طرق حقيقيه و مجربة للنجاح في السنة التحضيرية..معاً لسنة جميلة وناجحة..

[jo0odi s]

المشاركة الأصلية كتبت بواسطة جُوآن الله يوفقك و يسعدك يارب انا حبيت اسأل دحين في القاعة لو جلست في المقعد الامامي يصير ليا على طول و الا يتغير ؟ يعني بالمدرسة اماكنا في الفصل معروفة في الجامعة نفس الشئ و الا لا ؟ عادي لو اقعد بعبايتي في الجامعة ؟ انا وحدة خجولة مرة لو شلت معايا من البيت كوب النسكافية الي يحفظ الحرارة المقفل , عادي ادخله في القاعة و الا اخليه برا ؟ و راح ارجع لك تاني الله يعينك عليا :)

هلا بك يا عسل...

*بالنسبة للمقعد لا مايصير ليكي ولااازم تروحي بدري لانه البنات ييجو ويحجزو لصحباتهم كمان وانتي تقعدي ورا ...

وضروري تقعدي قدام عشان تفهمي وورا مرره ازعاج فالافضل تيجي بدري..

*العبايه مرره عادي لو تبغي تقعدي بيها السنه كلها كمان ماحد يتكلم ...

*شكلك تحبي النسكافيه زيي انا كنت اخذ معايا من البيت الحافظه حقت القهوه وادخل بيها عادي واحيانا اشربها في الكلاس مافي احد يتكلم ..

وارجعي لي حبيبي انا بانتظارك

ربي يوفقك ...

[ساره المالك]

ما اعرف ايش اقول غير الله يسهلك جميع امور حياتك وانا بقول لكل المشتركين من جد يقيموكي ويحطولك شكرا لك لانه واضح التعب
انا مرره قريب سجلت فما كنت عارفه فين اسال ولا مين اسال بس من بعد اليوم ماحفكر اكتب اسالتي الا هنا ان شاءالله مانزعجك

[توتي واماني]

طيب شكرا والله يعينك على اسئلتنا ذحين المواد ملها بتنشرح الانقلش حتى الاحياء والكيمياء والاحصاء والافيه انقلش وعربي واذا بسئلها سؤال لازم يكون بالانقلش ؟ واذا طلبت من الاستاذة معنى كلمة اتفشل والا عايدي ؟ واذا تاخرت عن المحاضرة يمديني ادخل والا خلاص ما افكر حتى ادخل عشان ما اتفشل انا اذا احد كسفتي اتفشل وما اعرف ارد؟ وانا بين كل محاضرة والثانية10 دقايق عايدي اطلع من المحاضرة اذا جاء وقت الثانية والاستاذة لسى تشرح والا لازم استاذن؟

معليه كثرت الاسئلة بس خلاص مافي وقت بكرة بنبدا نداوم وانا ابغى اعرف هذي الاجابات اذا معليك امر وشكررررررا مرة انية واسفة على الاطالة

[AbrarrXx]

السلام عليكم.. بصرااحه مدري وش اقولك الا فعلا الله يريح بالك و يطمنك ويسهلك كل امورك مثل منتي مسهله علينا ومستقبله كل اسئلتنا..اممم اهم شي كيف اذاكر وانسق وقتي لان احس مافي وقت يادووب اوصل بيتي 5 وتعببب وانا طموحي اخذ كله a+ وانا خطتي أ وبعد شايله هم كيف اقدر اسجل ورى الدكاتره بسرعه واعرف وش اللي اسجله وبعد كيف افهم وادرس والمنهج كله انجليزي وش اترجم وش اخلي لاني انحبطت من نتيجتي اني المستوى الثالث يعني تحت المتوسط مع اني دايم اخذ ال100 وفي الكورسات مستواي فوق المتوسط مدري كيف اوخر هالشعووور -_-

[AbrarrXx]

وبعد اسفه اختي في سؤال نسيته من ناحية كيف بتكون الكتب وش اللي فعلا يستاهل نشتريه وش الملخصات اللي لازم نشتريها هل هم راح يقولونلنا ولا شلون ومن ناحية الاكل كيف نظامه يعني كم احتاج اخذ مصروف معاي وبعد هل في فعل انديه نشترك فيها ورياضه وتطوعات لان جديده على كل شي على المملكه بكبرها وعلى الحياه الجامعيه ف الله يصبرك علي

[jo0odi s]

المشاركة الأصلية كتبت بواسطة ساره المالك ما اعرف ايش اقول غير الله يسهلك جميع امور حياتك وانا بقول لكل المشتركين من جد يقيموكي ويحطولك شكرا لك لانه واضح التعب انا مرره قريب سجلت فما كنت عارفه فين اسال ولا مين اسال بس من بعد اليوم ماحفكر اكتب اسالتي الا هنا ان شاءالله مانزعجك

حبيبتي انا ما ابغا من اي احد يقرا موضوعي الا فعلا يدعي لي ومروركم عليه يكفيني

وهلا بك في اي وقت اسألي وانا معك عزيزتي ...بالتوفيق

[jo0odi s]

المشاركة الأصلية كتبت بواسطة توتي واماني طيب شكرا والله يعينك على اسئلتنا ذحين المواد ملها بتنشرح الانقلش حتى الاحياء والكيمياء والاحصاء والافيه انقلش وعربي واذا بسئلها سؤال لازم يكون بالانقلش ؟ واذا طلبت من الاستاذة معنى كلمة اتفشل والا عايدي ؟ واذا تاخرت عن المحاضرة يمديني ادخل والا خلاص ما افكر حتى ادخل عشان ما اتفشل انا اذا احد كسفتي اتفشل وما اعرف ارد؟ وانا بين كل محاضرة والثانية10 دقايق عايدي اطلع من المحاضرة اذا جاء وقت الثانية والاستاذة لسى تشرح والا لازم استاذن؟ معليه كثرت الاسئلة بس خلاص مافي وقت بكرة بنبدا نداوم وانا ابغى اعرف هذي الاجابات اذا معليك امر وشكررررررا مرة انية واسفة على الاطالة

اهلين فيك مره ثانيه ..

