكومية

وإن جمعت بين الاثنين خير وبركة

وبالنسبة للمقارنة ما بين الماجستير و الدورات (والله ما أدري إيش أقول ولكن)

الدورات (مكلفة نوعا ما - مدتها قليلة - مركز في شغلة معينة - إنتاج أكيد )
الماجستير (مجاني - مدته طويلة - ليس مركز في شغلة معينة -احتمالية الإنتاج ضئيلة )

في النهاية بعد حساب السلبيات و الإيجابيات
الدورات تتفوق علي الماجستير

وأكبر دليل كلامك : فاتحة عيوني ومتنحة عالآخر <<ما عندها خلفية أبـــدا

-----------------------

إنت فكري بها منطقيا وأنت ربة عمل أكيد تبغي شخص فاهم أيش هيا الشبكات فاهم كيف يسوي
إعدادات السويتش فاهم كيف يربط فرعين مع بعض (ccna)
فاهم كيف يسوي صيانة للأجهزة (a+)
فاهم يكيف يعمل إعدادات السيرفر (mcse)
فاهم كيف يسوي صفحة ويب مرتبطة بقواعد البيانات (php & asp)
.
.
.
.
الخ

هل في البكالرويوس يعطونا شي زي كذا أو في الماجستير ؟
وحتي لو أعطونا إياها فقط مجرد اساسيات

أجيبها لك من طريق ثاني أسألي نفسك
أنت متخرجة معاكي بكالرويوس علوم حاسبات أو ماجستير

لو سألوكي في مقابلة شخصية أيش تقدري تقدمي لنا كاصحاب شركة أو جهة تعليمية ؟؟
(بوووووووووووووووووووووم قنبلة كبيرة صح ) (للأسف ولا شيء )

-----------------------

وبصراحة الدورات فادتني بشكل كبير الله العالم فيه والحمد لله

راجعي المشاركة رقم 905# صفحة 91
للتفصيل في المدة والأسعار

وما أدري يمكن أكون علي خطأ

فالله يكتب إللي فيه الخير

وأتمنى إني أفدتك ولو بالشي القليل
وبالتوفيق للجميع

[leenah2010]

هذي هي المشكلة، يا خوفي تتكرر المعاناة وأدرس الماجستير بالاسم مثل ما درست البكالوريوس،
سنين العمر تضيع ببلاش..

الصراحة أنا ناقمة على قسم اسمه "علوم الحاسب"، يجيك المصري ويقعد يبربر فوق راسك
وبالأخير ما تطلع منه إلا بحبتين وبالقوة..
والتطبيق العملي فينه؟ <<نايـــــم في العسل

أنا ما دخلت حاسب إلا لأنه قسم متميز، قسم تطوير وإبداع ما له حدود، مو عشان أعرف
أجيال الحاسب واستخدامات الحاسب ولغة التجميع..... والكلام اللي ما يودي ولا يجيب..
كنت أسمع في الثنوي حاسب وأتخيل نفسي ماسكة الكمبيوتر، ولمن درست أول سنة انصدمت
مافي معامل ولا شي!!! المعمل ما دخلته إلا في ثالث سنة
هل معقولة بالله أدرس شبكات وأنجح فيها وأنا ما أعرف أسوي شبكة؟
أدرس نظم خبرة وأنا حتى ما شفت مثال لنظام خبير أو تعاملت معاه؟
أدرس هندسة برمجيات وأطلع منها بزيرو؟
<<للأسف هذا اللي حصل
بعض الأساتذة تجلس تدعي له إلى يومك لأنه يدرسك بأمانة وتطلع منه بفايدة،
والبعض الله يسامحنا وياهم مكانهم غلط من جد..

من وجهة نظري، مادة الحاسب اللي تدرس بشكل نظري بحت مادة فااااااااشلة وأستاذها أفشل!
لو ما في عملي أقلها اعرضوا لنا عروض، فيديو، اتعبوا شوي مو بس تعرضوا لنا الكتاب على
البروجكتر وأصابعكم الموقرة تؤشر على السطور <<ويا ليته كتاب ملون
من جد يكفي قعدة على الكرسي ولطش من الكتب..

الوالد الله يخليه عارف إنه بنته علوم حاسب، ولمن يجي يسألها عن فيروس بجهازه
أو مشكلة في الاتصال أو كيف يعدل صورة....... الخ، يلقى جوابها:......
بعدها التعليق المعتاد: "هذا وانت حاسب؟"
أخخخخخخخخ أكثر ما يكسفني لمن يسألني عن مواصفات كمبيوتر يبغى يشتريه،
وبالأخير يطلع هو أفهم مني في المواصفات

مدري هل أنا فاهمة التخصص غلط؟ علوم الحاسب لازم تكون نظرية وهندسة الحاسب هي العملية؟
ولا الخلل فعلا في طريقة التعليم؟ <<فهّموها

أخ يا ربي أحس إنه طاقتي وقدراتي تموت موت بطيء، من جد لازم ألحق على نفسي..
أنا متفائلة جدا بقبولي في الماجستير، بس ما أبغاه يكون حكي وبس.. أبغى أطلع بفايدة من جد!
معذرة طولت عليكم <<خلصت من الفضفضة

ماجستير2009، أشكرك على ردودك الوافية..
وسؤال: معدلك من 4 ولا من 5؟

[ماجستير2009]

