خلاص تعبت ولازم أطالب بحقي

[ظل الياسمين]

السلام عليكم

بصراحة وبالصراحة المُطلقة
جامعتنا مو شيء

تعبت مرة
سكتت كثير << ايه طيب

بس الحين بطالب .. وأبي أقدر أوصل الشكوى
تعبت أرسل ايميلات والرد يكون منمق ودبلوماسي
تعبت أروح أكلم مسؤولات والاسلوب يكون من جهة وهم بجهة



اولاً أطالب بكوني طالبة جامعية بغولف كار
يعني من قرب المباني وسناعة الجو تبونا نمشي
وبالأخير البعض يقولي ( رشاقة )
قربوا اهلي يطلعون ينشرون صورتي ويقولون ( مفقودة )
ولا الي يقولي يلا خليها ( تسمير )
أي تسمير ذا إلا صار ( تفحيم )
وأنا الحين بجد أطالب لأني تعبت أبي الحق ع المحاضرة عشان اتحاشى الطرد
اليوم والي خلاني اكتب هالموضوع ( رجلي تشنجت ) وأنا احاول أسابق نفسي عشان أوصل للمحاضرة قبل تنادي الدكتورة اسمي وانحسب غياب
وإذا صار وتحقق هالمطلب يا ليت ما تكون مجرد غولف كار وحدة ولا حتى ثنتين
يا تكون 7 وما فوق ولا خلونا على حالنا ما نبي منة احد

ثانياً أطالب بالاحترام شوي من قبل المسؤولات في الثاني
وش ذا اليوم حسيت اني ( نملة ) اجي أقول لها ليش ما حطيتوا اعلان ان الاستاذة مو حاضرة الدورة
تطالع فيني بكل ازدراء وتقول ( بعدي ) تبي تمر الأخت وقطعت عليها مشوار المجد لناحية مكتبها
ويوم كررت السؤال قالت ( مادرينا .. يلا بعدي )
وش دعوووة
يعني بصراحة وأنا ما أعرفها قلت هذي تفتقر للأسلوب والذوق
وقبل كذا يوم جيت اسجل اسألهم ولا يردون ( يسولفون يا عمري وهم يتصفحون بالنت )
واسألهم مرة ثانية وترد وحدة فيهم من غير حتى ما تطالع
بصراحة بهدي لهم كتب عن ( فن التعامل مع الاخرين )

ثالثاً أطالب بأحد يهتم بالشكاوي ويرد عليهااا
مو كل ساعة والثانية وكل لقاء عميدة والثاني ( نتكلم ) ويكون الرد هوااااااء
ينطبق عليهم المثل الي يقول ( لا حياة لمن تنادي )


اتمنى بجد ما يكون موضوعي مجرد مجال للنقاش وبس
واتمنى بجد يكون فيه احد مسؤول يتصفح المنتدى ويقرأ
خلونااا نتقدم ياهووو
ما تعبتوا وانتم دائماَ متأخرين

[يالبى قلبك]

ظل الياسميـن ..

وين تشتكيـن .. والله ماحد حـولك

وهذا هم بعض الموظفات .. تجينهم تكلمينهم . تقولين نطلبها من حلال ابوها شي

ماسكيـن منافخ على الخلـق

إنا اقول إحسن نطلق حملـة نسميها .، حملـة ذوق

( لتعآمل مع الاخريـن ) < مسويه انها حملـة رشّد

اولاً أطالب بكوني طالبة جامعية بغولف كار يعني من قرب المباني وسناعة الجو تبونا نمشي وبالأخير البعض يقولي ( رشاقة ) قربوا اهلي يطلعون ينشرون صورتي ويقولون ( مفقودة ) ولا الي يقولي يلا خليها ( تسمير ) أي تسمير ذا إلا صار ( تفحيم ) وأنا الحين بجد أطالب لأني تعبت أبي الحق ع المحاضرة عشان اتحاشى الطرد اليوم والي خلاني اكتب هالموضوع ( رجلي تشنجت ) وأنا احاول أسابق نفسي عشان أوصل للمحاضرة قبل تنادي الدكتورة اسمي وانحسب غياب

إي والله وين القولف كار.. والله نفس معـاناتي بالضبط

والله ماسووا خيرر يوم فتحوإ 420

يازينا يوم كنا على الثالث والمباني اللي حولها :(

الله يكون بالعون بس

[Onster]

مشي حآلك حآلك يمشي

ودي النآس مآتعرف أوسس آلتعآمل والآخلآق

وآنآ معآكي في كل كلمه قولتيهآ


بس لآ حيآه لمن تنآآآآآآآآآآآآآآآآآآآدي

[سهالات]

انا انا ابي ائازرك صح ولا غلط تعرفون ثقافتى انكليزى

[عاشقة الندى]

والله انك صادقه بكل كلمه ،،

وبالذات تعامل الموظفات معانا ،،

انا مااجمعهم كلهم لانو للامانة مرت عليا وحده كانت طيبه وعاملتني باحترام ،،

لكن الباقي الله يخلف تنفخ وتطبخ والله لو اني جايه اتشحت من عندها ماسوت كدا ،،،

لكن المفروض الجامعه لما تجي توظف ناس مو بس تطل في الشهادات لا المفروض يسولهم اختبار في الاحترام والاخلاق والاسلوب ،،

لانو الاخلاق عند بعضهم الحمد لله والشكر ،،


والله يااختي تعبنا واحنا نشكي خلاص مالنا غير الله ياخدلنا حقنا منهم ،،

وربك كريم ،،

كان الله في عون الجميع ،،

[سوس أم شعر منكوش]

المشكلة يقولون من حقك العشر دقايق وياااخذون العشر دقايق منا ونطرد من المحاضرة الي بعدها يعني

من جد معناة وماااااافي احتراام لوقت الطالبة ولا لوقت المحاضرة