][ تجمـع طـآلبـآت الإنتســآب :: مـــوآد - جـــدآول - استفسـآرات :: هُنـــآ ][

[SARO0O]

المشاركة الأصلية كتبت بواسطة جيكوب السلام عليكم كيفكم صبايا.. بكتب لكم المواد واستاذاتها واذا كان فيه اسم استاذه تجيب أسئلة صعبة أو ماتراعي وضعنا كمنتسبات قولولي لآني راح احذ المادة تبعها واريح راسي ,, والله يابنات وياناس ويا أمة محمد ما أتحمل درجات تنقص أبغى المعدل يكون في ارتفاع تحرير كتابي = عزة م رشاد سرج ثقافة اسلامية = لمياء م صدقة باحيدرة استماع وتحدث = ريم أ سائحي قراءة =شادن ع يوسف الخزيم الكتابة = حنان م جبر مصطفى سمعت كلام ما يطمن عن شادن .. وقبل كل شي إحذروا من الغيبة فقط توضيح عن الانسانة .. والله يسعدهم كلهم ويسعدنا وشكرا ..

مسااء الورد ياحلوة
التحرير والثقافه سيبيك منهم موحده الاسئلة مس ريم رائعه رائعه رائعه والرايتنق ناسيه مع مين اخذته بس كمان يمدحوها اما مس شادن والله ماجربتها بس اسمع البنات مايمدحوها
انتي بالاول والاخير استخيري وبتلاقي نفسك ارتحتي وتعدل جدولك

فالك التوفيق ان شاء الله


سرو ...

[لصممتي حكممه]

المشاركة الأصلية كتبت بواسطة i still feel ya مسائك مطر :) لااا النص ما بينحفض.. بس تحفظي تحليل النص من كلو.. وكمان اهم شي اسم القصيده / الشاعر / الزمن..اما فكتورين او غيرو... قد جالنا اكملي .. سطر من لقصيده و تطلب ال 3 الاشياء اللي قلتلك.. كمانا جاتلنا افتكر 3 او 4 قصائد تحليل كامل.... ترا مرا ممتع وما تحتاجي تحفضي كلو من فهمك... فالك +a

شكـــــــــــــــرآ من آعمآق قلبــــــــــــــــــــــــــي

[جيكوب]

المشاركة الأصلية كتبت بواسطة saro0o مسااء الورد ياحلوة التحرير والثقافه سيبيك منهم موحده الاسئلة مس ريم رائعه رائعه رائعه والرايتنق ناسيه مع مين اخذته بس كمان يمدحوها اما مس شادن والله ماجربتها بس اسمع البنات مايمدحوها انتي بالاول والاخير استخيري وبتلاقي نفسك ارتحتي وتعدل جدولك فالك التوفيق ان شاء الله سرو ...

ايش رايك ما اخذها مادة شادن وبلاشي من التعب النفسي ..
وقبل كل شي مشكورة والله يجزاك خير ما تعرفي قد ايش اجابتك مريحة الله يرزقك الراحة في الدنيا والاخرة.

[امسية]

المشاركة الأصلية كتبت بواسطة امسية جزاكم الله خير ع افادتي انا نزل لي بالجدول المواد التالية: تحدث واستماع ريدنق رايتنق لغة عربية 2 ثقافة 2 مقدمة علوم طبيعية انا ابغى احذف مادتين اش تنصحوني احذف

ارجو افادتي جزاكم الله كل خير

[Mero ab]

المشاركة الأصلية كتبت بواسطة امسية ارجو افادتي جزاكم الله كل خير

مقدمه علوم طبيعيه و لغه عربيهـ

العربي سهل بس انو راح يلخبطك ما راح تركزي تمام في البيسكس
و الرايتنق و الريدنق و الاستماع ركزي فيها تمام لانو يلخبططط

[Mero ab]

المشاركة الأصلية كتبت بواسطة queen angel بعد ماتضيفيها تضغطي تنفيذ ؟؟

اييووا اليوم فتحت نزلت المادهـ يلي اخترتها و باقي وحده تانيهـ

عندي منهج البحث اروح الاضافه يجيني None
و مافي خيارات مافي في الجدول المادهـ ما تجي .....

اييييش اسوووي ؟؟

[white rose]

المشاركة الأصلية كتبت بواسطة Mero ab اييووا اليوم فتحت نزلت المادهـ يلي اخترتها و باقي وحده تانيهـ عندي منهج البحث اروح الاضافه يجيني None و مافي خيارات مافي في الجدول المادهـ ما تجي ..... اييييش اسوووي ؟؟

حياك عزيزتي

واذا تقدري تروحي للجامعة تضيفيها من مكتب الانتساب مرة طيب واذا ما تقدري حاولي تتواصلي مع ادراة الانتساب عن طريق الاتصال افضل :

026952000
تحويلة : 65264
artg.es@kau.edu.sa

وحاولي هالاسبوع تنزليها لانو اخر اسبوع للاضافة وراح تنقفل الاضافة للدورات التاهيلية فيه وقد قفلوها عن الادارة و الاقتصاد من الاسبوع الماضي يصير احرصي تنزليها هالاسبوع ضروري

موفقة :-)

[اشراقة مستقبل لامع.!*]

المشاركة الأصلية كتبت بواسطة امسية جزاكم الله خير ع افادتي انا نزل لي بالجدول المواد التالية: تحدث واستماع ريدنق رايتنق لغة عربية 2 ثقافة 2 مقدمة علوم طبيعية انا ابغى احذف مادتين اش تنصحوني احذف

حعطيكي اقتراحات واهم شي انتي خذي الي يناسب وقتك واستيعابك

الثقافة والعربي انصحك تضيفيهم بلا شك لانها مواد سهلة واسئلتها موحدة وتساعدك برفع معدلك وانتي بالمستويات الأولى

مقدمة العلوم أشوف تأجيلها أفضل.. لو بتضيفيها لازم تاخذيها على محمل الجد وتركزي في مذاكرتها جداا

لكن أقترح تضيفي بدالها مادة الشباب والمواطنة, أو الفكر الفلسفي عن طريق مس جميلة فهما أسهل ومتطلبات بالخطة

أما مواد التخصص لا تضيفي الثلاثة مع بعض الا لو كان مستوى لغتك ممتاز جداا

أسهل وأخف وحده منهم "الاستماع"

"الرايتنق" لو بس عرفتي الجرامر وذاكرتي الهانداوت تمااام وادربتي على كتابة مقالات كثير بتسهل

"الريدينق" هيا الي أشوفها دسمة فيها فوكابلري كثير جدا وتحتاج يكون عندك مخزون كلمات جيد
...

انتي شوفي الي يناسبك وانتبهي انو باقي تقريبا بس ثلاث ايام وينتهي الحذف والاضافة

الله يوفقك يارب
ودعواتك

[دافوره هانم]

بناااات كيف الاستماع مع ايمان بوترعه
محد مدحلي ياها الين دحين ومره خايفه
مافي غير شعبه وحده لسننق 2 كان نفسي مع ريم سايحي
وكيف البرزنتيشن حيكون ؟ نتكلم عن شي معين ولا مفتوح زي الاول؟

[دافوره هانم]

الكتب زي ماهيا صح ؟؟
من فين اشتري ؟ نسيت المكتبه اللي اخدت منها
كان المس قالت عليها تبيع كوبي بس نضيف مرره مني مفتكرتها