تجربتي مع خطة ب ^^

[Maisoe]

بسم الله الرحمن الرحيم
السلام عليكم ورحمة الله وبركاته
الحمد لله خلصنا نص المشوار هانت باقي ترم ونتخصص وإن شاء الله كل واحد يدخل التخص إلي يبغاه
انا طالبة خطة (ب) وحابة أقدم لكم تجربتي فيها وكيف ذاكرت ومن فين ذاكرت

خطة ب فيها 3 مواد غير الإنجليزي (الكيمياء - الإحصاء-الأحياء )

">

الكيمياء أخذتها مع دكتورة إيمان حجازي صراحة كنت أفهم منها ودائمًا تعيد لبنات إذا ما فهموا شي .. ترفع معنوياتنا وتقلنا حيكون الاختبار سهل وما تخافوا حنعطيكم بونس..الخ
طريقتي في المذاكرة:
صراحة ما كنت أذاكر أول بأول بس كنت أحرص أنه ما يعدي علي شي إلا وأنا فاهمته وما نبدأ في شابتر جديد إلا وأنا مذاكرة إلي قبله عشان ما أتعب في الاختبار . المصادر إلي كنت أذاكر منها سلايدات ليلى الحربي والتست بانك حقها جدددّا مهم يجي منه في الاختبار وملخصات يوسف زويل كنت اشتريها من المكتبة وفي في المنتدى موجودة ..فديوهاته شفتها في آخر الترم وبس شفت لشابتر 9-14-15 وكانت ممتازة أنصح فيها .
الكيمياء مهم جدّا تحل كثير قبل الاختبار ما تهمل ولا مثال عشان تتعود على طريقة الأسئلة أفكارها .
وبالنسبة للبونس ما كان في موجود لا الدوري الاول ولا الثاني بس الفاينل كان فيه 5 أسئلو زيادة بونس والدكتورة أعطتنا كمان بس ما أدري كم
وهذا رابط للموضوع موجود في المنتدى لفديوهات يوسف زويل تلاقوه في الردود http://www.skaau.com/vb/showthread.php?t=629138
ورابط للملخصات زويل إلي لقيتها * بس للأسف مالقيت شابتر 14-15-24* http://www.gulfup.com/?M2YogL
وهذا بالنسبة للكيمياء مادة سهلة وحلوة بس لا تهملها وكلها معلومات سابقة أخدنها في الثانوي.


_____________________________________


">
الإحصاء مادة جدًا جميلة كنت خايفة منها في البداية بس طلعت سهل الحمد لله . أخذتها مع أستاذة أريج عبد العظيم كنت احب طريقتها كنت أفهم منها كانت تمشي معانا حبة حبة بالكتاب تحل أمثلة معانا وطبعًا التمارين في سكشن مع دكتورة السكشن كل أسبوع فصل .
طريقة مذاكرتي:
طبعًا اهم شي الكتااب الكتاب مهم جدًا فيه تمارين وفيه أمثلة زي الي في الاختبار وفيه أفكار كثير + ملخصات أشرف بركات أخذتها عشان فيها أسئلة كثير وفي نهاية الملخص نماذج على الاختبارات وحل لها .. طبعًا أول مرة اشتريتها استغربت من الخط وقلت شكلي اشتريته على الفاضي بس لا تخافوا صح هي كتابة باليد بس مفهومة . الإحصاء زي الكيمياء يبغالها حل تمارين كثير + نماذج اختبارت سابقة
وهذا رابط لملف مضغوط حطيت فيه نماذج اختبارات ممكن تفيدكم http://www.gulfup.com/?NdCH3q
وهذا بالنسبة للإحصاء مادة ممتعة وسهلة




__________________________________________________ __


">

الأحياء المادة الي كنت خايفة منها أول أصبحت من أسهل المواد .. مادة سهل أنا من النوع إلي ما احب الحفظ فكنت أفهمها أول وأحاول أحفظها . في البداية كنت متخوفة أنها بالإنجليزي بس خلاص هي بس فترة وحتتعودوا وحتحبوه.
كنت مع دكتورة منى محمود كانت منسابني على عكس البنات كانوا يقولوا انها سريعة ...الخ عشان كدا انا أنصحكم لا تغيروا دكاترتكم بمجرد سمعتوا عنهم جربوهم أول بعدين حولوا
طريقتي في المذاكرة:
مافي مصدر غير السلايدات هي فقط الي كنت أذاكرها + بعد ما أخلص أفتح التدريب التفاعلي *كثير ناس قالوا في اخطاء بس ما واجهتها * طبعًا أنصححكم الأحياء بالذات ما تخلص فصل إلا وانت مذاكره تمامًا عشان لا تتعب في الاختبار من مجرب حاولوا قدر الأمكان ما تراكموه ..
الحلو في الأحياء الي نختبر فيه ما نرجعله ... وكان في الدوري الأول والثاني 3 أسئلة بونس وفي الفاينل 4
وهذه سلايدات الأحياء http://www.gulfup.com/?ZveUmx
الأحياء مادة استمتعت فيها واعتقد اني حفتقدها جدّا


__________________________________________________ __

وهذه تجربتي مع خطة ب اتمنى أنكم استفدنم منها .. سامحوني إذا كان في تقصير والتنسيق السريع XP .. وأنا موجودة لو كان عندكم أي استفسار وبإذن الله بجاوبكم ... وبالتوفيق في الترم الثاني وإن شاء الله تفرحوا بمعدلات عالية

والسلام عليكم ورحمة الله وبركاته
دعواتكم

[Somaiah Yousef]

يعطيك العآفية

every thing completely

التمارين في سكشن مع دكتورة السكشن كل أسبوع فصل .

