من محاسبة إلى قانون ( انصحوووني 3>) ~

[the candle]

السلام عليكم ورحمة الله وبركاته





طبعا زي ماهوا واضح من العنوان انا انقبلت محاسبة

ومع اني احب المحاسبة ومشيت تمام التمام في موادها بس حاسة اني مني

مرتاحة لها كتخصص

عموما انا كنت ابغى النظم بس ربي ماكتبلي انقبل فيه لحكمة لايعلمها الا هو

فكرت واستخرت وقررت التحويل الى قسم القانون

حابة تشاركوني بنصايحكم وايش الاجراءات اللي اتخذها عشان الحق نفسي

وشكرا مقدما لكم

[الـبيــــــان]

والله ما عندي علم بإجراءات التحويل ,,

بس ما سألتي الشؤوون لو رفعتي معدلك ذا الترم يمكن يقدرون يحولونك نظم ,,ع الترم الجاي ,,

ولا أنتي خلاص شلتي فكرة النظم من راسك ,,

[Joda Majed]

طيب والمواد الي درستيها اش حتعملي فيها ؟

روحي اسآلي بالشؤون =(

[the candle]

المشاركة الأصلية كتبت بواسطة الـبيــــــان والله ما عندي علم بإجراءات التحويل ,, بس ما سألتي الشؤوون لو رفعتي معدلك ذا الترم يمكن يقدرون يحولونك نظم ,,ع الترم الجاي ,, ولا أنتي خلاص شلتي فكرة النظم من راسك ,,

لا انا ماشلتها بس ما ابغى اضيع ترم زيادة واحتمال ما انقبل كمان واتورط

واليوم ان شاء الله رح اسال الشؤون واشوف ايش اعمل

مشكورة ع الرد

[جلنـــار]

^^
اي شئ يحصل معاكِ بليز تعالي قولي لنا

حتى انا الفكرة دي شاغلاني

...

هما القانون ما يدرسوا نفس اللي احنا درسناه صح ؟

[الـبيــــــان]

لا ليش تضيعين ترم هي كلها نفس المواد بس مادة تخصص اللي مختلفة خذي بدالها مادة حرة ,,

[the candle]

المشاركة الأصلية كتبت بواسطة joda majed طيب والمواد الي درستيها اش حتعملي فيها ؟ روحي اسآلي بالشؤون =(

لاتذكريني ف المواد

الله يعين لازم اضحي عشان ما الوم نفسي بعدين

وزي ماقلت ان شاء الله رح اسنتر ف الشؤون اليوم واخذ اخبار تريحني يارب

تسلمي ع الرد

[the candle]

جلنار

ان شاء الله رح اكتبلكم ايش رح يسير معايا ولا يهمك والمواد مهي نفسها تختلف ،،

البيان

للاسف مو نفس المواد العامة اللي اخذناها ،،

[الـبيــــــان]

أنا قصدي لو في تحويل للنظم ما راح يضيع عليك هذا الترم لو أخذتيه محاسبة ,,

والله يسهل عليك ويكتبلك الخير ,,

[the candle]

^

اهااا ايوة اجل كلامك تمام

الله يكتبلنا الخيرة في جميع امورنا