سؤال لطلاب المحاسبه

[zook]

السلام عليكم ورحمة الله وبركاته

ابغى اسألكم سؤال ؟؟
انا طالبه من دوبي اتخرجت من السنه التحضيريه علمي ابغى اتخصص محاسبه
بس ابغى اسال لو درست محاسبه حتكون دراستي بالانجليزي كلها ويحيكون فيها مواد عربي
يعني انا ماأبغى اضيع انجليزي السنه التحضيريه فهل حتكون الدراسه بالانجليزي؟؟؟؟؟

[TURKI ALharbi]

يس كلها انقلش بس سهله مو صعبه مره ممتعه مافي مواد بالعربي غير ثقافه والعربي

[gold king]

كل المواد english بس مو صعبة يعني لو تشدي حيلك شوي تشوفيها سهلة واسالي girl ksa عنها خبرررررررة

[girl.k.s.a]

أهلا ياحلوة ..
حيآك الله في كليتنآ < كلية الهم خخخخ < من بدآيتهآ تحطيم

لالا أمزح بالعكككككككس حلوووووة الموآد
بس تحتاج مذآكرة وكل المواد انقلش
ما عدآ الموآد الحرة في الخطة طبعا والمواد العامة

لو عندك انقلش تمااااااااام مرااا حلو تجيبي معدل 5 بالراحة
بالتوفيق يااااااارب ..

[RHF]

بنوتة يا عسلة

انا برضو اتسكنت ادارة ،،

بس مني عارفة متى حنختار التخصصات و كيف طريقتها ؟

ممكن تفهميني :(

( تشرحيلي بالتفصيل ) لو ما عليكي امر يا عسل

<<< معليه حشرت نفسي في موضوعك :(

[ALEMBRA6OR]

وعليكم السلام ورحمة الله وبركاته

تخصص المحاسبة الوحيد الذي يدرس بالانجليزية والعربية , نعم هناك مواد كثيرة سوف تدرس بالعربية وهالكلام منذ مدة نزل في موقع الكلية عند إصدار القرارات ودكتورنا نفس الكلام قاله .

ويمكنك التحري والبحث في هذا الأمر وسؤال أهل الاختصاص .

بالتوفيق .

[girl.k.s.a]

والله لو المحاسبة فيها بالعربي
الله يعينكم أحس العربي أصعب من الانقلش =(

rhf
رآح أجآوب على أسئلتك اللي في الموضوع التاني ,,

[اسامة كردي]

طبعا كلها انجلش بتكون

وافضل الانقلش

انا من الخطة اللي تدرس بالعربي ... احس فيها لخبطة شوية .. لانو في بعض المصطلحات مترجمة وترجمتها اشوف انها غلط

[kloood]

درآستـها بالانجلش وسمعت آنها بتكون عربي وآنجلش للمحاسبـه
بقية التخصصات العلميـه اللي هي نظم معلومات وإدارة أعمال و مستشفيات بتكون بالانجلش

بالنسبه للمحاسبـه آفضـل آنها تكون بالعربي مع بعض المصطلحات الاساسيه تكون بالانجلش ..

[بنت ناس وقلبي ألماس]

صح الماحسبه اتوقع اخر سمسترين في التخصص تدرسيها بالعربي لكن في البدايه راح تدرسيها بالإنقلش..
وبالتوفيق لك يا عسل...