حظر الجلوس في شارع الحب..

[Fatema Alshareef]

مساء/ صباح الخير,,
اكيد شفتو الملصقات " وش كثرها"
اللي حاطينها الأمن بشارع الحب وشفتو كيف شايلين الكراسي وقالبينها رأسا على عقب ,,
أنا عن نفسي صراحة انبسطت كثير لما شفتها وقلت حلو ,,
ان شاء الله تكون خطوه فعاله ,, عشان يخففو من التجمهرات اللي
مالها داعي ,, بصراحه تشوفي البنات فيه كيف أشكالهم ماكنك
بجامعة علم ,, وأشوف بنات جالسين بهالمكان بالساعاااااااات ,,
طيب ومحاضراتك ,, والله بلاهم مودارين عنك أهلك ,, "استغفر الله "
وحاجه ثانيه تحسي نفسك لما تمري من الشارع تحسي انك تحت المجهر يتمقلوا فيك من راسك لساسك ,, هههههه ,, أي والله جد ,,
والبويات يوووووه طبعا شارع الحب هو مستقرهم ومتنفسهم ,,
(ياويلي لا اتقطف منهم ذحين)
صارو مشردات بعد الحظر ,, يا الله جالسه أفكر فيهم وين حيروحوا ,, ووين حيجلسوا ياترى ,, "الله يفرجها عليهم "

بصراحه أنا عندي إحساس إنو حيرجع الشارع من جديد ,,,
وحترجع السماجات من جديد ,, وحيرجعوا البويات لمأواهم ومستقرهم ,, بس هذا فقط اذا ماكان في رقابه من بنات الأمن ,,
الله يقويكم يابنات الأمن تعجبوني ,,
دعوه للمناقشه ,,
لماذا الجلوس في شارع الحب بالذات ؟؟
وهل أنت من هواة الجلوس في شارع الحب؟؟ ولماذا؟؟