استفسار - الرجاء الإجابة

[Fiery Phoenix]

السلام عليكم ورحمة الله وبركاته،،، كل عام وانتم بخير جميعا

عندي سؤال بسيط يحتاج إجابة لو تكرمتوا، أنا طالب مستجد بحمد الله انقبلت في الجامعة واستلمت بطاقتي وجدولي وسلمت أوراقي ومستنداتي المطلوبة للجامعة. أنا طبعا ما اعيش بجدة، أنا من المنطقة الشرقية. وهذا سؤالي الآن، بما ان الدراسة تبدأ في يوم 11 شوال، فمن متى تنصحوني أروج جدة؟ أنا أفكر اني اكون بجدة من يوم الاربعاء او الثلاثاء (يعني قبل الدراسة بــ 3-5 أيام)) على اساس أأكد على السكن عند عمادة شؤؤون الطلاب واستلم بطاقة البنك الخاصة فيني.

هل انا غلطان؟ أو أقدر أجي قبل الدراسة بيوم أو يومين وأسوي كل هذه الأشغال باسبوع الدراسة نفسه؟ المشكلة اني ابغى أتأكد من السكن وباقي المتطلبات البسيطة الثانية وانتهي منها قبل الدراسة، فياليت تعطوني نصيحتكم لاني من جد أحتاجها. واذا فيه حاجة غير مفهومة منا ستفساري أنا مستعد أشرح.

ملاحظة: اعذروني إذا هذا مو المكان المناسب لمواضيع زي كذا.

وشكرا، أخوكم أحمد...

[فروته]

هلا بك اخوي منووووور جدة والجامعة كمان

باذن الله يفيدونك الطلاب اللي عندهم خبرة

لاني مستجدة زيي زيك و عندي نفس استفساراتك


موفق يا رب :)

[@ريــــــــم@]

اناكمان من الشرقيه ...وحجزي على جدة يوم الاربعاء ...عشان استعد وارتب اغراضي قبل تبدا الدراسة وبعدين سمعت انه مارح يكون فيه دراسة فعلية في اول اسبوع..بس حيكون اسبوع تعريفي بالجامعة وبنظامها وخلال الاسبوع هذا يبدؤ باجراءات تسليم بطاقات الصراف للطلاب والطالبات.....بس انا سكن خارجي...وماعندي اي فكره عن السكن الداخلي ..واذا يحتاج انك تاكد عالسكن زي ماقلت انصحك تروح الاثنين الثلاثاء على حسب كم يستغرق وقت...اما اذا كان سكنك جاهز واغراضك جاهزه وكلو تمام ماله داعي تروح بدري...

[@ريــــــــم@]

وزي ماقالت الاخت فروته الاعضاء باذن الله حيساعدونك ...بس انا حابه اطمنك شوي وان الموضوع كلو سهل ومايحتاج القلق هذا...

[فروته]

ريوووم انتي بأي سكن ؟

[كلية المجتمع]

انصحك تروح بدري لأي ظرف



تحياتي

[Fiery Phoenix]

المشاركة الأصلية كتبت بواسطة @ريــــــــم@ اناكمان من الشرقيه ...وحجزي على جدة يوم الاربعاء ...عشان استعد وارتب اغراضي قبل تبدا الدراسة وبعدين سمعت انه مارح يكون فيه دراسة فعلية في اول اسبوع..بس حيكون اسبوع تعريفي بالجامعة وبنظامها وخلال الاسبوع هذا يبدؤ باجراءات تسليم بطاقات الصراف للطلاب والطالبات.....بس انا سكن خارجي...وماعندي اي فكره عن السكن الداخلي ..واذا يحتاج انك تاكد عالسكن زي ماقلت انصحك تروح الاثنين الثلاثاء على حسب كم يستغرق وقت...اما اذا كان سكنك جاهز واغراضك جاهزه وكلو تمام ماله داعي تروح بدري...

أنا سجلت في السكن "مقدما"، يعني لازم أراجع العمادة على اساس اتأكد وبالتالي يكون لي سكن. بصراحة أفكر أروح الثلاثاء أو حتى الاثنين لاني ما عندي فكرة كم يستغرق الوقت. عموما خير، وشكرا جزيلا ريم ^^

رجاء إذا فيه أي تعلبقات أو آراء زيادة لا تبخلوا علي، خاصة المجربين واهل الخبرة.

Peace out.

[المتــــــيم]

بسم الله الرحمن الرحيم

السلام عليكم اخوي احمد
انا سألتهم بعد ما سجلت قالولي السكن ما دام سجلوك في الورقة ((عطونا في آخر شي ورقة قالوا سجلوا فيها النشاطات اللي تبونها
من ضمن الأسئلة كان في السكن ))مادام سجلوك وانت برا جدة قالوا نتصل فيك
او بنزله في المنتدى وبطاقات الصراف قالوا في اول اسبع من الدراسة بس صراحة ما حددوا طيب بالنسبة للجدول لازم تدخل قبل الدراسة باسبوع على الرابط اللي عطوكياه في الجدول اللي استلمته لأن يمكن غيروه
ان شاء الله فدتك واي خدمة انا جاهز

المتـــــــــيم

[فني كلمات]

أنصحك إنك تروح من الآن وتخلص كل أمورك بما أن الدوام مستمر إلى الآن
ولا ترجع الجامعة إلا يوم الجمعة 10/10 وإنت مرتآآآآآآآح

[Fiery Phoenix]

المشاركة الأصلية كتبت بواسطة المتــــــيم بسم الله الرحمن الرحيم السلام عليكم اخوي احمد انا سألتهم بعد ما سجلت قالولي السكن ما دام سجلوك في الورقة ((عطونا في آخر شي ورقة قالوا سجلوا فيها النشاطات اللي تبونها من ضمن الأسئلة كان في السكن ))مادام سجلوك وانت برا جدة قالوا نتصل فيك او بنزله في المنتدى وبطاقات الصراف قالوا في اول اسبع من الدراسة بس صراحة ما حددوا طيب بالنسبة للجدول لازم تدخل قبل الدراسة باسبوع على الرابط اللي عطوكياه في الجدول اللي استلمته لأن يمكن غيروه ان شاء الله فدتك واي خدمة انا جاهز المتـــــــــيم

أكيد أفدتني وشكرا لك ...

أما بالنسبة لكلام الاخ فني كلمات، للأسف ما أقدر أروح بالوقت هذا.