'' تجمع دفعة Med14 ''

[Entity]

المشاركة الأصلية كتبت بواسطة x3bade ^^^ ترا في كذا محل لكن انا الي اقصدو ابغى دكاترتنا الأفاضل الي من med13 ونازل اقترحو علينا محل ابيع شيء نظيف وفي نفس الوقت بسعر معقول لكن على العموم الله اعطيك العافيه اتوقع اتوقع الدوام يا حيكون من 8-4 او 8-3 والله الدوام باين عليه مرهق لأبعد الحدود الله استر بس

منتظر اقتراحاتهم
و الدوام ترى اول ترم راح يكون مرهق شويتين
و راح يقل تدريجيا، الين يصير اغلب الدوام بالمستشفى
أتمنى طالب طب يؤكد المعلومة دي

[AoDi]

الدوام طويل حوالي 8 او 9 ساعات

بس كيف نذاكر نعتمد على المحاضرات و لا الكتب ,. ؟

أصلا هو ضروري تكون عندنا الكتب..؟

و كيف طريقة المذاكرة.. بالذات لمواد زي الباثو و البايو..؟ كيف نقدر نحفظ كل اللي درسنا الين الترم التاني عشان البودي سيستمز..؟


و الله مررة قلقانة و متحمسة كمان

[الدكتورة الدختورة]

الحمد لله انقبلت في الفرع الرئيسي ...!!
مدري متى صراحة مفروض اشتري السكربس ..!!
وعندي سؤال .. هوا اجباري نلبس السكربس في الكلية ولا عااادي زي التحضيري .. !!
وبث

[Dr.feras mi]

بسم الله الرحمن الرحيم :)

احاول اجاوب على الكل من وجهه نظري وممكن دكاترة تانيين يشوفوا انو احسن تسووا غير كلامي

بالنسبة للكتب اش تذاكر دحين الان اجازة ف انبسطوا شويتين قبل الكلية

اذا بدئتوا ان شاء الله اهتموا بالانتومي لآنها اطول مادة وفيها تفاصيل كثير

مراجع ميد 11 تكفي يا A9el

فية محلات كثيرة للاسكرب الافضل تشتري فى بداية شوال علشان ما تخلص الاشكال الجيدة

واللون ازرق ملكي -- او ازرق ودرجاتة بالنسبة لى اشتري من المظهر الطبي الا فى سوق الدانة فى حراء

الا اعرفوا تراه مو اجباري فى اول سنتين بس بالنسبة لى اريح من اللبس العادي


الدوام لا تشيلوا هموا ترا راح تنسبطوا كل شي جديد وفية دكاترة يحمسوا مو زي التحضيري فراح يمر الوقت وانتوا ما حسيتوا

الكتب والمراجع مو لازم تشتروها فى اول سنة حتي لو الدكاترة قالوا فية ملازم وتلخيصات واشياء تغني عنها

للبايو والباثو تراهم مواد دسمة لكنها سهله لو فهمتوها ولا تشيلوا هم السستيمز دحين راح ترجعوا تاخدوا البايو والباثو فيها تاني

يعني ماراح تنسي شي ( الاشياء الا درستيها وقت السستمز هيا المطلوبة منكم غير كدا لا )

فى النهاية كل واحد له طريقة مذاكرة متعود عليها ف ذاكروا زي مو متعودين

[عذاري السمروات]

صباحكم جميل مع رمضان ..
أنا طالبة سنة رابع تمريض .
فيه صفحات مرره أنصحكم فيهاآ على الفيس بوك ،
اعملولها لايك و حاولوا تقروا فيهاآ ، طبعًا حتستفيدوا منهاآ أكتر أثناء دراستكم لأنو الكلمات و الكيسات اللي موجوده كلها طبيه يعني شويتين صعبة عليكم دحين ( في الاجازة )
و حتزيد معلوماتكم و حصيلتكم الطبيه .
عارفين مو كل شي حتدرسوه فلازم تشتغلوا على حالكم انتو و تقروا بنفسكم و تتثقفوا ( عشان لمن تنزلوا المستشفى في رابع ان شاء الله ممكن تشوفوا حالات قرأتو عنها فلما تنتاقشي الدكتور او الدكتورة فيها و تشاركيهم من معلوماتك حينبسطو و حيعرفوا قد ايه انتي انسانه تبي تسيري طبيبة ممتازة و يترتب عليها أشياء تعود بفائدة لكم ) .
..
هده هي الصفحات :
أول صفحه .. بس لطلاب و طالبات كلية الطب ( التمريض و الطب و العلوم الطبيه التطبيقية و الصيدله ) ، حترسلوا طلب اضافة للمجموعه .
اما الصفحات التانيه ما تحتاج طلب اضافه .
Medical Students In Saudi Arabia
Drugs.com
Medical Cases
Medical Cases & MCQ
Medicine
Medical Talks
تفريغ المواد الطبية


