استفسارات بخصوص قسمكم "الكيمياء "

[الماسة 6]

السلام عليكم
أنا أبغى احول لكلية العلوم قسم الكيمياء وألغى اعرف كل شي عن القسم
الأستاذات والمواد والواجبات والمعامل والاختبارات وفيه بحوث ولا؟ ادري طولت عليكم بالأسئلة بس والله في امس الحاجة لها
وياليت تنزلوا الخطة الدراسية للقسم لأني بحثت عنها وما لقيتهاااا
ومشكورين مقدما

[الماسة 6]

بالبت احد يرد والله مرررة محتااااجة

[طالبة في كلية العلوم]

انا تخصصي كيمياء التخصص ماشي حاله
وفي واجبات عند بعض الدكتورات و بعضهم يطلبو منك بحوث احيانا تكون عليها درجات اعمال السنة
والمعامل سهلة بس طبعا رح تطفشي من طول الوقت في المعمل
والاختبارات عادية زي اي تخصص في اختياري وفي مقالي اما ادكتورات والله ما عندي خلفية كبيرة عنهم لاني توني مستوى رابع
تلاقي الخطة الدراسية في الاودس لو كنتي انقبلتي في القسم ولو كنتي لسه بتحولي تلاقيها في قسم الكيمياء في موقع الجامعة

[بريق الأمل ~]

أهلين يَ حلوه ...
قسم الكيمياء قسم جميل جِدا وَ ممتع إذا كُنتي تحبي الكيمياء
المعامل جدا جداً سهله ، وبالراحه تضمني فيها الدرجات ،
المعامل صح طويله 3 ساعات ، بس ممتعه جِِجداً وبتحبيها والي بيعطوا المعامل مره طيوبات وسلسات جِدا ...

المواد الثانيه بعضها حلوه وبعضها لا ، حسب
بالنسبه للبحوث والواجبات وكذا ، بعض الدكتورات تطلب منك بحث وبرزنتيشن
بعضهم لا ولا شي والدرجات كلها بالإختبارات ..
وبعضهم بيطلبوا واجبات ويحطوا درجات عليها ، حسب الدكتوره يعني ..
ونفس الشي الدكتورات فيه منهم الطيبوبه والمتساهله ، وبعضهم تتعبك جِدا معاها

عالعموم أهم شي استخيري وربي يقدملك إلي فيه الخير

[الماسة 6]

مرة مشكورات ربي يعطيكم العافية
بس حبيت اسأل كمان بالنسبة للمعامل هو ثلاث ساعات لازم تأخذي الوقت كلو
ولا لما تخلصي تخرجي وبالنسبة للبحوث تكون بالانجلش ولا العربي والبريزنتيشن كمان
وربي يسعدكم ان شاءالله

[بريق الأمل ~]

المعآمل مو دآيم تآخذ 3 ساعات ، بعض المعامل نخلصها بساعتين بالكثيير ..
ترى ماراح تحسي بالوقت لأنه يكون شغل وكذا ، وأول ماتخلصي شغلك بتطلعي ...
بالنسبه للبحوث .
الدراسه والبحوث والواجبات والبرزنتيشن كلها إنقلش .

[بريق الأمل ~]

فيه وحده طلبت مني الخطّه الدراسيه بالخاص ،
سامحيني مشآركاتي ماتكفي عشآن أرد عليك بالخاص ..
وهذي الخطه ..