السكشن كيف طريقته ؟!

يعني متى موعده وكم مدته :|

[Mirinoxd]

< السكشن طول الأسبوع نفس الشي
يعني تحضري مرا وحدة ف الاسبوع بس يكفي لانو نفسو ينعاد طوال الاسبوع
الموعد من 12 لـ 1 بس مادري ممكن يغيروه حتقولكم دكتورتكم عليه من أول محاضرة ان شاء الله



Maisoe
قرأت اسمك مايوزيس :( < bad memories
يديكي العافية يارب ان شاءالله يستفيدوا بنات خطة أ
و ع فكرة كنا سوا ف نفس الشعبة

[Yasmina95]

اهلان اهلان مساهير هههههه منورة سكاو
وطلعت مساهير و مرام يعرفوا بعض 😁😁 دنيا صغيرة وربي 😂

Mirinoxed
عجبتني مايتوزيس هههههههه للان مؤثر فيكي المنهج 😂😂

[Yasmina95]

المشاركة الأصلية كتبت بواسطة فيونكـه يعطيك العآفية every thing completely السكشن كيف طريقته ؟! يعني متى موعده وكم مدته :|

سيكشن دائماً يكون من 12-1
و كل يوم يكون مع أستاذة ، بس الجزئية اللي كل أستاذة تحلها هي نفسها اللي حتحلها الأستاذة التانية في اليوم اللي بعده فأنتي احضري مرة وحدة بالأسبوع
انني شوفي اختاري لك أحسن أستاذة تفهمي منها.. بس أنا عن نفسي أنصحك بسماح سندي لانها مرة تفهم
وهيا تدي سيكشن كل احد و خميس ،، وأكثر أستاذة زحمة عندها عشان كيده احضري قبل السيكشن بساعة وأحجزي لك مكان
صحباتي يكون عندهم إنجليزي و يحضروا متأخر فكنت أحجز لهم بما أني حاذفته
لانو لمن تدخلي ساعة 12 الضبط الكراسي تخلص والبنات في الارض جالسين و معبيين المكان
هذا عند سماح اما الأستاذات الباقيين عادي ماعندهم زحمة

معليش طولت لكن كتبت خبرتي

[Maisoe]

الله يعافيكِ فيونكة .. وماشاء الله البنات ماقصروا . زي ماقالوا لسكشن هو حل تمارين مستمر طول الاسبوع كل يوم مع دكتورة غير بس نفس التمارين حضور يوم واحد يكفيكي
ااااوه أهلا Mirinoxd كنا في نفس الشعبة طيب حلو XD nice to meet you
ياسمينا اهلا بيك النور نورك .. ايوة من جد قد ايش الدنيا صغيرة :)

[رفّات حُلم]

كنت مع دكتورة منى محمود

يعني كويسة؟ تجربتك معاها كيف؟
لانها نازلتلي في الجدول؟
برأيك الأحياء ما يحتاج فهم؟ حفظي يكفي؟

[Ranad Ayman]

المشاركة الأصلية كتبت بواسطة رفّات حُلم يعني كويسة؟ تجربتك معاها كيف؟ لانها نازلتلي في الجدول؟ برأيك الأحياء ما يحتاج فهم؟ حفظي يكفي؟

لالا حتجيبي العيد ههههههههه
لازم تفهمي انتي ماشوفتيه لسة .. هو اختباراته الحلو فيها تجي مباشرة ما تاخد من الدش بس السؤال كان يجي بكذا طريقة ويكون الجواب نفسه بس تستخدم مثلا مصطلحات تانية .. لو انتي فاهمة حتحليها بسهولة ان شاء الله

بس في الفاينل افتكر والله جات اسئلة من جد تعتمد عالفهم .. افتكر جاني سؤال ما كان موجود في السلايدات بس لمن قعدت افتكر الرسمة استنتجت الاجابة بس ماكان في نص ابدا يبين الخطوة دي فالفهم لاازم مهم امسكي رسمة الاجهزة او الاعضاء واقعدي اقرأي كيفية الخطوات فيها واتخيلي حبة حبة

وبصراحة الاحياء كان اخر همنا على قد انه الدفعات الي قبلنا فجعونا منه هههههههه كنا مرررة قلقانين من اول اختبار بس بعدها الوضع سار حلو الحمدالله والطالبات جابوا اعلى العلامات فيه ماشاءالله

نصيييحة لوجه الله روحي لحنان الشاذلي مررة تفهم وتشرحلك كلل شي من قلبها خدي مكان عندها

الله يوفقكم ياا رب

[Maisoe]

المشاركة الأصلية كتبت بواسطة رفّات حُلم يعني كويسة؟ تجربتك معاها كيف؟ لانها نازلتلي في الجدول؟ برأيك الأحياء ما يحتاج فهم؟ حفظي يكفي؟

منى صراحة كانت مناسباني كنت افهم منها الحمد لله ..ز في بنات كانوا يقولوا انها ما تقهم ( انت جربيها وإذا حسيتي انك ما فهمتي منها حولي لحنان الشاذلي)
أنا ماعمري رحت حنان الشاذلي غير مراجعة للدور الثاني
والحمد لله درجتي في الاحياء مررة كويسة
والأحياء حتحبيه وحتضمني فيه درجات عالية إن شاء الله
بالتوفيق

[safwanj]

والله الخطة صعبة وحريقة