كافتيريا رابيس.. ومستوى اللنظافة المتدني والخدمة المفقودة .

[نبـْض أخيـرْ]

السلام عليكم..,
الي موش فآضي يقرا الموضوع.. يقرا الخلاصـة الي باللون الاحمر
.
رابيـس وماادراكم مـارابيس..
ويستمر مسلسل كافتيريات الجامعه...
قرات كذا موضوع بمنتدى الحوار الجامعي.. عن قرف الكاقتيريات..
بس ماتبت من كلام البنات
اليوم كنت بموت جوع.. وباقي وقت على جيه الباص..
فأغواني الشيطان ورحت رابيس الي في الاقتصاد المنزلي
واشتريت بيتزا وبعد مااكلت نصها اكتشفت ان البيتزاء فيها ( شعره )..
طبعا عصبت وانا اتخيل كم ( شعرة ) ببطني ياترى
رحت عند الي باعتني البيتزاء.. قلت لها فيه شعر بالبيتزاء !!!!
قالت لي كلمي الي فيه الكاشير ( الفلبينية )
الفلبينية اخذت البيتزاء عشان تتاكد وبعدها تخيلوا وش قالت لي !!
( طبعا البنات الي كانوا ع الكاشير كلهم هربوا هاللحظه ومحد اشترى )
قالت لي خذي بيتزاء ثانيه <- ينقالهم تعويض الحين ؟؟
قلت لها سلامات تبغيني اتسمم مرة ثانيه ؟؟
وحاولت تتجاهلني.. سالتها من المسؤل عن رابيس ..
قالت لي عن وحده فلبينية برابيس العلوم.. وتقول ماجت اليوم !
طبعا طلعت من الكافتيريا.. والجريمه بيدي ..واطالع بالسآعه ولاخلاص ذا موعد البآص
جلست افكر.. ارميها وخلاص والحق الباص لايروح ويخلييني.. ولااروح اشتكي عليهم
فكرت ف ثواني وقررت اشتكي..
فكرت وين اروح ؟؟؟
ماجاء ببالي الا الشئون..رحت سالتهم من الجهه المسؤلة عن كافتيريات الجامعه !..
طبعا وبعد ماتنقلت بين اكثر من مكتب بالشؤون عشان بس يدلوني ع الجهه المسئؤلة عن الكافتيريات..قالت لي وحده روحي مبنى الادارة العامة !
وطبعا مشوار بين مبنى الادارة العامة وبين الشئون .. وانا مافيني حيل اضرب مشاوير
..فكرت اروح ولا ماروح اروح ولا ماروح..
قلت يلا روحي اشتكي ولا تسكتي عن حقك...
ورحت امشي وامشي وامشي.. لين وصلت للمبنى واول مرة ادخله.. سالت موظفه.. قالت لي روحي للمبنى السادس مكتب ( ادارة المتعهدين )..قلت ياليـل.. فيها مشوار ثالث ..
ورحت للسآدس..ووريتهم البيتزاء الي فيها الجريمة !
طبعا الموظفتين.. بعد ماسمعوا سالفتي.. طالعوا ببعض وقالوا.. وش المفروض نسوي الحين ؟
بعد تفكير لثواني.. طبعوا ورقه..فيها ابلاغ عن مخالفة... وكتبوا اسمي ورقمي الجامعي وتوقيعي ..
وقالت لي خلاص !
سالتها طيب وش راح يصير.. قالت خلاص احنا راح نرفع المخالفه لانو واضح ان القرف ذا من المصنع..
قلت لها كثير بنات يصير معاهم نفس الشيء وللحين ماتغير الوضع... قالت ليه محد يجي يشكتي و يقولنا ؟..احنا وش عرفنا عن المخالفات اذا محد يشتكي..
يعني يابنات من اليوم ورايح تكلمواا ولاماراح يتغير شيء..
.
.
طبعا وبعدها يادوب لحقت الباص..والحمدالله وصلت البيت وانا مكسرة من المشاوير..لكن ان شالله يكون فيه نتيجه للاهمال ذا ..

خلاصة الموضوع :
1) من اليوم ورايح بالجامعه ارفع شعار.. اموت جوع ولا اموت تسمم
2) اذا فيه اي شكوى على الكافتيريات.. روحي للمبنى السآدس.. اخر مكتب.. مكتوب عليه ( ادارة المتعهدين )
3) اجازه سعيده وبدون تسمم..

وان شالله اصحى من النوم وانا مافيني شيء..
فمآن الله..~