اسئلة منطقية " ورياضية " موجهه لمن وضع نموذج إختبار الأحصاء

[سارتر]

حقيقة إلى الآن لازلت لست مصدقاً لإمتحان الإحصاء !
إلى الآن أشعر بأنه كابوساً أتمنى ان أستفيق منه ...

لست من هواة التبرم والشكوى خصوصاً أن الأسئلة لم تخرج من مفردات المنهج ..
ولكن بكل صراحة مستوى طرحها أشبه مايكون بالتعجيزي لطلبة بعضهم إنقطع عن الدراسة
لأكثر من عشر سنوات ..
وبعضهم تخصصه غير علمي في مرحلة التعليم العام ( الثانوية ) ..
هذا ناهيك عن أنها سنة تحضيرية بمعنى أنه لايشترط بأن تكون عبقرياً لتنجح ..
بل أن بعض المواد من زاوية العلم بالشي بسبب أن الكثيرين سوف يتجهون لدراسة علوم الآداب
البحته وبالذات في التخصصات الإنسانية .

بحسبة بسيطة جداً ( وهذا الكلام موجه للدكتور الفاضل / اللجنة ) التي وضعت الاسئلة ..
عدد الاسئلة = 40 .
الوقت = 90 دقيقة .
5 دقائق توزيع اسئلة وكتابة اسم ورقم وتوقيع .
وخمس دقائق أخرى ( ووضعت خمس دقائق حتى لا أتهم بالمبالغة مع أنها أكثر 5 دقائق ) مابين ورقة القوانين وورقة التحبير " التي وزعت لاحقاً " .
ولن أقول خمس دقائق أخرى للإلقاء نظرة فاحصة على الاسئلة ( حتى لا أتهم كذلك بأني أقتص من الوقت لغاية في نفسي ) بل سوف أكتفي بالعشر دقائق الأولى ..

إذن عدد الاسئلة = 40
الوقت الفعلي = 80 دقيقة .
بعملية حسابية بسيطة هناك دقيقتين لكل سؤال !
لا أعرف هل هذه الدقيقتين .. هي لقراءة السؤال وفهمه أم لإلقاء النظرة على ورقة القوانين والبحث عن القانون .. أم لحل المسألة على الورقة الخارجية .. أم للتضليل على الإجابة في
ورقة الإجابة ( فعلياً أنت تستخدم 3 ورق في آن واحد ) !!!!
دقيقتين لكل هذا أمر مستحيل ( بالعقل والمنطق وحتى باللاعقل واللامنطق ) .. !
خصوصاً أن كثير من الاسئلة ليست مباشرة وتحتاج إلى أكثر من خطوة لتطبيق القانون .

هذا ناهيكم عن أن الإنسان سوف يتوتر ( فعلياً ) بعد أن يشعر بأن الوقت بدأ يسرقه ..
وبالتالي تبدأ المعلومات لديه بالتداخل ويبدأ بالتخبط !!

ولن أسهب في مستوى الاسئلة والتي كانت " موجهه " لطلاب غير متخصصين ...
وطلاب بعضهم منقطع عن الدراسة ولفترة طويلة وبعضهم آخر عهده بالقوانين الرياضية
السنة الأولى في الثانوية العامة .. !!

هل كان تحدياً ؟
إن كان ذلك مبروك لك / م فقد كسبت / م ولكن من غير جدارة !
لأن ذلك كان على حساب أشخاص بعضهم ترك ابناءه وبعضهم يستدين من اجل مصاريف الجامعه !
ولا أطالب هنا بمعاملة إستثنائية لهم أو بدلال خاص " طلب العلم لايعرف هذا " ..
أطالب فقط بالمنطق والعدل والموضوعية وأعتقد أن ذلك أبسط حقوقهم ..

كنتم تستطيعون ان تقولوا لهم أنتم راسبون قبل الإختبار ..
أو لانريد أن تكون معدلاتكم مرتفعه ..
بدلا من أن يضيعوا وقتهم وجهدهم وربما مالهم " لمن بحث عن التدريس
الخصوصي ، من أجل ينجح ) !
كنتم تستطيعون ذلك بكل بساطة ..
بدلاً من أن يكونون في القاعات وكأن على رؤسهم الطير وبدلا من أن يسلم أكثرهم نموذج إجابته
وهو يضلل على إجابات عشوائية كيفما أتفق " وكأنه يطبق إحتمالات أحصائكم في إجاباته "
وبدلاً من أن يكون المتميز منهم جداً يسابق الريح في إجاباته حتى لاينفد منه الوقت ..!


