ياخطة أ ممكن ؟

[Fullah]

السلام عليكم
ممكن اعرف اسماء كتب الخطه أ
ومين اللي درسوكم وكيف اسلوبهم ؟
عشان الاستعداد للانتقال للخطه أ ان شاء الله

[ابوسعودالزبني]

وعليكم السلام
مواد خطة (أ)
الثقافه الاسلامية--- الدكتور محمد حلواني
مهارات لغويه---- الاستاذ عبد الكريم الحازمي
انجليزي---- الاستاذ سلطان داوود-- الاستاذ محمد شاه
مهارات حاسب---- الاستاذ محمود شهاب الدين
مبادئ الرياضيات---- الاستاذ عبدالله الدلبحي
هذه المواد المطلوبه للخطه (أ) مع ملاحظه ان الاستاذه ممكن يختلفوا حسب الشعب الدراسيه

[amoudia]

الثقافة الإسلامية استاذة مي المدهون لازم تشاركي في المنتديات وكل اسبوع اختبارين وواجب لازم له بحث في الانترنت
الرياضيات استاذة فريدة مصلي كل اسبوع او اسبوعين اختبار سهل خمسة اسئلة وواجب كل اسبوعين مررره سهل
المهارات اللغوية استاذ عبدالله السلمي اهم شي لازم تحضري المحاضرة الحضور والمشاركة عليها درجات
مهارات الحاسب الآلي استاذة لمياء فتوح كل اسبوع واجب واختبار سهل والمشاركة في المنتدى مهمة عليها درجات
انجليزي استاذة رباب فاروق او ريم الحفناوي الحضور مهم عشان تفهمي ولازم المشاركه في المنتدى وفيه اختبارات وواجبات سهله
طيب كيف خطة ب موادها سهله او لا وكيف الاساتذة وطريقتهم

[M!Ss.Dudi]

مسحت ردي كان نفس رد amoudia :)

الله يوفقنا جميعاً

بس بليز ايش اسم كتاب الانجليزي (خطة ب) وموجود في الخوارزم ولا لا؟

[فاقدة أبوها]

كتاب الانجليزي على مااعتقد اسمه
interaction access
بس انا مااشتريته لأن الأستاذة قالت ذاكروا من الإيميس

وموادنا كالتالي :

مهارات اتصال درسناها مع د.خديجة خوجة اختبار كل أربعاء وواجبات بالهبل من عروض ورسائل وتقارير وسيرة ذاتية والمنتديات لازم خمس مشاركات بكل منتدى وطلباتها مرة كثيرة بس هي طيوبة مرة .

مهارات التفكير مع الدكتورة نجاح سلامة المادة دسمة لكن د.نجاح سهلتها لنا الله يسعدها واختباراتها تحطهم كلهم مرة واحدة يعني تختبري 7اختبارات مع بعض والواجبات خفيفة وقليلة والأستاذة جداً متعاونة الله ييسر دربها وين ماتروح .

الانجليزي مع استاذة سهيلة حلو وشرحها واضح واختباراتها حلوة تقريبا كل اسبوع اختبار وواجباتها سهلة مرة

وأخيراً الإحصاااااااء وماأدراك مالإحصاء فيلم الرعب الذي تابعناه طوال ترم كامل بس لاتخافوا هو سهل إلى حد ما لكن الأستاذة سناء الله يهديها مصعبة المادة ماتشرحها شرح عدل واللي تسأل تهزأها وتعصب عليها وبصراحة أخلاقها مررررة صعبة الله يعين اللي بتكون معاها ....

وهذي هي موادنا والله يوفقنا واياكم

[المتميزة 2009]

أختى فلة الله يسعدك اذا عندك ملخصات لمواد خطة ب الله يسعدك لا تبخلين علينا فيها
مرررررررررررة خايفه من المواد هذي

[M!Ss.Dudi]