و الله يوفقكم و يسهلكم دراستكم ..

[منو1996]

الله يبارك فيكي

الحمدلله انقبلت انتظام في الفرع الرئيسي
والتخصص لسه مستنين نشوف اش اللي حيناسبنا

[بشائر الفرح =)]

المشاركة الأصلية كتبت بواسطة دايخ200 الله يباارك .. بجد يوم كنا ننتظرة من زمان ! ونعد الايام لحدت ما وصلنا لهنا وهذا كله بفضل من الله انا الحمدلله انقبلت في الفرع الرئيسي مع انه ابدا ما كانت حتفرق معايا لو كنت في الرئيسي ولا في عسفان ~ والتخصص المستقبلي حاليا " انف واذن وحنجرة " لانه جامع ما بين الطب الباطني والجراحي .. وعندي احساس 90% انه بعد ما اتخرج من الكلية بتتغير وجهة نظري وبحب تخصص ثاني خخخخ .. طيب سؤال الحين في اجازات اليوم الوطني واجازات الامطار حنداوم فيها؟ لان كثير قالوا مح تتهنوا فيها فماني عارف قصدهم هل قصدهم بنداوم فيها ولا وقتها بيكون مذاكرة !؟

جمميل ماشاء الله مبروك القبول
وبالنسبه للأنف والأذن مره تخصص حلو على فكره و دقيق وفي روقان ف نفس الوقت ههه
حتدرسه إن شاء الله ف سنه رابع وتستمتع ببه
وتقدر وقتها تقرر إلى حد ما إذا حتختار كتخصص مستقبلاً أو لا

بالتوفيق يادكتور

[بشائر الفرح =)]

المشاركة الأصلية كتبت بواسطة أُنـثــے مـــلآئـكيـة الله يبارك فيكي انقبلت طب بشري انتظام الحمدلله =) بالنسبة للتخصص ان شاء الله بدرس مخ واعصاب

ألف مبروك القبول الله ينفعك وينفع بك يا دكتوره
مخ وأعصاب شددددددددي حيلك يحتاجله كرف مزبوط ههههه
بس إنتي قدها وقدود إن شاء الله
قدامكم سنوات كثير تقرروا فيها التخصص اللي حتعيشوا حياتكم معاه
بس حلو الواحد يكون حاط فكره أوليه يسوي لها إختبار بعد كذا ويشوف

[بشائر الفرح =)]

المشاركة الأصلية كتبت بواسطة حآول تفتكرني الله يباركك فيك .. من ناحية التخصص ما ففكرت , ان شاء الله راح احدد مع الدراسة سؤالي : وش الكتاب الي تنصحوني ابدأ بمذاكرته نظرا لصعوبته او لضيق الوقت ؟؟؟؟

اممم رأي من رأي دكتور فراس إنه لا تذاكروا حاجه حالياً
إلعبوا وإنبسسسسطوا مره كثثير

إذا حابين تطلعوا أو تقرأو قراءه أنصحك ب medical terminology
اللي هيا المصطلحات الطبيه حاجه خفيفه وسهله وحلوه ف نفس الوقت

بالتوفيق يا دكتور

[بشائر الفرح =)]

-


شكراً دكتور فراس على مساعدتك ووجودك معانا

شكراً أختي عذاري ع الصفحات المفيده


هذا موضوع أو نقدر نقول تقرير جداً شامل عن محل المظهر الطبي
http://www.skaau.com/vb/showthread.php?t=595388
نزله دكتور من الدفعه اللي فاتت ماقصر
إن شاء الله تستفيدوا منه