طلاب وطالبات القانون بليز ادخلوا بحاجه الى آرائكم

[رحيل الايام]

بسم الله الرحمن الرحيم

كيف حااااااالكم جميعا ان شاء الله بخير>>>ادخلي على الموضوع بسرعه

تعرفون الجداول نزلت والكل مختبص اللي يضيف ويحذف واللي يغير الشعب وبما اني
جديده في القسم حبيت استعين بخبرتكم ورايكم في الاساتذة حسب جدولي فاتمنى منكم
ان لاتحرموني من ارائكم التي لاغنى لي عنها

القانون التجاري مع الاستاذة نجاة قنديل ما اعرفها
قانون جنائي عام مع الاستاذه ماجدة فؤاد برضوما اعرفها
قانون الدولي العام والمنظمات مع استاذه ورده افكر احذفها
أصول الفقه(1) مع مازن بخاري الكل يمدحه
القواعد والنظريات الفقهيه مع مازن الحارثي ما اعرفه اتمنى تفيدوني
المواريث والوصايا مع الهام باجنيد برضو ما اعرفها

ايش رايكم لو حذفت قانون الدولي العام ايش اضيف ماده اختاريه ولاحرة ولا من مواد
التخصص والله مرة محتارة بانتظار ردودكم ولكم مني جزيل الشكر مقدما

[][..sMaA..][]

أولآ قآنون تجآري أحسلك خوديهآ مع أمل شلبي أو ع الأقل سوزآن يمدحوهم أكتر ..
جنآئي عآم .. كويسة مآجدة ومحد يعطيهآ دحين غيرهآ ..
أمآ الدولي اللي مع وردة أنآ كمآن بفكر أحذفهآ :s
أمآ الدكتور مآزن الحآرثي يمدحوه بس مآ أعرف شي عن طبيعة المآدة يآريت اللي أخذوهآ يقولولنآ
أمآ الهآم نآس تمدحهآ نآس لآ .. منتي عآرفة :s

وبالتوفيق ^.^

[أمير ينبع]

أصول الفقه(1) مع مازن بخاري الكل يمدحه
القواعد والنظريات الفقهيه مع مازن الحارثي ما اعرفه اتمنى تفيدوني

مواد شيقة وممتعه

ودكاترة في غاية الروعة تعامل وشرح ودرجات

والله يوفق الجميع

[..طموحي ..~]

مرااحب حياكي معانا ..
القانون التجاري الأفضل تآخذي مع أمل شلبي أو سوزان لأنها مادة مهمة ومتطلباتها مرره كثيره يبغالك تكوني فاهمتها كوويس ..
مواريث مادة حلووة برأيي مو حلوة تأخذيها مع استاذه لأنهم يصعبوا المواد ويدسموها بزيادة الأفضل تآآخذيها مع دكتور وانتي مو مستعجلة عليها خاصة انها مو متطلب فخليها بعدين لما تنزل مع دكتور

أصوول مرره حلوة ومع مازن خذيهاا ..
الجنائي مافي غير الاستاذه ماجدة وهيا كوويسه نوعا ما :)

الباقي بسلامتهم ما جربتهم بس ان شاء الله يكونوا كوويسين وبالتوفيق ليكي ياارب ..
وان شاء الله أكون افدتك ..

[روووني]

اقري الموضوع داه بخصوص الهام واقري ردي في الصفحه التانيه
http://www.skaau.com/vb/showthread.php?t=158608

[`lawyer]

اختي .. انصحكِ ما تاخذي المواد الدينية فترم واحد وزعيها كل مادة فترم .. يعني مثلاً خذي الترم هذا اصول فقه والترم الجاي مواريث والي بعده قواعد ونظريات .. وامشي فمواد التخصص وخاصة المواد الي متطلب لمواد ثانية

[روووني]

نزلي كمان اداري لانو له متطلبات كتير زي عقود اداريه اعتقد كدا اسمها

ونزلي مواريث مع هاني عبدالشكور

[إبتسامة جـرح]

انا رأي مع الاخ lawyer
لا تنزلي مواد الشريعه كلها في ترم واحد ..
نزلي ماده حره
ومصادر التزام

[(( محمد ))]

انا اوافق اخوي `lawyer في وجهة نظره
وأرجح انك تستغني عن المواريث هذا الترم

وإذا كان لسا ما أخذتي احوال شخصية و ثقافه 3 نزليها الآن أفضل لكي

بالنسبة لأصول فقه 1

الماده تتكلم عن مصادر التشريع , طبعا مو كلها في اصول 1
المنهج من كتاب الوجيز في أصول الفقه

الدكتور مازن بخاري ممتاز جدا جدا وعنده بونص عالي في حضور كل المحاظرات , لكن مقابل هذا في حالة الغياب يخصم
اسألته اختيارات وصح وخطأ , يأشر ويحدد الكتاب ويعتمد على تأشيره في الاختبار

بالنسبه للقواعد والنظريات الفقيه

الماده طيبه لكن طويله , أنصحك بمذاكرتها من بدري
عبارة عن جزئين , وكل جزء له منهج مستقل وكل جزء له اختبار مستقل
قواعد فقهيه
نظريات فقهيه

وحده لها مذكره في موقع الدكتور مازن الحارثي
والثانيه من نفس كتاب الوجيز إلي في الأصول

طريقة الدكتور . هي انه يقرأ جزيئة من الكتاب وبعد كذا يشرحها ويرجع يقرأ من جديد ويشابه في هذا كمان مازن بخاري
يعني لازم الكتب تكون معاكي في المحاظرات وتكتبين بعض الهوامش على الكتب

مازن الحارثي الدرجات عنده كالتالي

20 للحضور , فقط في هذه الماده مو دايم يسويها الدكتور مازن
40 الأختبار الأول وهو منهج النظريات الفهيه
40 الأختبار الثاني وهو منهج القواعد الفقيه
4 درجات بونص مشاركه و يسأل مشاركه بداية كل محاظره عن الدرس الماضي

أختباراته صح وخطأ وأختيار متعدد

بمقارنه بسيطه الاصول 1 أسهل من القواعد والنظريات
الاصول 1 تفتح لك مادة اختياريه إلي هي الاصول 2 وهي كمان ممتازه عند د. بخاري
لكن كلها لازم تاخذيها

انصحك كمان زي ماقالت اختي ابتسامه مصادر الألتزام مهمه جدا . ولو قدرتي تلحقي على شعبة الدكتور محمد العثمان أفضل


بالتوفيق

[طارق المحمد]

طيب يااخوان ايش رايكم في حسان فلمبان في مادة اصول فقة؟؟؟؟

كيف طريقة شرحة واختباراته؟؟؟

وبالتوفيق للجميع..