المشاركة الأصلية كتبت بواسطة leenah2010 ماجستير2009، أشكرك على ردودك الوافية.. وسؤال: معدلك من 4 ولا من 5؟

العفو علي إيه

وبالنسبة للمعدل 3.99 من 5 طبعا زي أي طالب حبوب في جامعة الملك عبدالعزيز

وعلي فكرة لقيت رابط جميل يمكن يحمسكي أكثر وفي معلومات وافية عن شهادات سيسكو القوية

هنا

دعوة في ظهر الغيب تكفيني

[سنة أولى]

المشاركة الأصلية كتبت بواسطة ماجستير2009 بالعكس أنا أنصحكي تأخذي mcse بعدين تسوي الاب قريد لـ mcitp وبخصوص دورة mcse واسترتيجيات المذاكرة .. أنا ما راح أعلق بس أبغاكي تكتشفي هذا بنفسك دورة ccna ممكن تأخذيها في شهر هيا و a+ وبرضو ما راح تكوني متمكن فيها إلا بنسبة 50% أو اقل بحسب اجتهادك وأنا وأنتي في المنتدى هنا بعد ما راح تأخذي الدورة .. عشان أثبت لك أن الموضوع أعمق واكبر مما تتصوري كنت أجلس أطبق علي السيرفر في دورة mcse لين ما تطلع عيوني من 8 إلي 12 ساعة يوميا حتي لدرجة كنت أحلم إني اسوي الإعدادات امشي وافكر كيف أحل مشكلة في السيرفر .... الخ علي العموم بالتوفيق إن شاء الله وأنا ما أقول هذا الكلام عشان أهبط من معنويات بس عشان تعرفي الشيء إللي أنت مقدمه عليه وركز لي علي الفهم ثم الفهم وعلي فكرة كم سعر الدورة اللي بتأخذيها في نيوهورايزين وأيش هيا ؟؟

كلامك خلاني اعيد النظر لاني اخذت دورات خرائط ذهنية والقراءة السريعه تحسسك ان كتب 1000 صفحة تخلصها بيوم وبكفاءة عاليه انا جربتها بمواد ومشيت معايا
مشكور على النصحية وبالنسبة لنيوهرايزن انا اقصد الاختبار لازم اكلمهم قبل اسبوعين والاسعار ماسألت عنها لان همي الاختبار لكن قبل كذا سألت عن a+ وقالوا الاختبار 1800
جزاك الله خيييييييييييييييييييييييييييييييييييييييييييييير على المعلومات بجد استفدت كثير منها

[الدرروالحور]

سلام ياجماعة
كيفكم
بالمختصر المفيد
من شهر محرم وإحنا نبغى ناخذ دورة سيسكو
لكن اللي في عفت فاتتنا
المهم مبدئيا فيه ‏
كورس ‏
نبغى ‏
نفتحه ‏
على ‏
بداية لسنة الدراسية ‏
إلى الآن عددنا ‏‏ فقط و
فيه وحدة لها رغبة تشاركنا
مبدئيا أتفقنا على السيسكو إلين نشوف العدد
الموضوع جاد أرجو الرد

[سنة أولى]

المشاركة الأصلية كتبت بواسطة الدرروالحور سلام ياجماعة كيفكم بالمختصر المفيد من شهر محرم وإحنا نبغى ناخذ دورة سيسكو لكن اللي في عفت فاتتنا المهم مبدئيا فيه ‏ كورس ‏ نبغى ‏ نفتحه ‏ على ‏ بداية لسنة الدراسية ‏ إلى الآن عددنا ‏‏ فقط و فيه وحدة لها رغبة تشاركنا مبدئيا أتفقنا على السيسكو إلين نشوف العدد الموضوع جاد أرجو الرد

الكورس في عفت؟ كم المدة واوقات الدوام؟ والتكلفة؟

[leenah2010]

كيفكم جمـــــيعا؟
أبشركـــــــــــم تم قبــــــــولي ولله الحمد..
اللهم لك الحمد كما ينبغي لجلال وجهك وعظيم سلطانك..
باقي لي أختبر كفايات في شهر 8..
دعواتكم إن الله ييسر أموري ويعينني..

[orcida]

ماشاء الله لاقوة الا بالله
الف مبروك لينا
الله ييسر لك الاختبار ولا تشيلي همه
والله انه اسهل من اختبار الانجليزي ايام الثانوية العامة :)

[سنة أولى]

المشاركة الأصلية كتبت بواسطة leenah2010 كيفكم جمـــــيعا؟ أبشركـــــــــــم تم قبــــــــولي ولله الحمد.. اللهم لك الحمد كما ينبغي لجلال وجهك وعظيم سلطانك.. باقي لي أختبر كفايات في شهر 8.. دعواتكم إن الله ييسر أموري ويعينني..

مبرررررررررررررررررررررررررررررررررررررررررررررروك وعقبال ماتبشرينا بالنجاح بامتياز يارب
وعقبال البقية بشرونا

[leenah2010]

المشاركة الأصلية كتبت بواسطة orcida ماشاء الله لاقوة الا بالله الف مبروك لينا الله ييسر لك الاختبار ولا تشيلي همه والله انه اسهل من اختبار الانجليزي ايام الثانوية العامة :)

الله يبارك فيك ويطمن قلبك
أجل ما راح أشيل همه
مشكورة يا الغلا على دعوتك الطيبة ولك أمثالها في ظهر الغيب