مجموعة اسئله عن التمريض ؟؟

[Sheery]

السلام عليكم ورحمة الله وبركاته

طبعا الحين تخصصت في التمريض ورحت اليوم الرشادي بس اليوم ما رحت

المهم

امس قالوا ان المحاضرات رح تكون في مبنى 8 في قاعه رقم 830

طيب المحاضرات العمليه اللي في اللابات
كيف نعرفها ؟؟

لان بالجدول مو مكتوب غير اسماء المواد واوقاتها
مو مكتوب ارقام القاعات ؟!!!

ايش الحل

وبالنسبة للكتب والملخصات طبعا مو كلها رح تكون بمكتبة الخوارزم .. ممكن تكون بالمكتبة المركزيه ؟؟

وينفع اني اخذها اصورها واردها ولا لا ؟؟؟؟؟

وبالنسبه للملابس نداوم باللاب كوت ولا لا ؟؟

افيدوني الله يوفقكم

[الكبير كبير]

حيآك الله ..

ومرحبـآ بك في عآلم التمريض 3>


بالنسبة لآسئلتك

المعامل .. نفس الدكاترة أو الاستاذات بيقولون لكم وين تروحون

المشرحة لمادة الأناتومي في مبنى 7

وعندك معمل البايوكمستري في مبنى 5 فوق الدور الثآلث >> اذا ما خانتني الذاكرة

وبرضو حيقولون لكم تعالوا :)


بالنسبة لكتب التمريض والمواد

فيه مكتبة الشقري داخل الجامعة .. عند كلية الهندسة للطلاب

اذا حابة تشتري كتاب تقدري من هناك

والمكتبات اللي قبال الجامعة برضو مليانة كتب طبية .. فروحي للمكان اللي حابته


بالنسبة للاستعارة من المكتبة المركزية .. أكيد يمديكي تستعيري وتصوري الشابتر اللي تبغيه ^_^ .. استمتعي


في الدوام اللاب كوت لآزم

بس الأبيض اجباري في معمل التمريض + المستشفى

ربنا يكتب لك التوفيق والسداد .. وييسر لك الدراسة من حيث لآ تحتسبين

:)

[Sheery]

يسلمو يا قلبي عالرد

بس انتي قلتي ان الدكتوره هي الي رح تقولنا تعالوا يعني البنات يجتمعوا عند قاعه 830 ؟؟؟

[rano00nah]

السلام عليكم

قاعه 840 دا كلاسكم ما يتغير ، بس ادا فيه معمل او تغيير تقولكم الدكتوره وين ،
و بالنسبه للملابس عادي ، بس يوم المعمل حيكون بالسكرب الابيض و اللاب كوت ،
و ايش كمآآنن الكتب ادا لقيتي ف المكتبة المركزيه كويس بس لا يكون طبعه قديمه ، عادي صوريه و رجعيه
بس انصحك تشتري الكتاب ادا كان الفاندامينتال ،


بالتوفيق ي رب :)

[Sheery]

يسلمو رنوونه