تخصصي انجليزي و ابغى احول لتخصص ديكور

[الله يفكنا منكم]

السلام عليكم

انا درست سنه تحضيريه السنه الي طافت
و بعدين حملت 3 مواد

المهم تخصصت انجليزي و انا توب في الانجليزي
اقدر امشي فيه بدون ما اذاكر و الحمدالله فعشان كدا اخذت هالتخصص بدون تفكير

بس انا مو ميولي انجليزي
يعني من زمان و انا ادرس كنت اتمنى ادخل الجامعه و اتخصص جرافيك ديزاين

بس للاسف اكتشفت انه في جامعه عزوز مافيها هذا التخصص
بس حصلت بديل الي هو ديكور

المهم انا بالسنه الحضيريه جبت 2.50 لاني ماكنت اذاكر كنت احضر الاختبارات بدون مذاكره
لانه كنت اساسا متحطمه من الدراسه
كنت ادرس بدون هدف :'(


بس دحين وانا ادرس جلست افكر في الديكور

و قلت ليش ماجرب حظي
فرحت للحذف و الاضافه و حذفت كل المواد و تركت بس المواد الي حاملتها من السنه التحضيريه

لانه عندهي امل اجيب معدل كويس عشان احول لتخصص ديكور

ايش رايكم ؟ في امل ام لا ؟
و تنصحوني في الديكور
كثيرين يقولو لازم تجيبي معدل 3.5 اقل شيء عشان تنقبلي
طيب نقول احتمال اني ماقربت من الـ 3
يصير اقدر احول لتخصص الديكور ؟

+

يقولو لازم تكوني مبدعه في الرسم و انا عاد رسمي فاشل
مو فاشل لدرجه اولى
لا بس يعني لا باس فيه

[مرام12]

وعليكم السلام
انتي علمي ؟ التخصص للعلمي في السليمانية وفي الرحاب فيه أدبي وعلمي
ان شاء الله يمديك شدي حيلك
وبخصوص الرسم لا ما يحتاج تكونين مبدعه لأن الرسم غالباً يكون بالمسطرة وقياسات
بس تحتاجين يكون عندك معرفه بسيطه بالظل
عموماً انا ما ابغى اتفلسف لأنه مو تخصصي
بس لأني كنت ابغى ادخله وقرأت عنه كثير
وهو حقيقةً التخصص حلو وممتع أنا كانوا أهلي وصحباتي يقولون ماله مستقبل
لكن بالعكسس انا شايفه له مستقبل من خلال تصفحي لتويتر لقيت ناس كثير يطلبوا مصممين ديكور


بالتوفيق حبيبي