كتاب الانجليزي على مااعتقد اسمه interaction access بس انا مااشتريته لأن الأستاذة قالت ذاكروا من الإيميس وموادنا كالتالي : مهارات اتصال درسناها مع د.خديجة خوجة اختبار كل أربعاء وواجبات بالهبل من عروض ورسائل وتقارير وسيرة ذاتية والمنتديات لازم خمس مشاركات بكل منتدى وطلباتها مرة كثيرة بس هي طيوبة مرة . مهارات التفكير مع الدكتورة نجاح سلامة المادة دسمة لكن د.نجاح سهلتها لنا الله يسعدها واختباراتها تحطهم كلهم مرة واحدة يعني تختبري 7اختبارات مع بعض والواجبات خفيفة وقليلة والأستاذة جداً متعاونة الله ييسر دربها وين ماتروح . الانجليزي مع استاذة سهيلة حلو وشرحها واضح واختباراتها حلوة تقريبا كل اسبوع اختبار وواجباتها سهلة مرة وأخيراً الإحصاااااااء وماأدراك مالإحصاء فيلم الرعب الذي تابعناه طوال ترم كامل بس لاتخافوا هو سهل إلى حد ما لكن الأستاذة سناء الله يهديها مصعبة المادة ماتشرحها شرح عدل واللي تسأل تهزأها وتعصب عليها وبصراحة أخلاقها مررررة صعبة الله يعين اللي بتكون معاها .... وهذي هي موادنا والله يوفقنا واياكم

مشكوره حبيبتي ع الافادة

مررررره خفت من الاحصاء .. قد انا اصلا مبحبوش ولا بواطنوش بعيشت الله

الــــــــــــــــلـــــــــــــــــه يستر

[الحالمه بمستقبل جميل]

خطه ب مرررره سهله بس تبغى استاذه كويسه هي الي تححبكم فيها مادة التفكير نصيحه لو درستكم الدكتوره سوسن الضليمي فهي سعدكم انسانه بمعنى الكلمه وشرح وتقدير وتعامل رائع
الانجليزي خطه أ وب نفس الانجليزي ونفس الاختبار النهائي
الاتصال ماده حلوه مره وممتعه واجبات الاستاذه سهله وفيها البور بوينت والسيره الذاتيه واختبارها سهل صح ما تحدد من فين الاختبار كل مره من اول الكتاب لاخره بس الماده حلوه
الاحصاء مادة الاحصاء نفسها حلوه بس الي يحليها استاذتها طبعا استاذه امال انسانه رائعه في الشرح تحبي الماده منها اما سناء بلمختصر تجلطك مره وحده ما ني لقيه حاجه طيبه فيها اقولها الله المستعان
وبث هذا الي عندي

[فاقدة أبوها]

المشاركة الأصلية كتبت بواسطة m!ss.dudi مشكوره حبيبتي ع الافادة مررررره خفت من الاحصاء .. قد انا اصلا مبحبوش ولا بواطنوش بعيشت الله الــــــــــــــــلـــــــــــــــــه يستر

العفو ياقلبي
لاتخافي هو مو صعب بس ادعي انو تدرسكم آمال الكل يمدحها ويبعد عنكم شر سناء وأمثالها والله ييسر لكم الخير يارب...

[Fullah]

شكرا على ردودكم اخواتي واخواني
معليش اتأخرت عليكم في الرد , بس شايفه الاخوات في الخطه ب ماقصروا الله يسعدهم
مواد الخطة ب هي مهارات اتصال والتفكير ومادة الاحصاء والانجليزي
بالنسبة لمهارات الاتصال درستنا الدكتورة عزيزة لنجاوي
اسلوبها حلو والمادة اصلا خفيفة وراح تنبسطوا منها كثير ولكن الدكتورة تكثر من المونتديات , امكن بسبب انو درجات اعمال السنه من 60 والاختبار النهائي من 40
اما مادة التفكير بالفعل اذا درستكم الدكتورة سوسن ضليمي فانتوا محظوظات ...استاذه قمة في الاخلاق والتعاون مع الطالبات وتحسوها تبغاكم تنجحوا , يعني ولو بالغصب هههههه
مادة الانجليزي استاذه اريج داوود...استاذه طيبه وشرحها كويس ...اعتمادها على الايميس اكثر شي
مادة الاحصاء درستنا دكتورة سناء وعاد مو لازم اقولكم من هي , البنات ماقصروا واعطوكم معلومات كافية عنها
لكن من حسن الحظ انهم غيرولنا الاستاذه ...فدرستنا الدكتورة آمال...ماشاء الله شرح رائع ومفهوم وتعاون لا مثيل له
ربي يوفقكم وان شاء الله بنتعاون عشان نضمن النجاح
نصيحة... ابدؤا ادعوا انو تدرسكم الدكتورة سوسن وآمال لووول