سؤال إلى المسؤولين المعنيين في الجامعه هل يرضيكم هذا !

[bandar_r]

الله يعطيك العافيه موضوع في الصميم احنا في مبنى 40 قاعه 149 جانى مراقب الله لا يوفقك لا في دنيا والا اخره
من يوم بدا في توزيع اول ورقه بدى يحسب الوقت واخذ تقريبا 20 دقيقه بعد ماكمل جميع الااوراق وللاسف كل شوي باقي من الوقت ساعه باقي من الوققت 50 دقيقه جاب لنا القلق.
ممكن تاتي ردود على ذمي لهذا المراقب ولكن طيبة قلب كل شخص فينا جعلت الدنيا مفلوته !!!!
ولذلك انا لن اسامحك لا في دنيا والا في اخره الجميع يعرف التعب الذي تعبنه والغربه الي عشناها في سبيل الحصول على الشهاده والمبالغ التي دفعت.

[صقر الشمال]

كلام عين العقل


بس ماحولك احد



افهمها ياذيب

[سكرة]

وش نسوي

[meshaal1983]

بالله أنا بسألك إنت سؤال منطقي ...

هل إستعديت بشكل عادل للإختبار ؟ و حط تحت كمة عادل مية خط.

أنا ما أصف نفسي عبقري ، لكن الاختبار أخذ معي تقريبا 40 دقيقة فقط. لماذا؟ لإني محضر زين للإختبار ..

عندي بيت و شغل و مسئوليات .. لكن أيضا التعليم أولوية .. الاسئلة مباشرة و القوانين مرفقة و لكن التحضير من قبل أكثر الطلبة كان أكثر من سئ للأسف .. مجموعة من أصدقائي جاو عندي يذاكرون قبل الاختبار بيوم واحد بس !! تخيل ما فتحوا و لا صفحة الا قبل الاختبار بيوم و هذا حال اغلب الطلبة للأسف !!

أدري كلامي هذا يفقع الكبد صح !! بس على الاقل أنا أشوفه صح

أتمنى كل التوفيق ... للمجتهدين فقط !

[شآدن]

هل إستعديت بشكل عادل للإختبار ؟ و حط تحت كمة عادل مية خط.

صح لسآنك والله ^ـ^



يااااناااس القوانين مووجودة يعني الاعمى يطبق ويمشي


عمري ماشفت احد يمدح مادة غير الاتصال يمكن عشآنه بحياتنا الواقعية بس بصرآحة انتو ماتفتحو المادة الا بيومها



يحق لك انت وغيرك تدعي على من حط الاسئلة


الله يووفقكم جميعااا وانتبهوو للخطة الجاية ترى اذ بتجلسون على حالكم خذوها من عندي ماحد بينجح ههههههههآي

[alserehi]

أتمنى أن تصل هذه التساؤلات إلى المسئولين وأتمنى أن يجيبو عليها
والله حرام ضياع هذا الوقت والمال
والله أولادي أولى وأحق بهذا الوقت والمال الضائع

[alfareed]

في البداية اتمنى للجميع التوفيق

وثانياً اشكرك على هذا الموضوع وعلى الاسلوب الاكثر من رائع في صياغته

واعتقد ان ماشفناه ماهو إلا دليل على تخبط هذه الجامعة وعشوائيتها في التنظيم

من بداية الاختبارات حتى هذا اليوم
بداية من تحديد اماكن الاختبار للطلاب , الزحام , المواقف الغير منظمه , مواعيد بداية الاختبار وانتهاء بـ اسئلة الاختبارات والمده المحدده لك اختبار

يعني قمت الفوضه

واعتقد انه يكفي صمت لابد ان يكون هناك مطالبه من طلاب وطالبات الانتساب بتعديل الوضع الحاصل .

تعودنا بأن نكون صامتين بأن نكون الشعب المهضوم حقه في جميع المجالات

يعني اللي صار اليوم قمت المهزله

احد يقدر يقول وش الذنب اللي جنيناه اليوم موعد وجينا في موعدنا الساعه 4 وانا في القاعه
وصلوا المراقبين بعد مضي 10 دقايق توزيع اوراق الاجابات بعد 5 دقايق وبعدها الاسئلة وبعدها ورقة القوانين ولو ما طلبناها ما احد عطانا شي وبعدها ورقه خارجية للحل يعني بادين الاختبار بعد مضي اكثر من نصف الوقت

من اللي يتحمل المسئولية؟؟!!