المواد تنشرح بالعربي والاستاذه كمان تتكلم عربي ماعدا في محاضرات الانقلش واساسا الاساتذه على طول بيفسروا الكلمات ومررره مراعين الطلاب في هذا الشيء بس للاسف الاختبارات انقلش ولو تبغي تساليها بالعربي عادي وكلامها معاكم عربي بس حاولي دايما تاخذي كتبك وتترجمي معها دايما واي كلمه ماتعرفيها على طول اسألي مرره لا تتفشلي هذا مستقبلك حبيبي..

اما عن التأخير يفضل انك ما تتأخري وعلى حسب استاذتك فيه استاذات مرره عادي لو تجي اخر المحاضره وفيه استاذات لو تأخرتي دقيقه تبهذلك فتعالي بدري عشان تفهمي وماتحرجي نفسك لاحقه عالسحبات بعدين


اما بالنسبه لمواعيد محاضراتك احنا كنا نقول لاستاذتنا معليش انتهى الوقت وعندنا محاضره بس طبعا بأدب ولازم تستأذني منها ما ينفع تخرجي كدا..

الله يوفقك في اول يوم ولا تخافي من شيء اي استفسار اسأليني ..

[jo0odi s]

المشاركة الأصلية كتبت بواسطة abrarrxx السلام عليكم.. بصرااحه مدري وش اقولك الا فعلا الله يريح بالك و يطمنك ويسهلك كل امورك مثل منتي مسهله علينا ومستقبله كل اسئلتنا..اممم اهم شي كيف اذاكر وانسق وقتي لان احس مافي وقت يادووب اوصل بيتي 5 وتعببب وانا طموحي اخذ كله a+ وانا خطتي أ وبعد شايله هم كيف اقدر اسجل ورى الدكاتره بسرعه واعرف وش اللي اسجله وبعد كيف افهم وادرس والمنهج كله انجليزي وش اترجم وش اخلي لاني انحبطت من نتيجتي اني المستوى الثالث يعني تحت المتوسط مع اني دايم اخذ ال100 وفي الكورسات مستواي فوق المتوسط مدري كيف اوخر هالشعووور -_-

مرره سهل تنسقي يومك ارجعي صلي وارتاحي ساعه وابدئي بعد المغرب مثلا ذاكري رياضيات وبعدين بريك نص ساعه صلي العشاء وارتاحي وامسكي مثلا مهارات اتصال وبعدين احفظي شويه من الانقلش وما حتيجي الساعه 10 الا وانتي مخلصه محاضرات اليوم وعندك وقت الين ماتنامي تعملي اللي تبغيه واليوم اللي بعده ذاكري مواد ثانيه زي الفيزياء والحاسب والانقلش وكذا ماحييجي اخر الاسبوع الا وانتي مخلصه مذاكره وتاخذي اجازه يوم الخميس وترتاحي

اما عن شرح الاساتذه مو كله تسجليه بس فسري الكلمات اللي ماتفهميها ونقاط معينه مثلا عشان تفهمي كيف اتحلت المساله غالبا الحل موجود بالكتب بس انتي تكتبي اللي فهمتيه معاها وترا كلام الاساتذه مو مهم لانهم ما يحطو الاسئله المهم انك تفهمي معاها بس

اذا انتي مستوى 3 فهذا شيء ممتاز لانه ثلاث ارباع الجامعه مستوى اول وحتفهمي كلامي بعدين وترا حتدرسي ترم واحد انجليزي والترم الثاني يصير عندك ساعات كثييير فاضيه
..

بالتوفيق عزيزتي ..

[jo0odi s]

المشاركة الأصلية كتبت بواسطة abrarrxx وبعد اسفه اختي في سؤال نسيته من ناحية كيف بتكون الكتب وش اللي فعلا يستاهل نشتريه وش الملخصات اللي لازم نشتريها هل هم راح يقولونلنا ولا شلون ومن ناحية الاكل كيف نظامه يعني كم احتاج اخذ مصروف معاي وبعد هل في فعل انديه نشترك فيها ورياضه وتطوعات لان جديده على كل شي على المملكه بكبرها وعلى الحياه الجامعيه ف الله يصبرك علي

كل الكتب لازم تشتريها مرجعك الاساسي هيا بس عندك الاحياء والكيمياء حتكون سلايدات يعني شرايح عرض فيها كلام وحتى استاذتك تشرح منها وتقدري تصوري من صحباتك لو ماتبغي تشتري الكتب او اتفقي مع وحده خطه ب انه الترم الجاي تاخد كتبك وتديكي كتبها..

الملخصات مررره كثير وحتسمعي كلام كثير انا كنت بذاكر من يوسف زويل وماكنت بذاكر كل شيء من الملخصات لازم من الكتب والملخصات والنماذج اللي هيا اختبارات السنوات اللي فاتت..
المصروف انا ما اعرف قد ايش بالزبط بس انتي شوفي اول يوم كيف اسعارهم وحددي بعدين :)

اما بالنسبه للانديه فعلى حسب انتي فين اذا كنت في الشرفيه مافي ولا شي ولا نشاطات ...غير في الانقلش فيه دروس تقويه مجانيه يدوها للطالبات روحي بس سجلي اسمك ..

الله يوفقك :)

[AbrarrXx]

مشكووووره والله يجزاك خيرر ..انا في فرع السليمانيه