وظائف نسائية في الخطوط السعودية (بكالريوس - ماجستير) جدة

[إشراقة أمــل]

ياهوووو نبي الرقم عشان نشوف الوضع

[Bleeding love]

ليه نعمل تقديم مرة اخرى ؟؟

[سلطان747]

احساس انثى وابتسامة امل

اسف على التأخير في الرد

عموما الاختبار بصراحه كان سدت نفس بصراحه

طريقتة مثل ماقالت الاخت ساره

طبعا قبل الاختبار يقول الموظف بنختبركم اختبار توفل

وزعو اوراق صغيره

السؤال هوا اكتب قدر المستطاع عن my Hobbies
خلال 10 دقايق اذا انتهى الوقت تتسلم
بدا العداد على شاشه كبيره
واخوكم في الله في ازمة وحايس ومو عارف يبدا
عشان ماكنت اعرف اش معناه في راسي انها آمالك من الكلمه hope

بس مو متأكد راحت 5 دقايق وانا اتفرج في الورقة وحك في راسي يعني ان راسي المصباح السحري
ناديت المشرف وقلتله ماني قادر ابدأ قولي اش معناه بالانقليزي وانا بعرف قال مقدر اتكلم في كميرات وراح تكلم مع واحد هندي مشرف زييو ورجع وقال معناها طموحاتك او احلامك او شي زي كذا (شكلو راح عشان يسألأ :)

وغلط تأكدت لما طلعت وعرفت ان معناها هواياتك

المهم هذا السؤال الاول

بعدها وزعو علينا زي المذكره كذا فيها حوالي 90 سؤال
ووزعو اوراق تضليل

اول 40 سؤال استماع يشغلو سي دي فيه محادثات والاجابه من المحادثات

الاسئله كانت اختار جمل تشببه او قريبه من الي سمعتو
وماذا قالت الفتاة او الرجل على حسب المحادثه

طبعا من مره وحده مافي اعادة نسمع مره وحده بس

بعدها يعطوك تقريبا 45 دقيقه تجاوبو على الاسئله الباقية

الاسئلة هذي كانت :
1- جمل وتحت كلمه منها خط وتجيبو المرادف لها من الخيارات (مصطلحات يعني )
2- قطع وعليها اسأله
3- جمل وفي تحت كلماتها خطوط وتحت الخطوط ارقام وتختارو الكلمه الي مكانها في الجمله خطأ
مثل
my name is are sultan
3 2 1


a-1
b-2
c-3

الخيار الصحيح هو b

وهذا هيا طريقة الاختبار

واسف على الـتأخير مره اخرى

[عـــهـــود]

انا سويت تحديث لبياناتي و تحولت حاله طلبي من التحقق و المطابقه لاستلام الطلب

الله يعين =)

[عـــهـــود]

اخوي سلطان موفق ان شاء الله =)

عقبال م يتم اختيارنا لدخول الاختبار ~

[المتفائله -]

السلام عليكم
اتوقع انه مايحتاج تسوي اعادة تقديم لاني سالت موظف قبل لايفتحوا التقديم مره ثانيه وقالي الاخوان جالسين يفرزوا الاسماء وقالي انا اللي سمعته ان الاختبار بيكون في رمضان بس مافي شي واضح الى الان وسالته اذا كان الاختبار توفل او لا قالي ايش مكتوب لكم في الصفحة ؟ اذا توفل يعني توفل واذا مو محددين توفل يعني اختبار عادي
وقالي صح هم طالبين المستوى الرابع بس طبعا بعد الاختبار يشوفوا اذا في بنات كثيرين مثلا جايبين المستوى السادس ناخذهم طبعا لاننا نبغى الافضل ونبدا ننزل الى مانكتفي
بس اللي انا شايفته دحين انهم فتحوا البرنامج من جديد يمكن عشان العدد المتقدم قليل وهم يبغوا عدد معين
ولو عندي اي معلومات راح اشاركم فيها ودعواتكم لي والله اني بامس الحاجه لهذي الوظيفه الله يرزقني واياكم

[المتفائله -]

اللي اعرفه كمان انهم بيسوا مبنى خاص للموظفات فقط وهو عباره عن قسمين
ماليه وتقنية معلومات
وسالت واحد جزاه الله الف خير ادا بس يقبلون بالواسطه وقالي لي والله انهم مشددين وخلي يابنتي واسطتك رب العالمين
إن شاء الله ربي مايضيع تعب احد فينا ويرزقنا هذي الوظيفه بحق هذا الشهر الكريم

[المتفائله -]

اخر معلومه بشاركها معاكم اللي انا اعرفه وظائف الماليه يكون اختبارهم بس قرمر
بس ممكن يكون الاختبار زي ماقالوا الاخوان يعني حضروا كل شي قرمر و ريدينق ورايتنق ولسننق

[دوم رافعة راسي]

اختي المتفأله
لو سمحتي ممكن توصفين لي طبيعه الوظيفه لان اختي بتقدم عليها وماتعرف شي عنها
وجزاك الله خير وكتبلك فيها نصيب باذنه سبحانه وتعالى

..ياليت تردين علي باقرب وقت لان اختي على اساس طبيعه الوظيفه بتقدم
وشكرا,,

[أنا المتفائله]

السلام عليكم
معليش اختي على التاخير في الرد
انا المتفائله بس تقفل حسابي عشان دخلت كلمة السر خطا
فسويت حساب جديد باسم انا المتفائله
بالنسبة لطبيعه الوظيفه زي ماوصفها لي الموظف وظيفه مكتبيه وفي مبنى خاص بالسيدات ومافيه اختلاط هذا كل اللي اعرفه عن الوظيفه وترى والله فرصه خلي اختك تقدم مزاياها مررررررررررره ممتازه زي ماقلي الموظف وإن شاء الله يقبلوا كل اللي مقدمين وإن شاء الله ربي مايخيب رجاء مسلم بحق ها الشر الكرم