استفسار بخصوص الدراسة باللغة الإنجليزية

[moodyd88]

السلام عليكم
كيفكم يا دكاترة ان شاء الله طيبين

انا الحمد لله دوبي مخلص تحضيري و انقبلت في كلية الطب بس خايف من الدراسة باللغة الإنجليزية لاني لما كنت في التحضيري كان اعتمادي الكلي على الملخصات و الترجمة من قوقل بس كانت الترجمة تأخذ مني وقت طويل في المذاكرة و أعتقد ما حتنزل الطريقة في الطب لطول المنهج الدراسي

فياليت اللي كان يعاني من هذي المشكلة يقلي اش سوا أو أي أحد عنده اقتراحات يكتبها

و شاكر لكم

[بشائر الفرح =)]

وعليكم السلام ورحمة الله

حياك الله يا دكتور

أولاً : مبروك القبول الله ينفعك وينفع بك

ثانياً : اممم إذا كان مستواك متوسط أو عادي ف اللغه فلا تخاف إن شاء الله ماحتشكل عائق كبير
هيا الدراسه بالإنقلش ايوا بس أغلبها مصطلحات طبيه حتدرسها يعني وحبه حبه يسير الموضوع سهل

ثالثاً : نصيحتي إنك تشتغل على تطوير لغتك من أول سنه ف الكليه .. أو ف الأجازات لإنه حيجي يوم تحتاج تتكلم فيه بطلاقه !


بالتوفيق يارب