استفسار كم يستحق الخريج ساعة

[سعود-]

السلام عليكم ورحمة الله وبركاته

اخواني واخواتي ارجو الافادة
انا حاصل على 96 ساعة بمعدل 3.17 وباقي لي 32 ساعة اذا بيعطوني الترم الاخير عند التخرج 23 ساعة ابي خذ ترم صيفي 9 ساعات

ولكم جزيل الشكر والاحترام

[سطام الشتوي]

تقدر وانا اخوك تأخذ الترم الصيفي 12 ساعة والباقي تأخذه بالترم الجاي

عموماً اذا بوضعك هذا تقدر تتخرج ان شاء الله الترم الجاي
بس لازم تعدل وضعك الى طالب متوقع تخرجه في بداية الترم الجاي او وانت رايح تختبر الترم الضيفي خذ معك نسخة من الجواز وصورة من بطاقة الاحوال ورح للشؤون التعليمية وعب النموذج اللي عنده لتعديل وضعك الدراسي ومعادلة موادك وطباعتها وبعدها تروم لمدير او امين القسم اللي تدرس فيه يوقعها ويختم عليها وبعدها تروم لعمادة القبول والتسجيل تسلمها لمسجل كليتك وبعدها ان شاء الله يتم تعديل وضعك الدراسي


بالتوفيق ان شاء الله


اخوك

[خالد بن عبدالعزيز]

نفس كلام اخوي سطام كثر الله من امثاله يمديك تنزل 12 ساعة في الصيفي ويبقى عندك 20 ساعة كويسه علشان يمديك تشد حيلك فيها
لاكن حاول انك تنزل المواد الدسمة في الصيفي علشان تريح نفسك بعدين

[البيجر]

اخوي سطام لو تكرمت انا مكتسب 93 ساعه كيف اقدر اخذ 12 ساعه بالصيفي يقولو فقط 9 ساعات علما باني لو اخذ 12 ساعه راح يبقى لي 23 ساعه اخذها الترم الجاي واتخرج باذن الله ... لكن ايش اسوي عشان اقدر اضيف بالصيفي ارسل ايميل او اراجع مين بالظبط... الله يوفق الجميع

[ماهر الوافي]

انا حاولت انزل 12 ساعه لكن ماقدرت

راسلتهم بالمعاملات 3 مرات لكن مافي نتيجه


وسافرت الى جده وكل واحد يرسلني على الثاني لين وصلت (لعميد القبول والتسجيل لشؤن الانتساب) او شئ زي كذا ماادري المهم ان السكرتير (وديع) قالي انه ماهو موجود وشرحتله وضعي قالي مافي النظام مايسمح قلت له لكن في شباب قدروا ياخذوا 12 ساعه راح طبع جدولي وقالي اكتب اسم الماده اللي تبي تضيفه وان شاء الله خير بس مااوعدك

وله اكثر من اسبوعين ماشفنا شئ سحب علي سحبه أليمه الله يسامحه وديع
لكن الشكوى لله الجامعه هذي اذا ماتعرف فيها احد امورك صعبه

[ماهر الوافي]

الحمدلله

تم اضافة 12 ساعه

وبارك الله في الناس اللي تحب الخير لغيرها