طبعاً حتى ولو طلع من يقول انا اتحمل المسئولية من سوف يعوض هؤلاء الطلاب عن ضياع الوقت وفقدهم الدرجات بسبب الاسئلة الخنفشاريه التي تحتاج الى ضعف الوقت المحدد لحلها

فعلاً ودي اعرف اللي وضع الاسئلة وش المعايير اللي اتخذها

يا شباب والله كفاية ندب الحظ لازم نطالب بحقوقنا

لابد ان نرفع للمسئولين في الجامعه
يعني سوء تنظيم في مواقف ممكن تتحمله
سوء تنظيم في قاعات ممكن تقول عديها
اما ان ياخذ من وقت الاختبار هذا اللي اعتقد انه مو من حق احد ولابد ان يكون للطلاب وقفه ومطالبه

شي يقهر صدق

[صقر الشمال]

المشاركة الأصلية كتبت بواسطة meshaal1983 بالله أنا بسألك إنت سؤال منطقي ... هل إستعديت بشكل عادل للإختبار ؟ و حط تحت كمة عادل مية خط. أنا ما أصف نفسي عبقري ، لكن الاختبار أخذ معي تقريبا 40 دقيقة فقط. لماذا؟ لإني محضر زين للإختبار .. عندي بيت و شغل و مسئوليات .. لكن أيضا التعليم أولوية .. الاسئلة مباشرة و القوانين مرفقة و لكن التحضير من قبل أكثر الطلبة كان أكثر من سئ للأسف .. مجموعة من أصدقائي جاو عندي يذاكرون قبل الاختبار بيوم واحد بس !! تخيل ما فتحوا و لا صفحة الا قبل الاختبار بيوم و هذا حال اغلب الطلبة للأسف !! أدري كلامي هذا يفقع الكبد صح !! بس على الاقل أنا أشوفه صح أتمنى كل التوفيق ... للمجتهدين فقط !

اسئلك بالله ومانه ومام الجميع هذي اسئله طلبه منتسبين وعندم ضروف لايعلمها الا ربك وبعض خواتنا مساكين طالعين من مستشفي وكذا وناس عندهم وفيات من اقاربهم يعني صعب حيل ومسوليات كثيره تضع الاسئله هذي لهم
شوف جميع النماذج كلها موجوده بالمنتدي هل منها اشيا كثيره جت من السابق ناس اخذو نماذج من نفس المكتبه اللي تابعه للجامعه ولا جاء منها شي
ونا بقولك شي حسب كلامك تقول في طلبه ماذاكرو اللي قبل الاختبار بيوم 00 انا وربي يشهد مذاكر من ثلاثه شهور اول ماطلع الجدول وعندي الكتب كلها ومتابع في المنتدي علي طول صعبت علي بصراحه وسئل غيري انا مو مبالق في كلامي ولا شي بس الاسئله بصراحه تعجيزيه افهما يرضي من يرضي ويزعل من يزعل
كلمه الحق ماحد يزعل منها انا مو طالب منتظم كل يوم احضر محاضرات وكذا بس ماقول الا حسبي الله ونعم الوكيل,,
تقبل مرووري

[علم غرورك عزتي مالها حد]

السالفه ماهي سالفة استعداد عادل ولا لا هو اكيد الاستعداد يساعد كثييييييييييييير بلاشك انا كنت تحضيري واختبرت زيكم احصاء بس والله والله الوقت ابد مايكفي ابدا هذا بغض النظر عن الناس اللي توزع الورق على اقل من مهملها وبغض النظر عن المراقبه اللي تجي متأخر ومن جد انت على طاولتك ورقة قوانين وورقة اسئله وورقة اجوبه واله حاسبه وادواتك اللي تحتاجها بالله هذا الشي مايسبب توتر وعشان يكون عندكم امل اذكر اني ذاكرت الماده زيييييييين قبل الاختبار ويوم جيت حضرت الاختبار تخيلو كنت ناسيه الاله الحاسبه وناسيه ورقة القوانين كنا حنا اللي نجيبها وارتبكت وطلعت وانا زعلانه واغلب الاختيارات حليتها على توقعاتي بس فالنهايه هي اعلى ماده عندي جبت فيها 85 خلو عندكم امل ان شاء الله تنجحون وتجيبون درجات حلوه والله يوفقكم